OTT Movie :అతీంద్రియ శక్తుల చుట్టూ తిరిగే ఒక కొరియన్ కామెడీ హారర్ సినిమాకి ఓటీటీలో మంచి రెస్పాన్స్ వస్తోంది. ఇద్దరు స్నేహితులతో మొదలయ్యే ఈ కథ నెక్స్ట్ లెవెల్ కి తీసుకెళ్తుంది. ఒక పల్లెటూరిలో సెటిల్ అవ్వాలనుకున్న వీళ్ళకి ఓ హాంటెడ్ దెయ్యం ఎదురు పడుతుంది. అంతేకాకుండా ఒక్కొక్కరూ విచిత్రంగా చచ్చిపోతుంటారు. క్లైమాక్స్ వరకు ఈ సినిమా కుర్చీల్లో కూర్చోబెడుతుంది. ఓ వైపు భయపెట్టిస్తూ, మరో వైపు నవ్విస్తూ ఈ సినిమా ఆడియన్స్ ని ఎంటర్టైన్ చేస్తుంది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..
2024లో విడుదలైన ఈ కొరియన్ కామెడీ హారర్ చిత్రం పేరు “హ్యాండ్‌సమ్ గైస్” (Handsome Guys). ఇది 2010లో వచ్చిన కెనడియన్ హారర్ కామెడీ చిత్రం టక్కర్ & డేల్ వర్సెస్ ఈవిల్ (Tucker & Dale vs. Evil)కి రీమేక్. నామ్ డాంగ్-హ్యుప్ దర్శకత్వంలో ఇది తెరకెక్కింది. ఇందులో లీ సుంగ్-మిన్, లీ హీ-జూన్ ప్రధాన పాత్రల్లో నటించారు. ప్రస్తుతం ప్రైమ్ వీడియోలో ఈ సినిమా అందుబాటులో ఉంది.
జె-పిల్, సాంగ్-గూ అనే ఇద్దరు స్నేహితులు తమను తాము అందగాళ్లుగా భావిస్తూ ఉంటారు. సిటీ లైఫ్ కి దూరంగా, పల్లెటూరిలో కొనుగోలు చేసిన తమ కలల ఇంటికి మారి, ప్రశాంతమైన జీవితాన్ని ప్రారంభించాలని ఆశపడతారు. అయితే కొంచెం వీళ్ళ మోటు ప్రవర్తన వల్ల అక్కడ నివసించే స్థానికులు అనుమానంగా చూస్తారు. అదే సమయంలో కొంతమంది కాలేజీ విద్యార్థులు సమీపంలోని అడవిలో క్యాంపింగ్ చేయడానికి వస్తారు. అనుకోకుండా ఆ విద్యార్థులలో ఒక అమ్మాయి నీటిలో మునిగిపోతుండగా జె-పిల్, సాంగ్-గూ ఆమెను రక్షించడానికి ప్రయత్నిస్తారు. కానీ పరిస్థితి తప్పుగా అర్ధం చేసుకోవడంతో, విద్యార్థులంతా వీళ్ళను కిడ్నాపర్లుగా భావిస్తారు. ఇక్కడి నుంచి గందరగోళం మొదలవుతుంది.
Read Also : దేవుడి ఇంటికి రాసిన ఉత్తరంతో పోస్ట్ మ్యాన్ తిప్పలు… తండ్రి కోసం తల్లడిల్లిపోతూ
Share
OTT Movie: బెడ్రూంలో ఇదేం పనిరా అయ్యా... అమ్మాయి వెనకే వచ్చి... ఇంటెన్స్ హై ఆక్టెన్ థ్రిల్లర్‌... యాక్షన్ ప్రియులకు ఐ ఫీస్ట్
In-Call Scam Alert: సైబర్ దొంగల గేమ్ ఓవర్.. పవర్‌ఫుల్ యాంటీ ఫ్రాడ్ ఫీచర్ వచ్చేసింది
