Fantasy Thriller : సాధారణంగా జాంబీ సినిమాలలో హింస బీభత్సంగా ఉంటుంది. అయితే ఇది ఒకరి నుంచి ఒకరికి రక్తం ద్వారా వైరస్ అంటుకుంటుంది. అయితే ఇందుకు భిన్నంగా ఒక హాలీవుడ్ మూవీ రూపొందింది. ఇందులో మనుషులు జాంబీలుగా మారరు, కానీ కేవలం చూపు కలవగానే హింసాత్మకంగా ప్రవర్తిస్తారు. ఈ విభిన్నమైన కాన్సెప్ట్ కూడా ప్రేక్షకులను ఆకట్టుకుంటుంది. ఈ సినిమా అంతర్జాతీయ ఫిల్మ్ ఫెస్టివల్స్ లో మంచి గుర్తింపు పొందింది.
స్టెఫాన్ కాస్టాంగ్ దర్శకత్వంలో వచ్చిన ఈ ఫ్రెంచ్ బ్లాక్ కామెడీ ఫాంటసీ థ్రిల్లర్ సినిమాపేరు ‘విన్సెంట్ మస్ట్ డై’ (Vincent Must Die). ఇది స్టెఫాన్ కాస్టాంగ్ కు మొదటి ఫీచర్ ఫిలిం.ఇందులో కరీం లెక్లో (విన్సెంట్), విమలా పోన్స్ (మార్గాక్స్) లీడ్ రోల్స్ లో నటించారు. 2023 కాన్ ఫిల్మ్ ఫెస్టివల్లో ఈ సినిమా ప్రీమియర్ ప్రదర్శించింది ఈ మూవీ. 1 గంట 48 నిమిషాల పాటు సాగే ఈ సినిమా అంతర్జాతీయ వేదికలపై మంచి ప్రశంసలు అందుకుంది. అలాగే ఎన్నో అవార్డులను కూడా గెలుచుకుంది. ఈ సినిమా ప్రస్తుతం ప్రైమ్ వీడియో, ఆపిల్ టివిలలో అద్దెకు మాత్రమే అందుబాటులో ఉంది.
విన్సెంట్ అనే ఒక సాదాసీదా ఉద్యోగి, ఒకరోజు ఆఫీసులో కూర్చుని ఉంటాడు. అయితే అసలు ఏ తప్పూ చేయకపోయినా పక్కనే ఉన్న ఇంటర్న్ అబ్బాయి సడన్గా లేచి కంప్యూటర్ కీబోర్డ్తో విన్సెంట్ ముఖం మీద గట్టిగా కొడతాడు. అందరూ అది ఏదో చిన్న గొడవ అనుకుంటారు. కానీ ఆ తర్వాత వరుసగా దారిలో వెళ్లేవాళ్లు, అపరిచితులు, ఆఖరికి చిన్న పిల్లలు కూడా విన్సెంట్ని చూడగానే పిచ్చెక్కినట్టు చంపడానికి వస్తుంటారు. వాడు ఎవరినైనా కళ్ళలోకి చూస్తే చాలు, ఎదుటివాడికి పూనకం వచ్చినట్టు అయిపోయి విన్సెంట్ని ఏవైనా ఆయుధాలతో దాడి చేయడం మొదలుపెడతారు. ఈ వింత హింస అతని ఆఫీసు నుండి మొదలై, ప్రతిచోటా వ్యాపిస్తుంది. విన్సెంట్ తన ప్రాణాలను కాపాడుకోవడానికి పారిపోవాల్సి వస్తుంది. దారిలో వెళ్తున్నప్పుడు కూడా హెల్మెట్ పెట్టుకుని, ఎవరికీ కనబడకుండా తిరుగుతుంటాడు.
ఈ క్రమంలోనే వాడికి మార్గాక్స్ అనే ఒక వెయిట్రెస్ పరిచయం అవుతుంది. వింత ఏంటంటే, మిగతా అందరిలా ఆమెకి విన్సెంట్ని చూడగానే చంపాలనే కోపం రాదు. చివరికి తెలిసేది ఏంటంటే, ఇది కేవలం విన్సెంట్కి మాత్రమే జరుగుతున్న సమస్య కాదు. లోకమంతా మెల్లమెల్లగా ఇలాంటి వింత వ్యాధితో నిండిపోతుంది. మనుషులు ఒకరినొకరు చూసుకోగానే చంపుకోవాలని చూస్తుంటారు. లోకం మొత్తం పిచ్చెక్కిపోయి రోడ్ల మీద కొట్టుకు చస్తుంటారు. విన్సెంట్, మార్గాక్స్ ఒకరినొకరు కళ్ళలోకి చూసుకోకుండా ఉండటానికి కళ్లకు గంతలు కట్టుకుని, పడవ మీద ఎక్కడికైనా సురక్షితమైన చోటుకి వెళ్ళిపోవాలని నిర్ణయించుకుంటారు. చివరికి వీళ్ళు ఎక్కడికి వెళతారు ? ఈ వింత నుంచి ఎలా బయట పడతారు ? అసలు ఎందుకు మనుషులు కళ్ళలోకి చూస్తే కొట్టుకు చస్తున్నారు ? అనే విషయాలను, ఈ బ్లాక్ కామెడీ ఫాంటసీ థ్రిల్లర్ సినిమాను చూసి తెలుసుకోండి.
Read Also : జర్నలిస్ట్ కు చుక్కలు చూపించే సీరియల్ కిల్లర్… ఊహించని మలుపులతో టాప్ లేపుతున్న సైకలాజికల్ థ్రిల్లర్
Share
Dhurandhar 2: డిమానిటైజేషన్ వెనుక రూ. 60 వేల కోట్ల కుట్ర.. సినిమాలో షాకింగ్ ట్విస్ట్!
IPL 2026 : 70 శాతం వర్షం, ఆర్సీబీ, SRH తొలి మ్యాచ్ రద్దు..టెన్షన్ లో అభిమానులు ?
