Horror Comedy Movie : పాతకాలపు మనుషుల ఎమోషన్స్ తో ఒక హర్రర్ కామెడీ మూవీ ఓటీటీలో స్ట్రీమ్ అవుతోంది. బెంగాలీ ఇండస్ట్రి నుంచి వచ్చిన ఈ సినిమా, ఒక అద్భుతమైన హర్రర్ కామెడీగా పేరు తెచ్చుకుంది. ఐయండిబిలో దీనికి 8.0/10 రేటింగ్ కూడా ఉంది. అప్పుల ఊబిలో కూరుకుపోయిన ఒక రాజ వంశస్థుడు, 400 ఏళ్ల నాటి తన పాత రాజభవనాన్ని అమ్మాలని ప్లాన్ చేసినప్పుడు కథలో ఒక దెయ్యం వస్తుంది. ఆ తరువాత వచ్చే సీన్స్ తో ఆడియన్స్ కడుపుబ్బా నవ్వుతూనే ఉంటారు. ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే
ఈ బెంగాలీ సూపర్నేచురల్ కామెడీ హర్రర్ మూవీ పేరు ‘బల్లభ్పురేర్ రూప్కోత’ (Ballabhpurer Roopkotha). అనిర్బన్ భట్టాచార్య దర్శకత్వం వహించిన తొలి సినిమా ఇది. ఈ చిత్రం 1954లో బాదల్ సర్కార్ రాసిన నాటకం ఆధారంగా రూపొందింది. ఈ చిత్రం 2022 అక్టోబర్ 25న కాళీ పూజా స్పెషల్ గా థియేటర్లలో రిలీజ్ అయింది. U సర్టిఫికేట్ పొందిన ఈ మూవీ దాదాపు 2 గంటల 16 నిమిషాల నిడివితో ఉంటుంది. శ్రీ వెంకటేష్ ఫిల్మ్స్ బ్యానర్పై విడుదలైన ఈ సినిమా బాక్సాఫీస్ వద్ద మంచి కలెక్షన్స్ సాధించింది. ఇందులో సత్యం భట్టాచార్య , సురంగన బందోపాధ్యాయ, దేబ్రాజ్ భట్టాచార్య వంటి నటులు నటించారు. ప్రస్తుతానికి ఈ సినిమా బెంగాలీ ఆడియోలో మాత్రమే అందుబాటులో ఉంది. Hoichoi, Amazon Prime Video, Jio hotstar లలో ఇది స్ట్రీమింగ్ అవుతోంది.
బళ్లభపూర్ రాజవంశానికి చివరి వారసుడైన భూపతి రాయ్ అప్పుల్లో కూరుకుపోయి ఉంటాడు. తనకున్న ఒకే ఒక్క ఆస్తి 400 ఏళ్ల నాటి పాత కోట. ఆ శిథిలావస్థలో ఉన్న కోటను అమ్మేసి, తన అప్పులు తీర్చుకుని కలకత్తాలో స్థిరపడాలని భూపతి ప్లాన్ చేస్తాడు. కానీ ఆ కోటలో భూపతితో పాటు వాళ్ల తాతల కాలం నాటి ఒక దెయ్యం కూడా ఉంటుంది. కోటను కొనడానికి వచ్చే కస్టమర్ల ముందు ఈ దెయ్యం విషయం బయటపడకుండా మేనేజ్ చేయడానికి భూపతి తన స్నేహితుడు సంజీవ్తో కలిసి చేసే ప్రయత్నాలు చాలా నవ్వు తెప్పిస్తాయి.
ఒక రోజు ఆ కోటను కొనడానికి హల్దార్ అనే కుటుంబం అక్కడికి వచ్చినప్పుడు అసలు కథ మొదలవుతుంది. ఆ రాత్రి కోటలో జరిగే వింత సంఘటనలు, గందరగోళం, దెయ్యం చేసే పనులు ప్రేక్షకులను కడుపుబ్బా నవ్విస్తాయి. చివరకు ఆ దెయ్యం సమస్య తీరిందా? భూపతి తన కోటను అమ్మి అప్పుల నుండి బయటపడ్డాడా? అన్నదే ఈ సినిమా మిగిలిన కథ.
Read Also : హారర్ నుంచి యాక్షన్ వరకు… ఓటీటీలోకి వచ్చేస్తున్న అదిరే బ్లాక్బస్టర్ సినిమాలు, సిరీస్లు
Share
BGauss OoWah: 8 సెకెన్లలో 40 కిమీ వేగం, ఈ ఎలక్ట్రిక్ స్కూటర్ తో మామూలుగా ఉండదు భయ్యా!
Dacoit release date: అడివి శేష్ డాకాయిట్ విడుదల తేదీ వాయిదా.. మొత్తం ఆ స్టార్ హీరో వల్లే..!
