గడప దాటి లోపలికి వస్తే శవంగా బయటకు… ఈ ఆత్మల కొంప క్లైమాక్స్ మామూలుగా ఉండదు

Horror Movie OTT : సూపర్ నేచురల్ హర్రర్ సినిమాలకు ఉండే క్రేజ్ ఏంటో ప్రత్యేకంగా చెప్పక్కర్లేదు. ఈ సినిమాల కోసమే ఓటీటీలో స్పెషల్ గా సర్చ్ చేసే వారి సంఖ్య భారీగానే ఉంటుంది. అందులో మీరు కూడా ఒకరైతే ఈరోజు మన మూవీ సజెషన్ మీ కోసమే. మరి ఇంకెందుకు ఆలస్యం ఇప్పుడు మనం మాట్లాడుకోబోయే మూవీ పేరేంటి ? ఏ ఓటీటీలో అందుబాటులో ఉంది ? అనే విషయాలను తెలుసుకుందాం పదండి.

ఓటీటీలలో దొరకని మూవీ

ఈ హర్రర్ థ్రిల్లర్ పేరు Haunt (2013). ఇదొక అతీంద్రియ హారర్ థ్రిల్లర్. ఒక పాత ఇంట్లోని రహస్యాలు, అక్కడ నివసించే ఆత్మల చుట్టూ ఈ భయంకరమైన సినిమా స్టోరీ తిరుగుతుంది. బ్యాడ్ న్యూస్ ఏంటంటే ఈ సినిమా ప్రస్తుతం భారతదేశంలో ఏ ప్రముఖ ఓటీటీలోనూ స్ట్రీమింగ్‌ కు అందుబాటులో లేదు. అయితే Amazon Prime Video లో కొన్ని రీజియన్లలో దొరుకుతుంది. గుడ్ న్యూస్ ఏంటంటే Tubi అనే స్ట్రీమింగ్ ప్లాట్ ఫామ్ లో ఈ మూవీని ఫ్రీగానే చూడవచ్చు. ఈ చిత్రంలో హారిసన్ గిల్‌బర్ట్‌సన్, లియానా లిబరాటో ప్రధాన పాత్రల్లో నటించగా, మాక్ కార్టర్ దర్శకత్వం వహించారు. క్లాసిక్ హారర్ సినిమాల జానర్లో ఉండే ఈ మూవీ హర్రర్ మూవీ లవర్స్ ను ఖచ్చితంగా మెప్పిస్తుంది.

కథలోకి వెళ్తే…

ఈ సినిమా కథ ఇవాన్ అనే టీనేజ్ కుర్రాడితో స్టార్ట్ అవుతుంది. ఆ అబ్బాయి ఫ్యామిలీ ఒక పెద్ద పాత విల్లాను కొంటారు. ఫ్యామిలీ సమేతంగా కొత్త ఇంటికి మారతారు. అయితే ఆ ఇంట్లో గతంలో మోరెల్లో అనే ఫ్యామిలీ ఉండేది. వాళ్ళే ఆ ఇంటి ఓనర్స్. ఇవాన్ ఆ ఇంటికి వెళ్ళాక అక్కడ చాలామంది చనిపోయారని స్థానికులు చెప్పుకుంటూ ఉండడం వింటారు. మరోవైపు ఇవాన్ ఆ ఇంటి సమీపంలో ఉండే సమంతా అనే అమ్మాయితో ఫ్రెండ్షిప్ మొదలెడతాడు. ఇద్దరూ కలిసి ఆ ఇంటి అటకపై ఉన్న ఒక వింత పాత రేడియో బాక్స్‌ను కనిపెడతారు.

Also Read : కళ్లు చెదిరే విజువల్స్…శత్రువుల గుండెల్లో వణుకు పుట్టించే తొమ్మిది తోకల నక్క… ఆకట్టుకుంటున్న ఫాంటసీ సిరీస్

ఆ బాక్స్ ద్వారా చనిపోయిన వారితో మాట్లాడవచ్చు అనే విషయం తెలుస్తుంది. దీంతో సరదాగా ప్రయత్నిద్దాం అనుకుంటారు. ఫలితంగా నిజమైన దయ్యాలను నిద్రలేపుతారు. ఆ రేడియో బాక్స్ వాడటం మొదలు పెట్టిన దగ్గర నుండి ఆ ఇంట్లో వింత సంఘటనలు జరగడం స్టార్ట్ అవుతుంది. ఇవాన్‌ కు తన చుట్టూ ఏదో ఆత్మ తిరుగుతున్నట్టు, తనను ఎవరో గమనిస్తున్నట్టు ఫీలింగ్ కలుగుతుంది. ఆ ఇంట్లోని ఆత్మలు ఇవాన్ – సమంతా ద్వారా ప్రతీకారం తీర్చుకోవాలని అనుకుంటాయి. అసలు ఆ ఇంట్లో మోరెల్లో ఫ్యామిలీ ఎలా ఎందుకు చనిపోయింది ? ఆ రేడియో బాక్స్‌కు ఆత్మలకు ఉన్న సంబంధం ఏంటి ? అనే విషయాలను తెలుసుకోవాలంటే మూవీని చూడాల్సిందే. క్లైమాక్స్ నెక్స్ట్ లెవెల్లో ఉంటుంది, కాబట్టి డోంట్ మిస్.