Feel Good Movie OTT : స్నేహం అంటే కేవలం పార్టీలు చేసుకోవడం కాదు, అవసరంలో ప్రాణం ఇవ్వడం కూడా. అయితే ఎంత మంది ఇలా ఉంటారో తెలియదు గాని, ఒక హాలీవుడ్ సినిమాలో స్నేహం గురించి చాలా గొప్పగా చూపించారు. ఇది గుండెకు హత్తుకునేలా ఉంటుంది. నిజ జీవిత సంఘటనల ఆధారంగా తెరకెక్కిన ఈ సినిమా, స్నేహం గొప్పతనాన్ని చాటిచెప్పే సినిమాల్లో ఒకటిగా నిలిచింది. ఒక వైపు క్యాన్సర్ అనే భయంకరమైన వ్యాధి వల్ల ఒక కుటుంబం ఛిన్నాభిన్నం అవుతుంటే, మరోవైపు ప్రాణ స్నేహితుడు తన స్వార్థం చూసుకోకుండా వారికి అండగా ఎలా నిలబడ్డాడో ఈ సినిమా చాలా ఎమోషనల్ గా చూపిస్తుంది. ఇది కేవలం కన్నీళ్లు తెప్పించే సినిమా మాత్రమే కాదు, కష్టకాలంలో నిజమైన స్నేహం ఎలా ఉంటుందో చూపించే ఒక గొప్ప రియల్ స్టోరీ.
ఈ ఫీల్ గుడ్ అమెరికన్ డ్రామా సినిమా పేరు ‘అవర్ ఫ్రెండ్’ (Our Friend). 2019లో వచ్చిన ఈ సినిమాకు గాబ్రియేలా కౌపర్త్వైట్ దర్శకత్వం వహించారు. ఇందులో జేసన్ సీగెల్, డకోటా జాన్సన్, కేసీ అఫ్లెక్ లీడ్ రోల్స్ లో నటించారు. మాథ్యూ టేగ్ అనే జర్నలిస్ట్ తన జీవితంలో జరిగిన యదార్థ సంఘటనలను రాసిన ఒక ఆర్టికల్ ఆధారంగా ఈ సినిమాను తీశారు. సాధారణంగా కామెడీ పాత్రలు చేసే జేసన్ సీగెల్, ఈ సినిమాలో ‘డేన్’ అనే సీరియస్ ఫ్రెండ్ క్యారెక్టర్లో అద్భుతంగా నటించి విమర్శకుల ప్రశంసలు అందుకున్నారు. మరో ముఖ్య విషయం ఏమిటంటే, ఈ సినిమా స్టోరీ అప్పుడప్పుడు ఫ్లాష్బ్యాక్ లోకి, మళ్ళీ ప్రజెంట్ లోకి మారుతూ సాగుతుంది. దీనివల్ల ఆ ముగ్గురి మధ్య ఉన్న స్నేహం ఏళ్ల తరబడి ఎలా బలపడిందో మనకు క్లియర్ గా అర్థమవుతుంది. ప్రస్తుతం ఈ సినిమా యూట్యూబ్, గూగుల్ ప్లే మూవీస్, అమెజాన్ ప్రైమ్ వీడియోలలో రెంటల్ పద్ధతిలో అందుబాటులో ఉంది.
మాథ్యూ, నికోల్ అనే భార్యాభర్తలు, ఇద్దరు పిల్లలతో జీవితాన్ని హాయిగా సాగిస్తుంటారు. అయితే ఒక్కసారిగా క్యాన్సర్ అనే మహమ్మారి వాళ్ళ సంసారంలోకి వచ్చి పడుతుంది. నికోల్కు జబ్బు చేసిందని తెలియగానే ఆ ఇల్లంతా చీకటి అయిపోతుంది. పిల్లల్ని చూసుకోవడం, పెళ్లాం బాధను భరించడం మాథ్యూ వల్ల కాక పిచ్చోడిలా అయిపోతాడు. ఆ టైంలో వాళ్లకు ఏం చేయాలో అస్సలు అర్థం కాదు. అప్పుడు వాళ్ల ప్రాణ స్నేహితుడు డేన్ సీన్లోకి వస్తాడు. తన పనేదో తను చూసుకోకుండా, స్నేహితుల కష్టాన్ని చూసి తట్టుకోలేక తన సొంత ఊరు, ఉద్యోగం అన్నీ వదిలేసి వీళ్ల ఇంటికి వచ్చేస్తాడు.
ఒక రెండు వారాలు ఉండి వెళ్తానని వచ్చినోడు, ఆ ఇంటికి ఒక పిల్లవాడిలా, ఒక కాపలాదారుడిలా మారిపోయి అక్కడే ఉండిపోతాడు. వంట చేయడం, పిల్లల్ని స్కూల్కి తీసుకెళ్లడం, నికోల్కు ధైర్యం చెప్పడం.. ఇలా ప్రతి పనిలోనూ తోడుంటాడు. చివరికి నికోల్ చనిపోయే వరకు డేన్ ఆ కుటుంబాన్ని వదిలిపెట్టడు. ఈ రోజుల్లో సొంత తమ్ముడు, అన్న కూడా రాని కష్టకాలంలో, ఒక స్నేహితుడు తన జీవితాన్ని త్యాగం చేసి మరీ వాళ్ల కోసం నిలబడటం ఈ కథలో హైలైట్.
Read Also : మైండ్ బ్లాకయ్యే హత్యలు… ఐయండిబిలో 8 రేటింగ్ తో వెన్నులో వణుకు పుట్టించే క్లైమాక్స్
Share
Nindu Noorella Saavasam Serial Today Episode April 20th ‘నిండు నూరేళ్ల సావాసం’ సీరియల్: ఆకాష్ ను కనిపెట్టిన అమర్ 
గర్భిణీలు జాగ్రత్త! పొరపాటున కూడా ఈ పండ్లు తినకండి
