దేవుడికి పూజలు చేస్తుంటే మధ్యలో దెయ్యం గోల ఒకటి… బాబోయ్ ప్యాంటు తడిపించే సీన్లు

Indonesian supernatural horror movie OTT : ఇండోనేషియన్ హారర్ సినిమా అంటేనే భయం పుట్టించేలా ఉంటాయి. 1998లో ఇండోనేషియాలోని జరిగిన యథార్థ సంఘటనల నేపథ్యంలో ఒక దెయ్యం సినిమా రూపొందింది. ప్రార్థన సమయంలో ముస్లింల ఏకాగ్రతను దెబ్బతీసే దెయ్యం చుట్టూ ఈ కథ తిరుగుతుంది. ఒక్కసారిగా తెర మీద దెయ్యం వచ్చి పడటం, వింత వింత అరుపులతో ఈ సినిమా చూస్తున్నంత సేపు కుర్చీలో కుదురుగా కూర్చోలేం. భయంతో ఒళ్లు గగుర్పొడిచేలా ఉంటుంది. రాత్రిపూట లైట్లు ఆపేసి ఈ సినిమా చూస్తే, పక్కన ఎవరైనా ఉన్నా కూడా భయమేస్తుంది.

ఎక్కడ చూడచ్చు అంటే

2023లో వచ్చిన ఈ ఇండోనేషియా సూపర్ నేచురల్ హారర్ మూవీ పేరు ‘ఖాన్జాబ్’ (Khanzab). హారర్ జానర్‌లో తెరకెక్కిన ఈ చిత్రానికి అంగ్గి ఉంబారా దర్శకత్వం వహించగా, యాసమిన్ జాసెమ్, తికా బ్రవాని ప్రధాన పాత్రల్లో నటించారు. ఈ చిత్రాన్ని డీ కంపెనీ, ఉంబారా బ్రదర్స్ ఫిల్మ్ నిర్మించాయి. సుమారు 1 గంట 45 నిమిషాల నిడివి కలిగిన ఈ సినిమా ఐఎండిబి లో 4.6 రేటింగ్‌ను కలిగి ఉంది. ఇది ప్రస్తుతం అమెజాన్ ప్రైమ్ వీడియోలో అందుబాటులో ఉంది, కానీ ప్రధానంగా ఇండోనేషియన్ భాషలోనే లభిస్తోంది. 2019లో వచ్చిన ‘మక్ముమ్’ (Makmum) చిత్రంతో దీనికి దగ్గరి సంబంధం ఉండటంతో, హారర్ ప్రియుల్లో ఈ సినిమా మంచి ఆసక్తిని రేకెత్తించింది.

స్టోరీ ఏమిటంటే

బన్యువాంగి అనే ఊళ్లో రాహయు అనే అమ్మాయి ఉండేది. 1998 టైంలో ఆ ఊళ్లో మంత్రగాళ్లని ఏరిపారేసే గొడవలు జరిగాయి. ఆ గొడవల్లో జనం రాహయు తండ్రిని మంత్రాలు చేస్తున్నాడనే నెపంతో దారుణంగా చంపేస్తారు. కళ్ల ముందే నాన్న పోవడంతో ఆ పిల్ల మనసు పాడైపోయి, ఊరొదిలి వేరే చోటికి వెళ్ళిపోతుంది. కానీ ఊరు మారినా ఆమె మనసులో ఉన్న ఆ పాత భయం, బాధ మాత్రం అస్సలు పోదు. కొన్నాళ్లకి ఆ పిల్ల నమాజ్ చేసుకోవడం మొదలుపెడుతుంది. కానీ ఆమె నమాజ్ లో కూర్చున్నప్పుడల్లా ‘ఖాన్జాబ్’ అనే ఒక కంత్రీ దెయ్యం తగులుకుంటుంది. మనం దేవుడిని తలుచుకుంటుంటే, ఈ దెయ్యం వచ్చి ఏకాగ్రత దెబ్బతీస్తుంటుంది. అది మామూలు దెయ్యం కాదు, మనిషిని పిచ్చోడిని చేసే రకం. రాహయు చుట్టూ భయంకరమైన వింతలు జరగడం మొదలై, ఆమెను పిచ్చెక్కించే రేంజ్ కి వెళ్తాయి. చివరికి ఆ దెయ్యం బారి నుండి రాహయు ఎలా బయటపడింది? అసలు ఆ దెయ్యం ఆమెనే ఎందుకు టార్గెట్ చేసింది? తన నాన్న చావుకి, ఈ దెయ్యానికి ఏమైనా లింకు ఉందా? అనేది అసలు కథ. మనసులో భయం ఉంటే దెయ్యం ఎలా ఆడుకుంటుందో ఈ సినిమాలో భలే చూపించారు.

Read Also : భర్తను పంచుకున్న యువతితో భార్య పెంచుకున్న బంధం… ఒకే పురుషుని కోసం ఇద్దరు స్త్రీల ఆరాటం

Share

• 
• 
• 
• 
• 
•