Horror Thriller OTT : ఓటీటీలలో ప్రస్తుతం సస్పెన్స్, హారర్ సినిమాలు చాలానే ఉన్నాయి. ముఖ్యంగా దక్షిణ భారత సినిమాలు ఈ జోనర్‌లో రాణిస్తున్నాయి. కాంతారా, తుంబాడ్ లాంటి హారర్ సినిమాలకు పోటీ ఇచ్చే ఓ అద్భుతమైన మలయాళ సినిమా గురించి ఈరోజు మనం చెప్పుకోబోతున్నాము. సుమారు 27 కోట్ల బడ్జెట్‌తో తెరకెక్కిన ఈ చిత్రం థియేటర్లలో 85 కోట్లకు పైగా వసూలు చేసి సూపర్ హిట్ అయింది. తరువాత ఓటీటీలోనూ సంచలనం సృష్టించింది ఈ మూవీ.
ఇప్పుడు మనం మాట్లాడుకుంటున్న హర్రర్ మూవీ ‘భ్రమయుగం’ (Bramayugam). 2024 ఫిబ్రవరి 15న థియేటర్లలో రిలీజ్ అయిన ఈ సినిమా పూర్తిగా బ్లాక్ అండ్ వైట్‌లో తెరకెక్కింది. ఇదే దాని స్పెషాలిటీ. రాహుల్ సదాశివన్ డైరెక్ట్ చేశాడు. ఇందులో మమ్ముట్టి గారు మెయిన్ లీడ్‌లో నటించారు. 72 ఏళ్ల వయసులో కూడా ఆయన చేసిన పాత్ర చూస్తే షాక్ అవుతారు. IMDbలో 7.7 రేటింగ్ ఉన్న ఈ సినిమాకు క్రిటిక్స్ నుండి సూపర్ రివ్యూస్ వచ్చాయి. మమ్ముట్టికి ఈ పాత్రకు గాను కేరళ స్టేట్ ఫిల్మ్ అవార్డు కూడా వచ్చింది. సాధారణంగా సూపర్ స్టార్ అయిన మమ్ముట్టి, ఇందులో మాత్రం డేంజరస్ విలన్‌గా కనిపిస్తారు. ఆయన వేషధారణ, ఎక్స్‌ప్రెషన్స్, వాయిస్ అన్నీ భయపెట్టేలా ఉంటాయి. మాంత్రికుడి లాంటి లుక్‌తో ఆయన స్క్రీన్ మీద డామినేట్ చేస్తారు. అర్జున్ అశోకన్, సిద్ధార్థ్ భరతన్ లాంటి నటులు కూడా తమ పాత్రల్లో బాగా నటించారు. మమ్ముట్టి పాత్ర పేరు మొదట కుంజమోన్ పొట్టి అని పెట్టారు. కానీ కోర్టు కేసు వల్ల కొడుమోన్ పొట్టిగా మార్చారు. ‘భ్రమయుగం’ ఇప్పుడు సోనీ లివ్లో (Sony Liv) స్ట్రీమింగ్ అవుతోంది. మలయాళం ఒరిజినల్‌తో పాటు తెలుగు, తమిళం, కన్నడ, హిందీ డబ్బింగ్ వెర్షన్లు కూడా అందుబాటులో ఉన్నాయి.
Read Also : హాంటెడ్ హౌస్ లో కాపురం… కొత్త పెళ్లి కూతురిపై దిక్కుమాలిన దెయ్యం కన్ను… ఒంటరిగా చూడకూడని మూవీ
17వ శతాబ్దం కేరళ నేపథ్యంలో సెట్ చేసిన మూవీ ఇది. పన్నన్ కులానికి చెందిన యువ ఫోక్ సింగర్ తేవన్ చుట్టూ తిరుగుతుంది. బానిసత్వం నుండి తప్పించుకుని అడవుల్లో తిరుగుతూ, ఒక పాత మానా (పెద్ద ఇల్లు)లో చిక్కుకుంటాడు. అక్కడ కొడుమోన్ పొట్టి అనే మిస్టీరియస్ వ్యక్తి (మమ్ముట్టి) ఉంటాడు. మొదట సహాయం చేసినట్టు కనిపించినా, క్రమంగా షాకింగ్ సీక్రెట్స్ బయట పడతాయి. దట్టమైన అడవులు, ఒంటరితనం, భయంకరమైన వాతావరణం, మధ్యలో తెల్ల చీరలో వచ్చిపోయే పిశాచి… ఇవన్నీ కలిసి మిస్టరీ థ్రిల్ ఇస్తాయి. సినిమాటోగ్రఫీ, సౌండ్ డిజైన్ మామూలుగా ఉండవు. చూస్తుంటే వణుకు పుట్టిస్తుంది. హారర్-మిస్టరీ ఇష్టపడేవాళ్లకి ఇది పర్ఫెక్ట్ చాయిస్. తుంబాడ్, కాంతారా ఫ్యాన్స్‌కి ఖచ్చితంగా నచ్చుతుంది. ఫోక్, సూపర్‌నాచురల్ ఎలిమెంట్స్ బాగా మిక్స్ చేశారు. ఒకసారి చూస్తే జన్మలో మర్చిపోలేరు. రాత్రిపూట చూస్తే చలికాలంలోనూ చెమటలు పట్టడం గ్యారంటీ.
Share
Constable Kanakam 2: వర్ష బొల్లమ్మ కానిస్టేబుల్ కనకం సీజన్ 2 వచ్చేస్తుంది... ఎప్పటి నుంచి స్ట్రీమింగ్ అంటే?
Ibomma Ravi: చివరకు స్నేహితుల ఐడీలను కూడా..? ఐబొమ్మ రవి కేసులో సంచలన విషయాలు
