Hollywood OTT Releases : వీకెండ్ వచ్చిందంటే చాలు ఓటీటీలలో సినిమాల జాతర జరుగుతుంది. ఆడియన్స్ హాయిగా ఇంట్లోనే కూర్చుని కొత్త కొత్త సినిమాలు, సిరీస్ లను చూడవచ్చు. అయితే ఇలా విడుదలయ్యే సినిమాలలో కూడా ఎక్కువగా హాలీవుడ్ మూవీస్ ఉండడం విశేషం. కాబట్టి హాలీవుడ్ సిరీస్ లు, సినిమాల లవర్స్ కు వీకెండ్ వచ్చిందంటే పండగే. మీరు కూడా ఆ లిస్ట్ లో ఉంటే ఈ మూవీ సజెషన్ మీ కోసమే. వరుసగా 3 రోజుల్లోనే 3 సిరీస్ లు ఓటీటీలోకి వచ్చాయి. కామెడీ, డ్రామా, రొమాన్స్‌ వంటి జానర్లలో తాజాగా ఓటీటీలో సందడి చేస్తున్న ఆ ఇంగ్షీషు సిరీస్ లు ఏంటో చూసేద్దాం పదండి.
కామెడీ-డ్రామా వెబ్ సిరీస్ ‘ష్రింకింగ్ సీజన్ 3’. మొదటి రెండు సీజన్లు ప్రేక్షకులను సక్సెస్ ఫుల్ గా నవ్వించాయి. ఇప్పుడు ఈ సిరీస్ మూడవ సీజన్ తో తిరిగి ఆడియన్స్ ను అలరించడానికి సిద్ధం అయ్యింది. మేకర్స్ ప్రకారం ఇదే చివరి సీజన్ కావచ్చు. కాబట్టి ఇది మరింత ప్రత్యేకంగా ఉంటుంది. సీజన్ 3లో జాసన్ సెగెల్, జెస్సికా విలియమ్స్, ల్యూక్ టెన్నీ, మైఖేల్ యురీ, లుకిటా మాక్స్‌వెల్, క్రిస్టా మిల్లర్, హారిసన్ ఫోర్డ్, టెడ్ మెక్‌గిన్లీ నటించారు. ‘ష్రింకింగ్ సీజన్ 3’ జనవరి 28 నుంచి ప్రీమియర్ అవుతుంది. ఆపిల్ టీవీలో ఈ సిరీస్ ను చూడవచ్చు.
వేరే ప్రపంచంలో, గతంలో జరిగిన కొన్ని సంఘటనల నేపథ్యంలో సాగే రొమాంటిక్ వెబ్ సిరీస్ ‘బ్రిడ్జర్టన్ సీజన్ 4’. ఈసారి కథ బెనెడిక్ట్ బ్రిడ్జర్టన్ అనే బ్రహ్మచారి చుట్టూ తిరుగుతుంది. ఒక విలాసవంతమైన పార్టీలో అతను నిజానికి మారువేషంలో ఉన్న ఒక స్త్రీని కలుస్తాడు. ఇక్కడే వారి మధ్య రొమాంటిక్ స్టోరీ ప్రారంభమవుతుంది. ఈ సీజన్‌లో మసాలి బదుజా, యెరిన్ హా, కేటీ లియుంగ్, మిచెల్ మావో, ఎమ్మా నవోమి, హ్యూ సాచ్స్, ఇసాబెల్లా వీ నటించారు. ‘బ్రిడ్జర్టన్ సీజన్ 4’ రెండు భాగాలుగా విడుదల అవుతుంది. మొదటి భాగం జనవరి 29న, రెండవ భాగం ఫిబ్రవరి 26న ప్రీమియర్ అవుతుంది. ఈ సిరీస్‌ను నెట్‌ఫ్లిక్స్‌లో చూడవచ్చు.
కామెడీ-డ్రామా వెబ్ సిరీస్ ‘వండర్ మ్యాన్’ ఇద్దరు హాలీవుడ్ నటుల చుట్టూ తిరుగుతుంది. తమ కెరీర్‌లను ముందుకు తీసుకెళ్లడానికి జీవితాన్ని మార్చే చిత్రాల కోసం ఎదురు చూస్తూ ఉంటారు. సూపర్ హీరో పాత్రను పోషించడానికి ప్రయత్నిస్తున్నప్పుడు పడ్డ కష్టాలు ఉత్కంఠను పెంచేస్తాయి. ఇందులో ప్రేక్షకులు వినోద పరిశ్రమలోని గ్లామర్ వెనుక ఉన్న దారుణమైన నిజాలను చూడవచ్చు. ఈ సిరీస్‌లో యాహ్యా అబ్దుల్-మతీన్ II, బెన్ కింగ్స్లీ, ఆర్యన్ మోయెద్, ఎక్స్ మాయో, జ్లాట్కో బురిక్ నటించారు. ‘వండర్ మ్యాన్’కు డెస్టిన్ డేనియల్ క్రెట్టన్, జేమ్స్ పోన్సోల్డ్ట్, టిఫనీ జాన్సన్, స్టెల్లా మెక్‌గీ దర్శకత్వం వహించారు. ఈ సిరీస్ జనవరి 27 నుంచి జియో హాట్ స్టార్ లో ప్రసారం ప్రారంభమైంది.
Read Also : రిలీజైన 14 రోజులకే ఓటీటీలోకి వచ్చేసిన ‘వా వాతియార్’… కార్తీ సినిమాను ఏ ఓటీటీలో చూడొచ్చంటే ?
Share
Varasuralu Saketh: 'వారసురాలు ' సాకేత్ రియల్ లైఫ్.. ఒక్కరోజు రెమ్యూనరేషన్ ఎంతంటే..?
Amazon Prime February Release: 'ది బ్లఫ్' నుంచి 'ఇక్కిస్' వరకు... ఫిబ్రవరిలో ప్రైమ్ వీడియో క్రేజీ లైనప్
