Horror thriller OTT : దెయ్యాల సినిమాలకు ఫ్యాన్స్ ఎక్కువే. అయితే వీటిని ఎక్కువగా తోడు పెట్టుకునే చూస్తుంటారు. నిజానికి ఈ సినిమాలకి భాషను కూడా పట్టించుకోరు. అయితే ఇప్పుడు మనం చెప్పుకోబోయే సినిమాలో కావాలనే దెయ్యంతో కయ్యం పెట్టుకుంటారు ఇద్దరు స్నేహితులు. యూట్యూబ్ వీడియోల కోసం వీళ్ళు భయాంకరమైన ప్రమాదంలో పడతారు. యూత్ కి ఈ సినిమా భలే ఉంటుంది. వణుకు పుట్టించే సీన్లు కూడా ఉన్నాయి. మరి ఈ వీకెండ్ ఓ లుక్ వేయండి ఈ సినిమాపై. దీని పేరు, ఏ ఓటీటీలో ఉంది ? అనే వివరాల్లోకి వెళ్తే…
సూపర్నాచురల్ హారర్ థ్రిల్లర్ మూవీ పేరు ‘డు నాట్ ఎంటర్’ (Do Not Enter). 2024లో వచ్చిన ఈ సినిమా ఫౌండ్ ఫుటేజ్ స్టైల్లో ఉంటుంది. దీని స్పానిష్ ఒరిజినల్ టైటిల్ ‘No Entres’. దీన్ని హ్యూగో కార్డోజో దర్శకత్వం వహించాడు. ఇది 2024 మే 15న 77వ కాన్స్ ఫిల్మ్ ఫెస్టివల్లో ప్రీమియర్ అయింది, అగస్ట్ 15న థియేటర్స్లో రిలీజ్ అయింది. ప్రస్తుతం ఈ సినిమా భారతదేశంలో JioHotstar మరియు Airtel Xstream Playలో అందుబాటులో ఉంది.
ఆల్డో, క్రిస్టియన్ అనే ఇద్దరు స్నేహితులు యూట్యూబర్లుగా కాలం వెళ్లదీస్తూ ఉంటారు. తక్కువ కాలంలో ఎక్కువ ఫేమస్ అవ్వాలని కలలు కంటుంటారు. మొదట్లో వాళ్ళూ చిన్నా చితకా వీడియోలను చేసేవాళ్ళు. అయితే వాటికి పెద్దగా వ్యూస్ వచ్చేవి కావు. ఒకసారి ఒక పాత పాడుబడిన భవనంలోకి వీడియో కోసం వెళతారు. అక్కడ ఫేక్ దెయ్యం పెట్టి ఒక వీడియో చేస్తారు. ప్రజల దృష్టిలో పడటానికి, ఆ ఇంట్లో దెయ్యం ఉన్నట్లు కొన్ని నకిలీ వీడియోలను అప్లోడ్ చేస్తారు. ఆ వీడియో వైరల్ అవ్వడంతో, వాళ్ళ ఫాలోవర్స్ ఒక ఛాలెంజ్ విసురుతారు: మీకు నిజంగా ధైర్యముంటే అదే ఇంటికి రాత్రి పూట ఒంటరిగా వెళ్లి లైవ్ చేయండని చెప్తారు. ఎక్కువ లైక్స్, సబ్స్క్రైబర్స్ కోసం వాళ్ళు ఆ ప్రమాదకరమైన ఛాలెంజ్కు ఒప్పుకుంటారు.
రాత్రి పూట ఆ బిల్డింగ్ లోకి వెళ్ళాక అసలు కథ మొదలవుతుంది. మొదట సరదాగా అనిపించినా, నెమ్మదిగా అక్కడ వింత శబ్దాలు, ఆశ్చర్య పరిచే సంఘటనలు చోటు చేసుకుంటాయి. ఆ ఇల్లు కేవలం పాడుబడిన భవనం మాత్రమే కాదు. గతంలో అక్కడ ఖైదీలను బంధించి చిత్రహింసలకు గురిచేసేవారని తెలుసుకుంటారు. అక్కడ చనిపోయిన ఆత్మలు, ఒక శక్తివంతమైన దుష్టశక్తి రూపంలో వీళ్ళ భరతం పడుతుంది. వాళ్ళు ఆ ఇంటి నుండి ప్రాణాలతో బయటపడ్డారా ? లేదా ఆ దుష్టశక్తికి బలియ్యారా అనే ఉత్కంఠతో క్లైమాక్స్ సాగుతుంది.
Read Also : దృశ్యం సినిమాను తలపించే తమిళ మూవీ… కూతురు లాంటి అమ్మాయితోనే ఆ పని… మతిపోగోట్టే సస్పెన్స్
Share
Barabar Premistha Movie Review ‘బరాబర్ ప్రేమిస్తా’ రివ్యూ
Today Movies in TV : శనివారం టీవీ సినిమాలు.. మాస్ లవర్స్ కు ఫుల్ మీల్సే..
