Rajendra Prasad: సినిమా సెలబ్రిటీలు పబ్లిక్ ఫిగర్స్ కాబట్టి వారు ఎప్పుడైనా సరే పబ్లిక్ లోకి వస్తే వారితో కరచాలనం చేయాలని , ఫోటోలు దిగాలి అని అభిమానులు చాలా ఆత్రుతగా ఎదురు చూస్తారు. అయితే అందులో కొంతమంది ఓపికగా అభిమానులకు సెల్ఫీలు ఇవ్వడానికి ఇష్టపడితే.. మరికొంతమంది చీదరించుకుంటూ ఉంటారు. ఆ తర్వాత సోషల్ మీడియాలో ట్రోల్స్ ఎదుర్కొన్న వారు కూడా లేకపోలేదు..అయితే ఇక్కడ సీనియర్ స్టార్ హీరో రాజేంద్రప్రసాద్(Rajendraprasad ) కూడా తాజాగా చిన్నారిపై విరుచుకుపడుతూ ఆ బాలుడిని పక్కకు తోసేసిన వీడియో ఇప్పుడు సోషల్ మీడియాలో హల్చల్ చేయడంతో రాజేంద్రప్రసాద్ పై సోషల్ మీడియాలో భారీగా ట్రోల్స్ వైరల్ అవుతున్నాయి.
చిత్ర పరిశ్రమలో సీనియర్ స్టార్ హీరో రాజేంద్రప్రసాద్ గురించి పరిచయాలు ప్రత్యేకంగా అవసరం లేదు. ముఖ్యంగా ఇండస్ట్రీలో ఎంతోమంది నటులు ఉన్నప్పటికీ దశాబ్దాల తరబడి తనదైన నటనతో ప్రేక్షకులను మెప్పిస్తూ ఇండస్ట్రీలో స్టార్ గా కొనసాగుతున్న అతి కొద్ది మందిలో ఈయన కూడా ఒకరు. చిన్న చిన్న పాత్రలు చేస్తూనే ఇండస్ట్రీలో స్టార్ స్టేటస్ సొంతం చేసుకున్న రాజేంద్రప్రసాద్.. ఇప్పటికీ సినిమాలు చేస్తూ ప్రేక్షకులను మెప్పిస్తున్నారు. ఒకప్పుడు కామెడీ, ఫ్యామిలీ హీరోగా పేరు దక్కించుకున్న ఈయన ఇప్పుడు హీరో , హీరోయిన్ కి తండ్రి పాత్రలో నటిస్తూ దూసుకుపోతున్నారు. అలాంటి ఒక గొప్ప నటుడు రాజేంద్రప్రసాద్ బయట కనిపిస్తే ఆయనతో ఫోటో తీసుకోవాలనే కోరిక అందరిలో ఉంటుంది. ఈ నేపథ్యంలోనే ఒక ఫోటో అడిగిన ఒక బాలుడిని తోసేసి ఆయన అడ్డంగా దొరికిపోయారు.
వివరాలలోకి వెళితే.. తెలంగాణ డిప్యూటీ ముఖ్యమంత్రి భట్టి విక్రమార్క కొడుకు వివాహం తాజాగా జరిగిన సంగతి తెలిసిందే.. ఈ సందర్భంగా చాలా మంది సినీ, రాజకీయ ప్రముఖులు, వ్యాపారవేత్తలు, దిగ్గజాలు ఈ పెళ్లి కార్యక్రమానికి హాజరై నూతన వధూవరులను ఆశీర్వదించారు. ఈ నేపథ్యంలోనే సినీ ఇండస్ట్రీ నుండి నటుడు రాజేంద్రప్రసాద్ కూడా ఈ వేడుకకు హాజరయ్యారు. ఈ నేపథ్యంలోనే సెల్ఫీ అడిగిన ఒక పిల్లాడిని చిరాకుగా పక్కకు తోసేశారు. ఇక ఆ వీడియో సోషల్ మీడియాలో వైరల్ అవుతోంది. ఇది చూసిన నెటిజన్లు ఆయనపై తమదైన స్టైల్ లో రియాక్ట్ అవుతున్నారు. ఒక చిన్న పిల్లవాడు సెల్ఫీ అడిగితే ఇవ్వాలి లేదా కుదరదని చెప్పాలి.. అలా తోసేయడం ఏంటి? కొంచమైనా ఆలోచన లేదా? అంటూ ఆయనపై సీరియస్ అవుతున్నారు. ఇక ప్రస్తుతం ఇందుకు సంబంధించిన వీడియో కూడా సోషల్ మీడియాలో వైరల్ గా మారింది.
ఇకపోతే రాజేంద్రప్రసాద్ ఇలా చిక్కుల్లో ఇరుక్కోవడం ఇదేమి మొదటిసారి కాదు.. మొన్నా మధ్య ఒక సినిమా వేదిక పైన రాజేంద్రప్రసాద్ నోరు జారుతూ.. బ్రహ్మానందం లాంటి నటులను టార్గెట్ చేసి వేదికలపై వివాదాస్పద వ్యాఖ్యలు చేయడంతో చాలామంది ఆయనపై విమర్శలు గుప్పించారు. ఇక అలాంటి సంఘటనలు మరువకముందే ఇప్పుడు మరో వివాదంలో చిక్కుకోవడంతో చాలామంది ఆశ్చర్యపోతున్నారు. ముఖ్యంగా రాజేంద్రప్రసాద్ ఆ కుర్రాడికి క్షమాపణలు చెప్పాలని డిమాండ్ చేస్తూ ఉండడం గమనార్హం. మరి రాజేంద్రప్రసాద్ ఈ వైరల్ వీడియోపై ఏదైనా స్పందిస్తారో చూడాలి.
ఫోటో కోసం వచ్చిన పిల్లాడిని తోసేసిన రాజేంద్ర ప్రసాద్ గారు!! సోషల్ మీడియా లో వీడియో వైరల్!! pic.twitter.com/xvJY1w1WKd
— Movies4u Official (@Movies4u_Officl) March 6, 2026
Share
Horror Comedy OTT : తాత ఆఖరి కోరిక... మెంటలెక్కించే మనవరాలు... క్లైమాక్స్ వరకు నవ్వులే
IND VS NZ Final : టీమిండియా ముందు మూడు గండాలు...దేవుడు దిగివ‌చ్చినా టీ20 వ‌ర‌ల్డ్ క‌ప్ గెల‌వ‌డం క‌ష్ట‌మే !
