Horror Thriller OTT : జంతువులను లీడ్ రోల్స్ లో పెట్టి ఎన్నో సినిమాలు తీశారు. అయితే ఇప్పుడు చెప్పుకోబోయే సినిమా గుండెల్లో గుబులు పుట్టిస్తుంది. ఇది ఒక పెంపుడు చింపాంజీ గురించిన భయంకరమైన హారర్ స్టోరీ. ఇందులో ఇది ఒకలాంటి రక్త పిశాచిగా మారి ఊచకోత కొస్తుంది మనుషులను. ఈ సినిమాలో గ్రాఫిక్స్ కంటే ఎక్కువగా ప్రాక్టికల్ ఎఫెక్ట్స్, మేకప్ను ఉపయోగించి చింపాంజీని భయంకరంగా చూపించారు. విమర్శకులు దీనిని ఒక పాతకాలపు స్లాషర్ మూవీలా ఉందని కొనియాడారు. ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే…
ఈ అమెరికన్ నేచురల్ హారర్ చిత్రం పేరు ‘ప్రైమేట్’ (Primate). దీనికి జోహన్నెస్ రాబర్ట్స్ దర్శకత్వం వహించారు. ఇందులో జానీ సీక్వోయా, జెస్సికా అలెగ్జాండర్, ట్రాయ్ కోట్సుర్ నటించారు. ప్రైమేట్ 2025 సెప్టెంబర్ 18న ఫెంటాస్టిక్ ఫెస్ట్లో ప్రీమియర్ అయింది. 2026 జనవరి 9న పారామౌంట్ పిక్చర్స్ ద్వారా థియేటర్లలో విడుదలైంది. ప్రపంచవ్యాప్తంగా $24 మిలియన్లు వసూలు చేసింది ఈ సినిమా. ప్రస్తుతం థియేటర్లలో ఉంది కానీ త్వరలో Paramount +, Prime Videoలో ఈ సినిమా అందుబాటులోకి వస్తుంది.
హవాయిలోని ఒక ఎత్తైన కొండపై ఉన్న విలాసవంతమైన భవంతికి, లూసీ అనే కాలేజీ అమ్మాయి తన వేసవి సెలవుల కోసం వస్తుంది. అక్కడ ఆమె తండ్రి ఆడమ్, సోదరి ఎరిన్ ఉంటారు. ఆ కుటుంబంలో ‘బెన్’ అనే చింపాంజీ కూడా ఉంటుంది. లూసీ తల్లి ఆ చింపాంజీని ఒక ప్రయోగశాల నుండి రక్షించి ఇంటికి తెస్తుంది. కాబట్టి ఆ కుటుంబానికి దానితో ఎంతో అనుబంధం ఉంటుంది. అయితే లూసీ తల్లి ఇదివరకే చనిపోయి ఉంటుంది. ఒక రోజు బెన్ అనే ఆ చింపాంజీని ఒక ముంగిస కరుస్తుంది. దీనివల్ల దానికి భయంకరమైన రాబిస్ వ్యాధి సోకుతుంది.
అదే సమయంలో లూసీ ఇంట్లో తన స్నేహితులతో కలిసి ఒక పూల్ పార్టీ ఏర్పాటు చేసుకుంటుంది. తండ్రి ఆడమ్ పని మీద బయటకు వెళ్లాల్సి వస్తుంది. రాబిస్ వ్యాధి సోకడం వల్ల బెన్ ప్రవర్తన ఒక్కసారిగా భయంకరంగా మారిపోతుంది. అది ఇంట్లో ఉన్న లూసీ స్నేహితులపై దాడి చేయడం మొదలుపెడుతుంది. రాబిస్ సోకిన జంతువులకు నీరు అంటే భయం ఉంటుంది. అందుకే లూసీ, ఆమె స్నేహితులు ఆ చింపాంజీ నుండి తప్పించుకోవడానికి స్విమ్మింగ్ పూల్ మధ్యలో ఉంటారు. చివరికి ఆ మృగం నుండి వీళ్ళంతా ఎలా ప్రాణాలు కాపాడుకున్నారనేది క్లైమాక్స్.
Read Also : బ్లాక్ బస్టర్ తమిళ క్రైమ్ డ్రామా ఓటీటీ స్ట్రీమింగ్… తెలుగు ఆడియన్స్కు నిరాశ తప్పదా ?
Share
Pawan Kalyan: ఒక్క నిర్ణయంతో కోట్ల ప్రాజెక్ట్ వదులుకున్న పవన్ కళ్యాణ్..ఫ్యాన్స్ రియాక్షన్ ఇదే!
The Paradise release Date: జూన్ నెలలోనే ది ప్యారడైజ్...రిలీజ్ డేట్ కన్ఫర్మ్?
