Historical action movie on OTT : ‘టైటానిక్’ సినిమాతో ప్రపంచం కంట్లో పడ్డ కుర్రాడు లియోనార్డో డికాప్రియో. ఈ సినిమా ఎంత పెద్ద హిట్ అయిందో అందరికీ తెలిసిందే. అయితే ఆ తరువాత మరో హిస్టారికల్ మూవీలో ఈ హీరో ఆకట్టుకున్నాడు. 1860ల కాలంలో రెండు గ్యాంగ్ ల ఆధిపత్యం కోసం చేసే పోరాటమే ఈ సినిమా. ఇది 10 ఆస్కార్ నామినేషన్లను దక్కించుకోవడం విశేషం. ఈ సినిమా కోసం వాడిన కాస్ట్యూమ్స్, ఆయుధాల విషయంలో కూడా చిత్ర యూనిట్ ఎక్కడా రాజీ పడకుండా చాలా రీసెర్చ్ చేసి మరీ వాడారు. అందుకే ఈ సినిమా చూస్తున్నంత సేపు మనం 1860ల నాటి న్యూయార్క్లో ఉన్నామా అనే ఫీలింగ్ కలుగుతుంది. ఈ సినిమా కూడా లియోనార్డోకి మంచి పేరు తెచ్చి పెట్టింది.
దీని పేరు? ఏ ఓటీటీలో ఉంది ? అనే వివరాల్లోకి వెళ్తే..
మార్టిన్ స్కోర్సెస్ దర్శకత్వంలో 2002లో వచ్చిన ఒక అద్భుతమైన హిస్టారికల్ డ్రామా సినిమా ‘గ్యాంగ్స్ ఆఫ్ న్యూయార్క్’ (Gangs of New York). 1860ల కాలంలో న్యూయార్క్ నగరంలోని ‘ఫైవ్ పాయింట్స్’ అనే ప్రాంతంలో జరిగే గ్యాంగ్ వార్స్ ఆధారంగా ఈ సినిమా రూపొందింది. ఈ చిత్రంలో లియోనార్డో డికాప్రియో, డేనియల్ డే-లూయిస్, కామెరాన్ డియాజ్, జిమ్ బ్రాడ్బెంట్ల్ లీడ్ రోల్స్ లో నటించారు. ఈ సినిమా డైరెక్టర్ మార్టిన్ స్కోర్సెస్ ఈ కథను వెండితెరపైకి తేవడానికి దాదాపు 20 ఏళ్లు వెయిట్ చేశారు. 1970ల్లోనే ఆయన ఈ సినిమా తీయాలనుకున్నా, భారీ బడ్జెట్, సరైన టెక్నాలజీ లేక వాయిదా వేస్తూ వచ్చారు. సినిమా షూటింగ్ కోసం ఇటలీలో వేసిన సెట్స్ ఎంత పెద్దవి అంటే, అప్పట్లో ఆ సెట్ను చూడటానికి ఫేమస్ డైరెక్టర్ జార్జ్ లూకాస్ వచ్చి, ఇలాంటివి కంప్యూటర్ గ్రాఫిక్స్లో చేయొచ్చు కదా, ఎందుకు ఇంత రిస్క్ తీసుకుంటున్నారని ఆశ్చర్యపోయారట. కానీ స్కోర్సెస్ మాత్రం అంతా సహజంగా ఉండాలని పట్టుబట్టి మరీ ఆ భారీ సెట్టింగ్లోనే సినిమాను తీశారు. ప్రస్తుతం ఇది prime Video, Netflix ఓటీటీలలో అందుబాటులో ఉంది.
న్యూయార్క్లోని ఫైవ్ పాయింట్స్ అనే ఏరియాలో రెండు పెద్ద గ్యాంగుల మధ్య భీభత్సమైన గొడవ జరుగుతుంటుంది. ఒక పక్క లోకల్ గ్యాంగ్ లీడర్ ‘బిల్ ది బుట్చర్’, మరోపక్క ఐరిష్ వలసదారుల గ్యాంగ్ లీడర్ ‘ప్రీస్ట్ వల్లన్’ (లియోనార్డో తండ్రి) తలపడతారు. ఈ రచ్చలో బిల్ చేతిలో ప్రీస్ట్ వల్లన్ దారుణంగా చనిపోతాడు. అతని చిన్నోడైన కొడుకు అమ్స్టర్డామ్ (లియోనార్డో డికాప్రియో) ఇదంతా కళ్లారా చూసి, ఎలాగైనా ఆ బిల్ ని చంపాలని కసితో రగిలిపోతూ అక్కడి నుండి తప్పించుకుంటాడు.
పదహారేళ్ల తర్వాత, అమ్స్టర్డామ్ మళ్లీ అదే ఏరియాలోకి ఎంట్రీ ఇస్తాడు. అప్పటికి బిల్ అక్కడ పెద్ద డాన్ అయిపోయి, అందరినీ వణికిస్తుంటాడు. అయితే అమ్స్టర్డామ్ తన అసలు పేరు దాచిపెట్టి, బిల్ దగ్గరే నమ్మకంగా చేరుతాడు. మెల్లమెల్లగా బిల్ నమ్మకాన్ని గెలిచి వాడికి రైట్ హ్యాండ్ లాగా మారిపోతాడు. వాడి పక్కనే ఉంటూనే, సరైన టైమ్ చూసి వాడిని నరికి పారెయ్యాలని పక్కా స్కెచ్ వేస్తాడు. ఈ మధ్యలో జెన్నీ అనే ఒక పిల్లి కళ్ల అమ్మాయితో మనోడికి ప్రేమాయణం కూడా సాగుతుంది.
కానీ చివర్లో ఒక ఫ్రెండ్ వల్ల అమ్స్టర్డామ్ ఎవరో బిల్ కి తెలిసిపోవడంతో సీన్ రివర్స్ అవుతుంది. ఆ తర్వాత అమ్స్టర్డామ్ తన పాత గ్యాంగ్ని ఏకం చేసి బిల్ తో ఫైనల్ ఫైట్కి దిగుతాడు. మరి ఈ ఫైట్ లో ఎవరు గెలిచారు ? అమ్స్టర్డామ్ తన రివేంజ్ తీర్చుకున్నాడా ? బిల్ చేతిలో తండ్రిలా ఓడిపోయాడా ? అనేది ఈ సినిమాను చూసి తెలుసుకోవాల్సిందే.
Read Also : భూమి మీద భారీ విధ్వంసం… మంచు కొండల్లో ఇరుక్కుపోయిన ఫ్యామిలీ… తెలుగులోనూ స్ట్రీమింగ్
Share
మోసగాళ్లకి మైండ్ బ్లాక్ అయ్యేలా... బ్యాంక్ దొంగల పని పట్టిన లోకల్ గ్యాంగ్... ఓటీటీలో ఆకట్టుకుంటున్న హీస్ట్ కామెడీ
కొడుకు కోసం ఓ తల్లి త్యాగం... మనసుని కలిచివేసే కథ... కన్నీళ్లు పెట్టించే క్లైమాక్స్
