Psychological Thriller OTT : గత ఏడాది థియేటర్లలో రిలీజ్ అయిన ఒక కొరియన్ మూవీ ఇప్పుడు ఓటీటీలో ట్రెండింగ్ లో ఉంది. ఈ సినిమా గ్రిప్పింగ్ స్క్రీన్ప్లే నటీనటుల పెర్ఫార్మెన్స్ కారణంగా, విమర్శకుల ప్రశంసలు కూడా పొందింది. ఈ కథలో ఒక జర్నలిస్ట్, జైలులో ఉన్న ఒక సీరియల్ కిల్లర్ను ఇంటర్వ్యూ చేయడానికి వెళ్తుంది. ఆ తరువాత కథ ఉత్కంఠభరితమైన మలుపులు తిరుగుతుంది. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది.
ఈ కొరియన్ సైకలాజికల్ థ్రిల్లర్ సినిమా పేరు ‘మర్డరర్ రిపోర్ట్’ (Murderer Report). చో యంగ్-జున్ దీనికి దర్శకత్వం వహించారు. ఇందులో ప్రముఖ నటి జో యో-జియాంగ్ రిపోర్టర్గా, జంగ్ సుంగ్-ఇల్ కిల్లర్గా నటించారు. ఇది 2025 సెప్టెంబర్ 5 న థియేటర్లలో రిలీజ్ అయింది. ప్రస్తుతం ఈ సినిమా JioHotstar, Apple TV లలో అందుబాటులో ఉంది
ఒక పేరున్న లేడీ రిపోర్టర్ ఉంటుంది. తన రేటింగ్స్ పెంచుకోవడం కోసం ఏదైనా సెన్సేషనల్ న్యూస్ కావాలని తెగ వెతుకుతుంటుంది. ఆ టైమ్లో జైల్లో ఉన్న ఒక భయంకరమైన సైకో కిల్లర్ ఈమెకు తగులుతాడు. అతను వరుసగా 11 మందిని చంపిన కిరాతకుడు. నేను చేసిన హత్యల గురించి ఎవరికీ తెలియని సీక్రెట్స్ నీకు చెప్తాను, వచ్చి నన్ను ఇంటర్వ్యూ చెయ్ అని ఆ కిల్లర్ ఆఫర్ ఇస్తాడు. దాంతో ఆ రిపోర్టర్ పెద్ద స్కూప్ దొరికిందని ఆశపడి వాడి దగ్గరికి వెళ్తుంది. ఇక జైల్లో ఆ కిల్లర్ రిపోర్టర్తో అసలు ఆట మొదలుపెడతాడు. వాడు చంపిన విధానం గురించి చెప్తూనే, మెల్లగా ఆ రిపోర్టర్ పర్సనల్ లైఫ్ లోకి దూరి ఆమెను మానసికంగా టార్చర్ పెడతాడు. అతను చెప్పే మాటలు వింటుంటే ఆమెకు మైండ్ బ్లాక్ అయిపోతుంది.
నిజానికి వాడు ఇంటర్వ్యూ ఇస్తున్నాడా లేక ఆమెతో ఏదైనా డేంజర్ గేమ్ ఆడుతున్నాడా అన్నది అర్థం కాక ఆ రిపోర్టర్ పిచ్చెక్కిపోతుంది. చివరికి ఆ కిల్లర్ ఎందుకు ఇవన్నీ చెప్తున్నాడు? కావాలనే ఈ రిపోర్టర్ను ఎందుకు పిలిపించుకున్నాడు? అనేదే ఈ సినిమా క్లైమాక్స్. జైలు గదిలో ఇద్దరి మధ్య జరిగే మాటల యుద్ధం, ఆ కిల్లర్ ఇచ్చే షాకింగ్ ట్విస్టులు సినిమాను చాలా ఇంట్రెస్టింగ్గా మారుస్తాయి. క్లైమాక్స్లో వచ్చే మలుపు మాత్రం ఎవరూ ఊహించలేనట్లుగా ఉంటుంది.
Read Also : మాఫియా లీడర్ గా మారే గూఢచారి… వెంట పడే డిటెక్టివ్… కేక పెట్టిస్తున్న కొరియన్ థ్రిల్లర్
Share
Karthika Deepam : వంటలక్క గురించి ఎవరికి తెలియని టాప్ సీక్రెట్.. ఫ్యాన్స్ కు ఫుల్ కిక్కే ..!
Podarillu Mahalakshmi : 'పొదరిల్లు' మహా ఇండస్ట్రీలోకి రాకముందు ఏం చేసిందో తెలుసా..?
