Horror Movie OTT : వింత మనిషి రాకతో వల్లకాడుగా మారే ఊరు… అంతుచిక్కని రోగంతో అలాడిపోయే జనం

Horror Movie OTT : ఎక్కున ఆసక్తిగా చూడాలనుకునే సినిమాలలో హారర్ జోనర్ కూడా ఒకటి. అలాగే ఇప్పుడు మనం చెప్పుకోబోయే సినిమా కూడా కొరియన్ హారర్‌లో అత్యంత ప్రశంసలు పొందిన సినిమాల్లో కూడ ఒకటి. సూపర్‌నాచురల్ ఎలిమెంట్స్ తో ఈ సినిమా నిజమైన భయం ఏమిటో చూపిస్తుంది. రాత్రిపూట చూస్తే అస్సలు నిద్ర పట్టదు. ట్రైలర్ చూస్తేనే ఆ విషయం అర్థమవుతుంది. మరి ఈ సినిమా ఏమిటో తెలుసుకోవాలనుకుంటున్నారా ? మరి తెలుసుకుందాం పదండి.

ఈ సినిమా పేరు, ఏ ఓటీటీలో ఉందంటే

ఈ హారర్ మిస్టరీ థ్రిల్లర్ మూవీ పేరు ‘ది వైలింగ్’ (The Wailing). 2016లో వచ్చిన ఈ కొరియన్ సినిమాని నా హాంగ్-జిన్ తెరకెక్కించారు. క్వాక్ డో-వాన్, హ్వాంగ్ జంగ్-మిన్, చున్ వూ-హీ, జున్ కునిమురా ఇందులో లీడ్ రోల్స్ లో నటించారు. ఇది కొరియన్ సినిమా చరిత్రలోనే అత్యంత ప్రభావవంతమైన హారర్ మిస్టరీ థ్రిల్లర్లలో ఒకటిగా చెప్పుకుంటున్నారు. apple Tv +, Amazon Prime Videoలో ఈ సినిమా అందుబాటులో ఉంది.

స్టోరీలోకి వెళ్తే

దక్షిణ కొరియాలోని ఒక మారుమూల గ్రామానికి ఒక వింత జపాన్ వ్యక్తి రాకతో కథ మొదలవుతుంది. అతను వచ్చిన కొద్దిరోజులకే ఆ గ్రామంలో మనుషులు వింత వ్యాధి బారిన పడి, తమ సొంత కుటుంబ సభ్యులనే దారుణంగా హతమారుస్తుంటారు. ఈ మరణాలన్నీ ఏదో అడవి పుట్టగొడుగుల విషం వల్ల జరుగుతున్నాయని పోలీసులు భావిస్తారు. కానీ గ్రామస్థులు మాత్రం ఆ జపాన్ వ్యక్తి ఏదో క్షుద్రపూజలు చేస్తున్నాడని, అతనే దీనికి కారణమని నమ్ముతారు. స్థానిక పోలీసు అధికారి జోంగ్-గూ ఈ కేసును దర్యాప్తు చేసే క్రమంలో, తన కూతురు హ్యో-జిన్ కూడా అదే వింత వ్యాధికి గురై భయంకరంగా ప్రవర్తించడం చూసి తల్లడిల్లిపోతాడు.

పరిస్థితి విషమించడంతో, జోంగ్-గూ ఒక శక్తివంతమైన మంత్రగాడైన ఇల్-గ్వాంగ్‌ను పిలిపిస్తాడు. ఆ మంత్రగాడు గ్రామంలో ఉన్న చెడు శక్తిని వెళ్లగొట్టడానికి ఒక పెద్ద బ్లాక్ మ్యాజిక్ చేస్తాడు. కానీ ఆ సమయంలో జోంగ్-గూ కూతురు నరకయాతన అనుభవిస్తుంది. మరోవైపు, తెల్లటి దుస్తులు ధరించిన ఒక మహిళ గ్రామంలో తిరుగుతూ, ఆ జపాన్ వ్యక్తి అసలు రూపం దెయ్యమని జోంగ్-గూను హెచ్చరిస్తుంది. చివరికి ఆ జపాన్ వ్యక్తి, మంత్రగాడు, తెల్లటి దుస్తుల మహిళ గురించి కూడా అనుమానాలు వస్తాయి. వీరిలో ఎవరు దైవమో, ఎవరు దెయ్యమో అర్థం కాని స్థితిలో కథ క్లైమాక్స్ కి చేరుకుంటుంది. మరి ఈ క్లైమాక్స్ కి ఏం జరిగి ఉంటుందో తెలుసుకోవాలనుకుంటే ఈ సినిమాపై ఓ లుక్ వేయండి.

Read Also : గర్ల్ ఫ్రెండ్ నుంచి ఫోన్… అంతలోనే అన్నోన్ డెలివరీ… కట్ చేస్తే ఫింగర్ కట్టయ్యే షాకింగ్ ట్విస్ట్

Join WhatsApp Channel

Share

• 
• 
• 
• 
• 
•