OTT Movie : హాలివుడ్ హారర్ సినిమా అంటేనే ఓ రేంజ్ లో భయపెట్టే సన్ని వేశాలు ఉంటాయి. ఇక కామెడీ హారర్ సినిమాలైతే ఒక పక్క భయపెడుతూ, మరో వైపు కామెడీ సీన్స్ తో కేక పెట్టిస్తుంటాయి. ఇప్పుడు మనం చెప్పుకోబోయే సినిమాలో రెండూ మిక్స్ చేసి ఉంటాయి. ఈ స్టోరీ హోలోవీన్ సీజన్ లో జరుగుతుంది. అక్కడ ఈ ఫెస్టివల్ సమయంలో ఒక భయంకరమైన షో ఏర్పాటు చేస్తారు. అక్కడికి వెళ్ళిన నలుగురు స్నేహితులు ఊహించని ట్రాప్ లో పడతారు. ఆతరువాత వాళ్ళ చుట్టూ జరిగే హాంటెడ్ సీన్స్ తో స్టోరీ నడుస్తుంది. హారర్ కామెడీ ఇష్టపడే వాళ్ళు మిస్ కాకుండా చూడాల్సిన సినిమా ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే …
2020లో విడుదలైన అమెరికన్ హాలివుడ్ హారర్ కామెడీ సినిమా పేరు ‘ఫియర్ ఫార్మ్’ (Fear Pharm). డాంటే యోర్ దర్శకత్వంలో ఇది రూపొందింది. ఇందులో టియానా టట్టుల్, ఎమిలీ స్వీట్, హౌస్టన్ స్టెవెన్సన్, జాన్ లిటిల్‌ఫీల్డ్ లీడ్ రోల్స్ లో నటించారు. ఈ సినిమా 2020సెప్టెంబర్ 11న రిలీజ్ అయింది. అమెజాన్ ప్రైమ్ వీడియో Tubi లో ఈ సినిమా అందుబాటులో ఉంది.
Read Also : హాంటెడ్ హౌస్ లో మోడ్రన్ భూతాలు… సినిమా డైరెక్టర్ తో మంతనాలు… వాటి జోలికెళ్తే దబిడి దిబిడే
క్రిస్టీ అనే యువతి తన ముగ్గురు స్నేహితులు కలసి, హాలోవీన్ సీజన్‌లో వినోదం కోసం ప్రసిద్ధి చెందిన “ఫియర్ ఫార్మ్” అనే హాంటెడ్ షో కి వెళ్లాలని నిర్ణయించుకుంటారు. ఇది ఒక పెద్ద పొలంలో ఏర్పాటు చేసిన భయపెట్టే ప్రదర్శన. ఈ ఫామ్‌కి ఒక విచిత్రమైన చరిత్ర ఉంది. ఇది పాతాళ లోకానికి ద్వారం అని కొందరు నమ్ముతారు. యువత సరదాగా నవ్వుతూ అక్కడికి చేరుకుంటారు. మొదట వారు దీన్ని కేవలం ఒక వినోద కార్యక్రమంగా, నటులు భయపెట్టే సాధారణ ప్రదర్శనగా భావిస్తారు. డబ్బులు పెట్టి టికెట్ తీసుకుని లోపలికి వెళ్తారు. పంట పొలాలలో చెరకు తోటల్లో జరిగే ఈ షో లో వీళ్ళకు ఎదురయ్యే భయానక సంఘటనలు, వాస్తవానికి చాలా దగ్గరగా ఉన్నాయని గ్రహించడం మొదలుపెడతారు. ఒక్కొక్కరిని అందులో ఉన్న వాళ్ళు విచిత్రమైన ఆకారాలు క్రూరంగా వేటాడటం మొదలు పెడతారు. చివరికి ఈ నలుగురూ ప్రాణాలతో బయట పడతారా ? ‘ఫియర్ ఫార్మ్’ లో బలవుతారా ? అనే విషయాలను, ఈ అమెరికన్ హాలివుడ్ హారర్ కామెడీ సినిమాను చూసి తెలుసుకోండి.
Share
Pressure Cooker Safety: ప్రెషర్ కుక్కర్లో వండిన ఆహారం సురక్షితమేనా?.. నిపుణులు ఏం చెబుతున్నారో చూసేయండి!
DK Shivakumar: ఆర్సీబీ ఫ్యాన్స్ కు ట్ర‌బుల్ షూట‌ర్‌ గుడ్ న్యూస్‌..చిన్న‌స్వామికి ఎలాంటి ఢోకా లేదు, ఇక పండ‌గే
