Gullak Season 5 : ‘గుల్లక్’ అంటే ఇంటింటా ప్రతి ఒక్కరికీ తెలిసిన సిరీస్. మిశ్రా కుటుంబం జీవితం, వాళ్ల సమస్యలు, చిన్న చిన్న సంతోషాలు… ఇవన్నీ చూస్తుంటే మన కుటుంబం గుర్తు వస్తుంది. ఇప్పుడు ఆ సిరీస్ ఐదో సీజన్ స్ట్రీమింగ్ కు సిద్ధం అవుతోంది. కానీ ఈసారి ఫ్యాన్స్ కు ఒక పెద్ద షాక్ ఇచ్చింది. అందరి అభిమానం చూరగొన్న అన్ను భయ్యా పాత్రలో నటించిన వైభవ్ రాజ్ గుప్తా ఈ సీజన్లో లేడు. అతని స్థానంలో కొత్త ముఖం వచ్చేసింది. ఈ వార్త వినగానే ఫ్యాన్స్ నిరాశకు గురయ్యారు. ఆయనను సిరీస్ నుంచి తొలగించడానికి గల కారణం ఏంటి ? అనే చర్చ సోషల్ మీడియాలో జోరుగా సాగుతోంది. మరి మేకర్స్ ఇలా చేయడం వెనకున్న అసలు కారణం ఏంటో తెలుసుకుందాం పదండి.
నటుడు వైభవ్ కు ఈ సిరీస్ ద్వారా మంచి గుర్తింపు దక్కింది. అయితే ఈ సీజన్లో మాత్రం వైభవ్ తన పారితోషికం భారీగా పెంచాలని డిమాండ్ చేశాడట. గత సీజన్ లో ఇచ్చినంతకంటే ఎక్కువ పారితోషికం డిమాండ్ చేశాడట. నిజానికి ‘గుల్లక్’ సిరీస్ ను చాలా సింపుల్ బడ్జెట్ తో తీస్తున్నారు మేకర్స్. అందువల్ల నిర్మాతలు TVF – SonyLIV (సోనీ లివ్) ఆ డిమాండ్ ను అంగీకరించలేకపోయారు. దీంతో వైభవ్ తో ఒప్పందం కుదరలేదు. ఫలితంగా ఆయన పోషించిన అన్ను భయ్యా పాత్రలో కొత్త ముఖం వచ్చేసింది. ‘12th ఫెయిల్’ సినిమాలో బాగా నటించిన అనంత్ వి జోషి ఈ పాత్రలో కనిపించబోతున్నారు. ఇతను ఎలా పాత్రను హ్యాండిల్ చేస్తాడో చూడాలని ఫ్యాన్స్ ఆసక్తిగా ఎదురు చూస్తున్నారు.
Also Read : 25,21,00,000 వ్యూస్… నాలుగేళ్లుగా నెట్ ఫ్లిక్స్ ను ఊపేస్తున్న సిరీస్… ఇదేం పిచ్చి సామీ
జూన్ 5 నుంచి SonyLIVలో ‘గుల్లక్ సీజన్ 5’ స్ట్రీమింగ్ అవుతుంది. అన్ను భయ్యా మారినా, మిగతా మిశ్రా కుటుంబం మళ్లీ కళకళలాడుతుంది. జమీల్ ఖాన్ (సంతోష్ మిశ్రా), గీతాంజలి కులకర్ణి (శాంతి మిశ్రా), హర్ష్ మేయర్ (అమన్ మిశ్రా) వాళ్లంతా ఈ సీజన్ తో తిరిగి వస్తున్నారు. సునీతా రాజ్వార్, గోపాల్ దత్, హెల్లీ షా వంటి నటీనటులు కూడా ఇందులో ఉన్నారు. ‘గుల్లక్’ మధ్యతరగతి కుటుంబం జీవితాన్ని చాలా రియల్ గా, హాస్యంగా చూపిస్తుంది. ఈ సీజన్ లో కూడా అదే స్టైల్ కొనసాగుతుంది. కుటుంబ సంబంధాలు, చిన్న చిన్న సమస్యలు, సంతోషాలు… అన్నీ ఉంటాయి. ఫ్యాన్స్ కు ఇది కొంచెం షాక్ ఇచ్చినా, కొత్త అన్ను భయ్యా ఎలా ఉంటాడో చూడాలని ఎదురు చూస్తున్నారు.
Also Read : అబ్బాయిలు కన్పిస్తే రెచ్చిపోయి ఆ పాడు పని చేసే మోహినీ పిశాచి
Share
ఏసీ గదిలో ఉంటే చర్మం పొడిబారుతోందా? ఈ చిన్న చిట్కాతో మీ చర్మాన్ని కాపాడుకోండి
IMDbలో 7.7 రేటింగ్ ఉన్న ఈ కాప్-డ్రామాను ఫ్రీగానే చూడొచ్చు
