Horror Movie OTT : భయపెట్టే బ్యాక్గ్రౌండ్ మ్యూజిక్, హఠాత్తుగా వచ్చే హర్రర్ సీన్స్ ఉండే భయంకరమైన సినిమాలంటే థియేటర్లలోనే కాదు ఓటీటీలోనూ స్పెషల్ క్రేజ్ ఉంది. తాజాగా అలా ఇప్పటికే థియేటర్లలో భయపెట్టి, ప్రపంచవ్యాప్తంగా భారీ సంఖ్యలో హర్రర్ మూవీ లవర్స్ ను ఆకట్టుకున్న మూవీ ఒకటి తాజాగా ఓటీటీలోకి అడుగు పెట్టింది. మరి ఆ అత్యంత భయంకరమైన మూవీ ఎక్కడ స్ట్రీమింగ్ అవుతోంది ? అనే వివరాల్లోకి వెళ్తే…
కంజురింగ్ ఫ్రాంచైజీలో నాల్గవ భాగం, మొత్తం కంజురింగ్ యూనివర్స్‌లో తొమ్మిదవ చిత్రంగా తెరపైకి వచ్చింది ‘ది కంజురింగ్ : లాస్ట్ రైట్స్’ (The Conjuring: The Last Rites). ఇందులో అన్నాబెల్లె, ది నన్ వంటి స్పిన్-ఆఫ్‌లు కూడా ఉండడం విశేషం. మైఖేల్ చావ్స్ దర్శకత్వం వహించిన ఈ హర్రర్ సినిమా 2025 సెప్టెంబర్‌లో థియేటర్లలో విడుదలై భారీ విజయం సాధించింది. పారానార్మల్ నిపుణులు ఎడ్, లోరైన్ వారెన్‌ల చివరి మూవీ. దాదాపు థియేటర్లలో విడుదలైన ఐదు నెలల తర్వాత ఈ గ్రిప్పింగ్ అతీంద్రియ గాథ డిజిటల్ ప్రీమియర్‌ అయ్యింది. హాలీవుడ్‌లో ఘనమైన బాక్సాఫీస్‌ సక్సెస్ సాధించిన ఈ మూవీ ఏకంగా 4100 కోట్లను రాబట్టింది. ఒక్క భారతదేశంలోనే ఈ చిత్రం రూ. 83.25 కోట్లు సంపాదించింది. సుమారు 120 నిమిషాలు రన్ టైమ్ ఉన్న ఈ సినిమా IMDbలో 6.8 రేటింగ్ తెచ్చుకుంది. ‘ది కంజురింగ్’ సిరీస్ మునుపటి చిత్రాలలో కంజురింగ్, కంజురింగ్ 2, ది కంజురింగ్: ది డెవిల్ మేడ్ మీ డూ ఇట్ ఉన్నాయి.
Read Also : పెళ్లి చూపుల గోల తట్టుకోలేక ప్రేమికులుగా నాటకాలు… ప్యూర్ ఫ్యామిలీ డ్రామా
ఈ సినిమా భయంకరమైన సినిమాలను ఇష్టపడే వారికి బెస్ట్ ఆప్షన్. పాట్రిక్ విల్సన్, వెరా ఫార్మిగా నటన, హర్రర్ సన్నివేశాలు, క్లైమాక్స్ ట్విస్ట్ అద్భుతంగా ఉంటాయి. ముఖ్యంగా కంజురింగ్ సిరీస్ ఫ్యాన్స్‌కు ఇది చివరి భాగం కావడం వల్ల ఎమోషనల్ కనెక్షన్ ఉంటుంది. ఇందులో ఉన్న యాక్షన్, డ్రామా, హర్రర్ సీట్ ఎడ్జ్ ఫీల్ ఇస్తాయి. జియోహాట్‌స్టార్‌లో ఈ మూవీని తెలుగులో చూడవచ్చు. ఫిబ్రవరి 13 (శుక్రవారం) నుంచి స్ట్రీమింగ్ అవుతోంది. కుటుంబంతో కలిసి చూడటానికి బాగుంటుంది కానీ హర్రర్ సీన్స్ ఉంటాయి కాబట్టి పిల్లలతో చూడకపోతేనే బెటర్.
కథ ఎడ్ (పాట్రిక్ విల్సన్), లోరైన్ (వెరా ఫార్మిగా) వారెన్‌ల చివరి కేస్ చుట్టూ తిరుగుతుంది. ఈ చిత్రం 1986 లో జరిగిన ప్రసిద్ధ “స్మర్ల్ హాంటింగ్” కేసు ఆధారంగా రూపొందింది. ఈ సినిమాలో కొన్ని భయంకరమైన శక్తులు పాత అద్దం ద్వారా ఓ ఇంట్లోకి ఎంట్రీ ఇస్తాయి. ఈ కథ మరో కుటుంబాన్ని మాత్రమే కాకుండా ఎడ్, లోరైన్ లను కూడా బెదిరించే దుష్ట శక్తి చుట్టూ తిరుగుతుంది. గత చిత్రాలలో ఇంకా పరిష్కారం కాని కొన్ని రహస్యాలను కూడా ఇందులో పొందుపరిచారు. ఇది కేవలం హర్రర్ సినిమా మాత్రమే కాదు. ఎడ్ – లోరైన్ ల ప్రేమ, పోరాటానికి భావోద్వేగ ముగింపు కూడా. ఈ సినిమా మిమ్మల్ని చివరి వరకు కట్టిపడేస్తుంది. మైఖేల్ చావ్స్ ఇందులో అనేక భయంకరమైన దృశ్యాలను యాడ్ చేశారు. అవేంటి అన్నది సినిమాను చూసి తెలుసుకోవాల్సిందే.
Share
Tanvir Ahmed: హ‌ర్ధిక్ పాండ్యా బ్యాట్ లో చిప్స్..భానుక రాజపక్స చేసిన ఆరోప‌ణ‌లు నిజ‌మే
Telangana Municipal Results: 64 మున్సిపాలిటీల్లో కాంగ్రెస్ క్లీన్ స్వీప్.. పార్టీల వారీగా గెలిచిన స్థానాలివే!
