Horror Comedy OTT : హారర్ సినిమాకు కామెడీని జోడిస్తే ఆ కిక్కే వేరబ్బా అంటున్నారు ప్రేక్షకులు. ఇక ఇలాంటి హారర్ కామెడీ సినిమాలు ఏ భాషలో వచ్చిన వదిలిపెట్టడం లేదు. ఇప్పుడు మనం చెప్పుకోబోయే గుజరాతి మూవీ కూడా ఇదే జానర్లో వచ్చి మంచి రెస్పాన్స్ ఇచ్చింది. ఈ సినిమా కడుపుబ్బ నవ్విస్తూనే, భయపెట్టే సీన్లతో టెన్షన్ గా సాగుతుంది. ఈ హర్రర్ కామెడీ సినిమా పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..
ఈ గుజరాతీ హర్రర్ కామెడీ మూవీ పేరు ‘అఫ్రా తఫ్రి’ (Affraa Taffri). వైరల్ రావు దర్శకత్వం వహించిన ఈ సినిమా, గుజరాతీ చిత్ర పరిశ్రమలో వచ్చిన మొదటి హర్రర్ కామెడీ చిత్రాలలో ఒకటిగా నిలిచింది. ఇందులో మిత్రా గధ్వి, ఖుషీ షా, చేతన్ దైయా, శేఖర్ శుక్లా ప్రధాన పాత్రల్లో నటించారు. దాదాపు 2 గంటల నిడివి ఉన్న ఈ సినిమా 2020 ఫిబ్రవరి 14న థియేటర్లలో రిలీజ్ అయింది. IMDbలో 7.0/10 రేటింగ్ ను కూడా పొందింది. ఈ సినిమా ప్రస్తుతం Amazon Prime Video, ShemarooMe, Airtel Xstream Playలో అందుబాటులో ఉంది.
విశ్రాంపూర్ అనే ఊళ్లో ఒక ముసలాయన చనిపోవడానికి సిద్ధంగా ఉంటాడు. ఆయనకు తన మనవరాలు సోనాల్ పెళ్లి చూడాలని ఆఖరి కోరిక ఉంటుంది. కానీ ఆ అమ్మాయికి అప్పుడే పెళ్లి చేసుకోవడం అస్సలు ఇష్టం ఉండదు. ఇంట్లో వాళ్లేమో ముసలాయన పోయేలోపు పెళ్లి చేయాలని ఒక పక్క, ఆమెకు ఇష్టం లేక ఇంకో పక్క… ఇలా ఇల్లంతా గందరగోళంగా మారుతుంది. ఇక పెళ్లి చూపులు, హడావిడి జరుగుతుండగా కథలోకి దెయ్యం ఎంట్రీ ఇస్తుంది. అప్పటిదాకా నవ్వులాటగా సాగిన సీన్లు కాస్తా భయపెట్టేలా మారతాయి. ఆ ఇంట్లో ఏదో తేడా ఉందని అందరికీ అర్థమవుతుంది. అసలు ఆ దెయ్యం ఎందుకు వచ్చింది? పెళ్లిని ఆపడానికా ? పాత కక్షలు ఏవైనా ఉన్నాయా? ఆ ఇంట్లో ఉన్న దెయ్యం గొడవను ఎలా పరిష్కరించారు ? సోనాల్ పెళ్లి జరిగిందా ? అనే ప్రశ్నలకు సమాధానాలను తెలుసుకోవాలనుకుంటే, ఈ గుజరాతీ హర్రర్ కామెడీ సినిమాను మిస్ కాకుండా చూడండి.
Share
Iran Airport Blast: ఇజ్రాయెల్ దాడి.. ఇరాన్ విమానాశ్రయంలో భారీ పేలుళ్లు.. వీడియోలు వైరల్
Rajendra Prasad: చిన్నారిపై రాజేంద్రప్రసాద్ దురుసు ప్రవర్తన.. క్షమాపణలు చెప్పాలంటూ డిమాండ్!
