అర్థరాత్రి వినిపించే అడుగుల సప్పుడు… కనిపించని మనుషుల నీడలు… గుండె గట్టిగున్నోల్లే చూడాల్సిన సిరీస్

Horror Thriller OTT : భయపెట్టే హారర్ సిరీస్ లు ఓటీటీలో చాలానే ఉన్నాయి. అయితే సిరీస్ మొదలు నుంచి, చివరి ఎపిసోడ్ దాకా వణికించే సిరీస్ లు కొన్నే ఉంటాయి. ఇప్పుడు మనం అలాంటి సిరీస్ గురించే చెప్పుకోబోతున్నాం. ఇది మామూలుగా అయితే ఉండదు. గుండె గట్టిగా ఉన్నోళ్ళు మాత్రమే చూడాలి. ఈ కథ ఇద్దరు పిల్లల్ని చూసుకొనేందుకు ఒక యువతి కేర్ టేకర్ గా వెళ్తుంది. ఆ తరువాత కథ వణికించేస్తుంది.

నెట్ ఫ్లిక్స్ (Netflix)లో స్ట్రీమింగ్

2020లో వచ్చిన ఈ అమెరికన్ హారర్ వెబ్ సిరీస్ పేరు ‘ది హాంటింగ్ ఆఫ్ బ్లై మనోర్’ (The Haunting of Bly Manor). మైక్ ఫ్లానాగన్ రూపొందించిన ఈ సిరీస్, హెన్రీ జేమ్స్ రాసిన ‘ది టర్న్ ఆఫ్ ది స్క్రూ’ అనే నవల ఆధారంగా తెరకెక్కింది. ఇందులో విక్టోరియా పెడ్రెట్టి (డాని), ఆలివర్ జాక్సన్-కోహెన్ (పీటర్ క్వింట్) లీడ్ రోల్స్ లో నటించారు. మొత్తం 9 ఎపిసోడ్లు ఉన్న ఈ సిరీస్ ప్రస్తుతం నెట్ ఫ్లిక్స్ (Netflix)లో అందుబాటులో ఉంది. ఈ సిరీస్ ఎమ్మీ (Emmy) అవార్డ్స్ కు కూడా నామినేట్ అయ్యింది.

స్టోరీ ఏమిటంటే

ఈ కథ 1980ల్లో ఇంగ్లాండ్‌లో డాని అనే అమెరికన్ పిల్లతో మొదలవుతుంది. ఆమె లండన్‌లోని ‘బ్లై మనోర్’ అనే ఒక పెద్ద బంగళాలో ఇద్దరు పిల్లల్ని చూసుకోవడానికి ఆయాగా చేరుద్ది. ఆ పిల్లల పేరెంట్స్ చనిపోయి ఉంటారు. ఆ పిల్లల బాబాయ్ ఏమో సిటీలో ఉంటూ వీళ్లని పట్టించుకోడు. ఆ బంగళాలో ఆల్రెడీ ఒక వంటవాడు, ఒక తోటమాలి, ఒక పనిమనిషి ఉంటారు. మొదట్లో అంతా బాగానే ఉన్నట్టు అనిపించినా, ఆ పిల్లలు అప్పుడప్పుడు వింతగా ప్రవర్తిస్తుంటే డానికి ఏదో తేడా కొడుతుంది. పోను పోను ఆ బంగళాలో దెయ్యాల తిరుగుడు ఎక్కువ అవుతుంది. ఆ పిల్లలు కూడా ఏవో బొమ్మలతో, అద్దాల్లో కనిపించే ఆకారాలతో మాట్లాడుతుంటారు.

అసలు విషయం ఏంటంటే.. గతంలో అక్కడ పని చేసిన పాత ఆయా, ఇంకో పనోడు చనిపోయి అక్కడే దెయ్యాలై తిరుగుతుంటారు. వాళ్లు ఈ పిల్లల శరీరాల్ని వాడుకుని మళ్ళీ బతకాలని ప్లాన్ వేస్తుంటారు. ఇంకో అసలు ట్విస్ట్ ఏంటంటే.. ఆ బంగళా పక్కనే ఉన్న చెరువులో ఒక భయంకరమైన దెయ్యం ఉంటుంది. వందల ఏళ్ల క్రితం చనిపోయిన ఆ దెయ్యం, ఎవరైనా తన దారికి అడ్డొస్తే చంపేసి నీళ్లలోకి లాగేస్తుంటది. చివరికి ఆ దెయ్యాల గోల నుంచి డాని బయట పడుతుందా ? ఆ బంగ్లాలో ఉన్న పిల్లలు ఏమవుతారు ? అనే విషయాలను, ఈ హారర్ సిరీస్ ను చూసి తెలుసుకోవాల్సిందే.