Romantic Slasher Thriller on OTT : వాలెంటైన్స్ డే దగ్గర పడిందంటే ప్రేమికులు తమ లవ్ ను సెలబ్రేట్ చేసుకోవడానికి రెడీ అవుతారు. కానీ అదే సమయంలో ఓ మాస్క్డ్ కిల్లర్ ప్రేమజంటలనే టార్గెట్ చేస్తూ తిరుగుతుంటే ? ఎక్కడ ప్రేమికులు కనిపిస్తే అక్కడే ప్రత్యక్షమై, వాళ్ల జీవితాలను నరకంగా మార్చేస్తే పరిస్థితి ఎలా ఉంటుంది ? ప్రేమ, భయం, కామెడీ కలిపి సాగే క్రేజీ స్లాషర్ థ్రిల్లర్ ‘Heart Eyes’. మరి ఈ సినిమాను తెలుగులో చూడొచ్చా ? ఏ ఓటీటీలో స్ట్రీమింగ్ అవుతోంది ? అనే వివరాలపై ఒక లుక్కేద్దాం పదండి.
కథ ప్రేమికుల రోజుకు సంబంధించిన ఓ భయంకరమైన మిస్టరీతో మొదలవుతుంది. నగరంలో ప్రేమజంటలు ఒక్కొక్కరుగా కిల్లర్ కు టార్గెట్ అవుతుంటారు. ముఖానికి మాస్క్ వేసుకున్న ఆ వ్యక్తి ఎప్పుడు ఎక్కడి నుంచి వస్తాడో ఎవరికీ అర్థం కాదు. ప్రేమలో మునిగిపోయిన జంటలకు అసలు ప్రమాదం ఎప్పుడు వస్తుందో తెలియక పరిస్థితులు మరింత టెన్షన్గా మారతాయి. ఇదే సమయంలో ఇద్దరు యువకులు అనుకోకుండా ఈ కిల్లర్ వేటలో చిక్కుకుంటారు.
ఒకరినొకరు పూర్తిగా అర్థం చేసుకునేలోపే ప్రాణాలు కాపాడుకోవాల్సిన పరిస్థితి రావడంతో వారి మధ్య జరిగే సంభాషణలు, గందరగోళం, తప్పించుకునే ప్రయత్నాలు నవ్వులు తెప్పిస్తాయి. కానీ కిల్లర్ మాత్రం సరదాగా తీసుకునే రకం కాదు. అతని దాడుల వెనుక ఓ ప్యాటర్న్ ఉందని గుర్తించిన తర్వాత ఈ జంటకు అసలు విషయం అర్థమవుతుంది. ప్రేమికులనే ఎందుకు చంపుతున్నాడు ? అతని టార్గెట్కు ఏదైనా ప్రత్యేకమైన కారణం ఉందా ? ఈ జంట అతని చేతికి చిక్కకుండా తప్పించుకోగలదా ? చివరికి మాస్క్ వెనుక ఉన్న వ్యక్తి ఎవరో బయటపడినప్పుడు కథ ఎలాంటి మలుపు తిరుగుతుంది ? అనేదే సినిమాలో చూడాల్సిన థ్రిల్.
అలా ప్రేమికులపై కన్నేసిన ఈ మిస్టరీ కిల్లర్ వరుసగా జంటలను టార్గెట్ చేస్తుంటాడు. మొదట ఇదంతా ఏదో సరదా గేమ్లా అనిపించినా, కిల్లర్ దాడులు పెరిగేకొద్దీ అసలు భయం మొదలవుతుంది. అదే సమయంలో ఈ హత్యల మధ్య చిక్కుకున్న ఓ యువ జంట తమ ప్రాణాలు కాపాడుకోవడానికి చేసే ప్రయత్నాలు కథకు కామెడీ టచ్ ఇస్తాయి. అసలు ఈ మాస్క్డ్ కిల్లర్ ప్రేమికులనే ఎందుకు టార్గెట్ చేస్తున్నాడు ? అతని వెనుక ఉన్న అసలు రహస్యం ఏంటి ? కిల్లర్ కంట్లో పడిన తర్వాత ఈ జంట ఎలా తప్పించుకుంది ? అనేదే సినిమాలో అసలు ట్విస్ట్.
‘హార్ట్ ఐస్’ 2025లో వచ్చిన ఇంగ్లీష్ రొమాంటిక్ స్లాషర్ ఫిల్మ్. ప్రేమ, హారర్, సస్పెన్స్, బ్లాక్ కామెడీ కలగలిసిన ఈ మూవీ Netflixలో స్ట్రీమింగ్ అవుతోంది. మాస్క్డ్ కిల్లర్ కథలు, స్లాషర్ సినిమాలు, భయంతో పాటు ఫన్ ఉండే ఎంటర్టైనింగ్ థ్రిల్లర్స్ ఇష్టపడేవారికి ‘హార్ట్ ఐస్’ మంచి టైమ్పాస్ రైడ్గా అనిపించొచ్చు.
Share
“చిల్లర నా కొ..” అంటూ రెచ్చిపోయిన KTR.. పోలీసులతో రచ్చ!
మరో మల్టీప్లెక్స్ ప్లానింగ్ లో రౌడీ హీరో..విస్తరిస్తున్న సినీ సామ్రాజ్యం!
