Horror Thriller OTT: నెట్ఫ్లిక్స్ ఓటీటీ మంచి కంటెంట్ ఉన్న సిరీస్ లను నిర్మించడంలో ప్రసిద్ది. ప్రేక్షకులు కూడా ఈ ప్లాట్ ఫామ్ ను ఎక్కువగా వాచ్ చేస్తుంటారు. ఇప్పుడు మనం చెప్పుకోబోయే హారర్ సిరీస్ చూస్తే మీరు నొరెళ్ళబెట్టి చూస్తారు కూడా. ఇది నెట్ఫ్లిక్స్ సుమారు ₹200 కోట్ల భారీ బడ్జెట్తో తెరకెక్కిన ఒక విజువల్స్ వండర్ గా చెప్పుకుంటారు. మీరు గనుక సిరీస్ ని చూస్తే నిజమేననిపిస్తుంది. ఈ సిరీస్లో మనుషులు ఉన్నట్టుండి రాక్షసులగా మారుతుంటారు. ‘అవెంజర్స్’, ‘అవతార్’ వంటి హాలీవుడ్ చిత్రాలకు పనిచేసిన లెగసీ ఎఫెక్ట్స్, ‘స్ట్రేంజర్ థింగ్స్’ సాంకేతిక నిపుణులు పనిచేశారు. అందుకే ఈ సిరీస్ క్వాలిటీ కూడా ఓ రేంజ్ లో ఉంటుంది. ఇక ఈ సిరీస్ కు అంతర్జాతీయ స్థాయిలో మంచి గుర్తింపు కూడా వచ్చింది. ఈ సిరీస్ పేరు ఏమిటి ? దీని కథ ఏమిటి ? అనే వివరాల్లోకి వెళ్తే…
ఈ కొరియన్ హారర్ వెబ్ సిరీస్ పేరు ‘స్వీట్ హోమ్’ (Sweet Home). 2020లో వచ్చిన ఈ సిరీస్ ను లీ యుంగ్-బోక్ దర్శకత్వం వహించారు. ఇందులో సాంగ్ కాంగ్, లీ జిన్-వూక్, లీ సి-యంగ్, లీ దో-హ్యూన్ లీడ్ రోల్స్ లో నటించారు. ఇందులో మొత్తం 3 సీజన్లు ఉన్నాయి (సీజన్ 1: 2020, సీజన్ 2: 2023, సీజన్ 3: 2024). ఇది నెట్ఫ్లిక్స్లో తెలుగు డబ్బింగ్తో కూడా అందుబాటులో ఉంది. ఈ సిరీస్ విడుదలైన మొదటి నెలలోనే ప్రపంచవ్యాప్తంగా 2.2 కోట్ల వ్యూస్ తో రికార్డు సృష్టించింది. ఇందులోని నటీనటులు తమ పాత్రల కోసం కఠినమైన శిక్షణ తీసుకున్నారు. ముఖ్యంగా నటి లీ సి-యంగ్ తన సిక్స్ ప్యాక్ బాడీ, బాక్సింగ్ స్కిల్స్తో ప్రేక్షకులను ఆశ్చర్యపరిచింది.
చా హ్యున్ అనే కుర్రాడు ఇంట్లో వాళ్లందరినీ కోల్పోయి, బతుకు మీద ఆశ లేక ఒక పాత అపార్ట్మెంట్లోకి దిగుతాడు. అతను సూసైడ్ చేసుకుందాం అనుకునే లోపే, ఒక భయంకరమైన విపత్తు వస్తుంది. అతను అక్కడికి వెళ్లిన కొద్ది రోజుల్లోనే ప్రపంచవ్యాప్తంగా వింతైన మార్పులు మొదలవుతాయి. మనుషులు హఠాత్తుగా భయంకరమైన రాక్షసులుగా మారుతుంటారు. ఈ రాక్షసులు మనిషిలోని కోరికలు ఆధారంగా ప్రాణాంతకంగా మారుతుంటారు. ఉదాహరణకు, ఎప్పుడూ కండలు పెంచాలనుకునే వాడు ఒక రాకాసి బాడీ బిల్డర్ గా, ఆకలితో ఉన్నవాడు ఆహారం కోసం వెతికే రాక్షసిగా మారుతాడు. ఇప్పుడు అతను ఉన్న అపార్ట్మెంట్ గేట్లు మూసేసి, లోపల ఉన్నోళ్లంతా ప్రాణాలు అరచేతిలో పెట్టుకుని ఆ రాక్షసులతో పోరాడాల్సి వస్తుంది.
ట్విస్ట్ ఏంటంటే, ఆ మెయిన్ కుర్రాడికి కూడా ఆ జబ్బు సోకుతుంది. కానీ అతను పూర్తిగా రాక్షసుడిగా మారకుండా, సగం మనిషిలా సగం రాక్షసుడిలా ఉండిపోతాడు. అతనికి వింత శక్తులు వస్తాయి. అపార్ట్మెంట్లో ఉన్నోళ్లందరూ మొదట అతన్ని చూసి భయపడినా, రాక్షసుల నుండి తమను కాపాడటానికి వాడి శక్తినే వాడుకుంటారు. చివరికి ఆ అపార్ట్మెంట్ ఒక యుద్ధక్షేత్రంలా మారిపోతుంది. రాక్షసులు లోపలికి రాకుండా వీళ్లు చేసే రచ్చ, ఒకరికొకరు సాయం చేసుకునే తీరు మామూలుగా ఉండదు. మిలిటరీ వాళ్లు కూడా రంగంలోకి దిగి పరిస్థితిని కంట్రోల్ చేయాలని చూస్తారు. ఇలాంటి గందరగోళంలో ఆ కుర్రాడు ఏవిధంగా అక్కడి వాళ్ళకు సహాయపడ్డాడు ? మిగిలిన వాళ్లు బతికి బయటపడ్డారా? అనేదే అసలు సిసలైన క్లైమాక్స్.
Read Also : చీకటి గదిలో శవం… గుండెల్లో గుబులు పుట్టించే భయం… ఫ్యూజులు అవుటయ్యే స్టోరీ
Share
మీ బిడ్డ బెడ్రూమ్లో ఏం చేస్తున్నాడో మీకు తెలుసా..!: సీపీ సజ్జనార్
ఆపిల్ సామ్రాజ్యాన్ని శాసించే ఆ ఒక్క చిన్న అక్షరం: 'i' వెనుక ఉన్న అసలు సిసలు కథ
