Romantic Thriller OTT : కొరియన్ సిరీస్ అంటే చెవి కోసుకుంటున్నారు ఆడియన్స్. ఎన్ని ఎపిసోడ్లు ఉన్నా, వారాల తరబడి చూడడానికి కూడా వెనకాడట్లేదు. ఇక రొమాంటిక్ సిరీస్ లను చూడకుండా అస్సలు ఉండట్లేదు. ఈ నేపథ్యంలో ఓటీటీలోకి రీసెంట్ గా ఒక కొరియన్ రొమాంటిక్ థ్రిల్లర్ వచ్చింది. ఇందులో ఒక అమ్మాయి ఎవరినైతే ప్రేమిస్తుందో వాళ్ళు చచ్చిపోతుంటారు. డిటెక్టివ్ ఎంట్రీతో అసలు కథ మొదలవుతుంది. ఇన్సూరెన్స్ మోసాల గురించి ఈ సిరీస్ ఇంటెన్స్ గా చూపిస్తుంది.
ఈ కె-డ్రామా రొమాంటిక్ థ్రిల్లర్ సిరీస్ పేరు ‘సైరెన్స్ కిస్’ (Siren’s Kiss). కిమ్ చియోల్-గ్యు దర్శకత్వం వహించిన ఈ కె-డ్రామాలో పార్క్ మిన్-యంగ్, వై హా-జున్, కిమ్ జంగ్-హ్యూన్ ప్రధాన పాత్రల్లో నటించారు. ఇది 2026 మార్చ్ 2 నుంచి ప్రైమ్ వీడియోలో స్ట్రీమింగ్ అవుతోంది. సైరెన్స్ కిస్ లో మొత్తం 12 ఎపిసోడ్లు ఉంటాయి. ప్రైమ్ వీడియో ఇప్పుడు ఎపిసోడ్ 1, 2 మాత్రమే అందుబాటులోకి తెచ్చింది. మిగతా ఎపిసోడ్స్ వారానికి ఒకటి చొప్పున రిలీజ్ కానున్నాయి. ఈ సిరీస్ ఏప్రిల్ 7న వచ్చే చివరి ఎపిసోడ్ తో ముగుస్తుంది. ‘సైరెన్స్ కిస్’ 1999 జపనీస్ సిరీస్ ‘కూరి నో సేకా’ కి రీమేక్.
వూ-సోక్ ఒక స్మార్ట్ ఇన్సూరెన్స్ ఇన్వెస్టిగేటర్. ఇన్సూరెన్స్ డబ్బుల కోసం జరిగే మోసాలను కనిపెట్టడంలో అతను దిట్ట కూడా. ఈ క్రమంలో అతనికి హాన్ సోల్ అనే మిస్టరీ మహిళ గురించి తెలుస్తుంది. ఆమె చాలా అందంగా ఉంటుంది. అయితే ఒక వింత ఏమిటంటే, ఆమె గతంలో ప్రేమించిన ముగ్గురు వ్యక్తులు అనుమానాస్పద స్థితిలో చనిపోయి ఉంటారు. దీనివల్ల ఆమె మీద అందరికీ అనుమానం కలుగుతుంది. ఆమె నిజంగానే ఒక సీరియల్ కిల్లరా లేక ఆమె చుట్టూ ఏదైనా పెద్ద కుట్ర జరుగుతుందా అనేది తెలుసుకోవడానికి వూ-సోక్ రంగంలోకి దిగుతాడు. అయితే ఇతను అక్కడకి వచ్చి లవ్ ట్రాక్ నడుపుతాడు.
నిజం బయటపెట్టడానికి వూ-సోక్ ప్లాన్ వేసి, ఆమెతో ప్రేమలో ఉన్నట్లు నటిస్తూ ఆమెకు దగ్గరవుతాడు. కానీ ఆమెతో గడిపే కొద్దీ, ఆమెలోని అమాయకత్వం చూసి అతను నిజంగానే ప్రేమలో పడిపోతాడు. ఆమె ఒక వైపు అతన్ని తన వైపు లాక్కుంటూ ఉంటే, మరోవైపు ఆమె గతం గురించిన భయంకరమైన నిజాలు బయటపడుతుంటాయి. చివరికి అతను ఆమెను కాపాడతాడా ? ఆమె వేసిన వలలో చిక్కుకుని ప్రాణాలు కోల్పోతాడా ? అనే ఉత్కంఠభరితమైన మలుపులతో ఈ కథ సాగుతుంది.
Read Also : మహిళలకు నరకం చూపించే వింత సైకో… సూదులు గుచ్చి వెర్రి వేషాలు… చూస్తే బుర్ర పాడే
Share
Friday OTT Releases : శుక్రవారం ఓటీటీ లవర్స్ కు ఫుల్ మీల్స్.. వీటిని అస్సలు మిస్ అవ్వకండి...
Intinti Ramayanam Today Episode: ట్విస్ట్ అదిరింది.. నిజం ఒప్పుకున్న చక్రధర్.. దిమ్మతిరిగే షాకిచ్చిన పల్లవి..
