Horror Thriller OTT :’ఘోస్ట్ రైడర్’, ‘ఫేస్ ఆఫ్’ వంటి సినిమాలతో ప్రపంచవ్యాప్తంగా అభిమానులను సంపాదించుకున్నారు హాలీవుడ్ హీరో నికోలస్ కేజ్. ఈయన సినిమా అంటేనే ఒక విషయం ఉంటుందని ప్రేక్షకుల నమ్మకం. అలాంటి క్రేజ్ ఉంది ప్రజల్లో అతనికి. అయితే భారీ అంచనాల మధ్య, హారర్ థ్రిల్లర్ ఫాంటసీ ఎలిమెంట్స్తో ఈ హీరో నటించిన ఒక సినిమా గత ఏడాది థియేటర్లలోకి వచ్చింది. ఇందులో ఆయన జీసస్ కు పెంపుడు తండ్రి పాత్రలో నటించారు. అయితే ఈ సినిమా అనుకున్నంత సక్సెస్ సాధించలేకపోయింది. ఈ సినిమాలో బైబిల్ లోని వివాదాస్పద అంశాలను చూపించారని చాలా వరకు నెగెటివిటీ తెచ్చుకుంది.
లోట్ఫీ నాథన్ దర్శకత్వం వహించిన ఈ హారర్ థ్రిల్లర్ మూవీ పేరు ‘ది కార్పెంటర్స్ సన్’ (The Carpenter’s Son). ఇందులో హాలీవుడ్ స్టార్ హీరో నికోలస్ కేజ్ ఈ మూవీలో మెయిన్ లీడ్లో నటించారు. ఆయనతోపాటు నోవా జుప్, ఎఫ్కేఏ ట్విగ్స్, ఐస్లా జాన్స్టన్, సౌహీల యాకూబ్, కైతి మనోలిడకి తదితరులు కీలక పాత్రలు పోషించారు. గతేడాది నవంబర్ 14న థియేటర్లలో విడుదల అయింది. ఓటీటీలోకి ఏప్రిల్ 4వచ్చేసింది ఈ మూవీ. ప్రముఖ డిజిటల్ స్ట్రీమింగ్ ప్లాట్ఫామ్ జియో హాట్స్టార్(Jio hotstar)లో ఇంగ్లీష్తోపాట తెలుగు, హిందీ, తమిళం భాషల్లో ఈ సినిమా స్ట్రీమింగ్ అవుతోంది.
నికోలస్ కేజ్ నటించిన ఈ కొత్త సినిమా కథ యేసుక్రీస్తు బాల్యం చుట్టూ తిరుగుతుంది. బైబిల్లో లేని కొన్ని పాత కథల ఆధారంగా దీనిని ఒక ‘హారర్ థ్రిల్లర్’గా తీశారు. ఇందులో యేసు ఒక మామూలు వడ్రంగి కొడుకుగా తన కుటుంబంతో కలిసి ఈజిప్టులో నివసిస్తుంటాడు. అయితే తనకు తెలియకుండానే అతనిలో ఉన్న అద్భుత శక్తులు ఒక్కొక్కటిగా బయటపడటం మొదలవుతాయి. ఈ శక్తుల వల్ల తన చుట్టూ ఉన్న వారికి ఏదైనా ప్రమాదం జరుగుతుందేమోనని ఆయన కుటుంబం భయపడుతూ ఉంటుంది. రెండో భాగంలో, ఆ శక్తుల వల్ల అతనిపై ఒక దుష్టశక్తి కన్నేస్తుంది. ఆ శక్తి యేసును తప్పుదారి పట్టించడానికి, అతన్ని భయపెట్టడానికి ప్రయత్నిస్తుంది. తనలో ఉన్న దైవిక శక్తికి, ఎదురవుతున్న ఆ చీకటి శక్తులకు మధ్య జరిగే పోరాటమే ఈ కథ. ఈ సినిమాలో నికోలస్ కేజ్ ఒక నిరుపేద వడ్రంగి పాత్రలో నటించారు. తన కుమారుడిలో ఉన్న అద్భుత శక్తులు బయటపడటం చూసి, ఆ శక్తుల వల్ల ఎదురయ్యే ప్రమాదాల నుండి కొడుకును ఎలా కాపాడుకోవాలనే ఒక తండ్రి పాత్రలో ఆయన కనిపిస్తారు.
Read Also : నిద్రలేని రాత్రులు మిగిల్చే అత్యంత భయంకరమైన హారర్… చూస్తే చలి జ్వరం గ్యారంటీ
Share
Amaravati: ఏమిటీ 'మావిగన్'? జగన్ కొత్త రాజధాని ప్రతిపాదన వెనుక అసలు ప్లాన్ ఇదేనా?
ప్రయాణీకులకు షాక్.. విజయవాడ, విశాఖ రూట్లలో 15 రైళ్లు రద్దు!
