Jio Hotstar : ట్రెండింగ్ లో ఈ 1 గంట 42 నిమిషాల హర్రర్ మూవీ… ఒళ్లు ఝల్లుమన్పించే జర్నీ

Jio Hotstar : ఓటీటీలో ఎక్కువగా హర్రర్ జానర్ సినిమాలను చూసేందుకు ఆడియన్స్ ఇష్టపడుతున్నారు. ఈ జానర్‌లోని సినిమాల కోసం ఆసక్తిగా ఎదురు చూస్తున్నారు కూడా. అయితే ఇప్పుడు మనం 1 గంట 42 నిమిషాల నిడివితో ప్రేక్షకులను తెగ భయపెడుతున్న ఇక సినిమా గురించి చెప్పుకోబోతున్నాం. ఈ సినిమా ఓటీటీలోకి వచ్చినప్పటినుంచి టాప్ ట్రెండింగ్ లో చోటు సంపాదించుకుంది. మరి ఈ సినిమా పేరు, ఏ ఓటీటీలో చూడవచ్చు అనే విషయాలను తెలుసుకుందాం పదండి.

ఏ ఓటీటీలో ట్రెండింగ్ అంటే

ఈ ఇండోనేషియా హర్రర్ థ్రిల్లర్ మూవీ పేరు “ది ట్రైన్ ఆఫ్ డెత్” (The Train of Death). దీనికి రిజాల్ మంటోవాని దర్శకత్వం వహించారు. ఇందులో హనా మలాసన్, జారా లియోలా, మరియు ఫద్లీ ఫైసల్ లీడ్ రోల్స్ లో నటించారు. 2024 లో వచ్చిన ఈ సినిమా జియో హాట్‌స్టార్ లో అందుబాటులో ఉంది. ఈ చిత్రంలో ఉండే ఉత్కంఠభరితమైన కంటెంట్‌ను ప్రజలు ఇష్టపడుతున్నారు. అందుకే జియో హాట్‌స్టార్‌ (Jio Hotstar) లో ఈ సినిమా ట్రెండింగ్‌లో 9వ స్థానానికి చేరుకుంది. అయితే ఒంటరిగా మాత్రం ఈ సినిమాని చూడకండి.

స్టోరీ ఏమిటంటే

క్యాన్సర్ వ్యాధి నుండి కోలుకున్న సంతోషంలో పూర్ణిమ, తన చెల్లెలు కెంబంగ్‌తో కలిసి ఒక రిసార్ట్‌కు వెళ్లాలని నిర్ణయించుకుంటుంది. ఇందుకోసం వాళ్ళు అడవి గుండా వెళ్లే ఒక ప్రత్యేక రైలును ఎక్కుతారు. ప్రయాణం మొదట్లో సరదాగా సాగినప్పటికీ, రైలు ఒక చీకటి సొరంగం లోకి ప్రవేశించినప్పుడల్లా ఒక భయంకరమైన సంఘటన జరుగుతుంది. ప్రతి టన్నెల్ దాటిన తర్వాత రైలు చివరి భోగీ వింతగా మాయమవ్వడమే కాకుండా, అందులోని ప్రయాణికులు అత్యంత ఘోరంగా ప్రాణాలు కోల్పోతుంటారు.

ఈ మరణాల వెనుక ఒక భయంకరమైన అతీంద్రియ శక్తి ఉందని పూర్ణిమ గ్రహిస్తుంది. ఆ రైల్వే ట్రాక్ నిర్మించడానికి అడవిని ధ్వంసం చేసినందుకు, ఆ అడవిలోని దెయ్యం ప్రతీకారం తీర్చుకుంటుందని వాళ్ళకి అర్థమవుతుంది. మిగిలిన ప్రయాణికులతో కలిసి పూర్ణిమ ఆ దెయ్యం నుండి ఎలా తప్పించుకుంది? చివరికి రైలు గమ్యాన్ని చేరుకుందా ? అన్నదే ఈ సినిమాలో ఉన్న ఉత్కంఠభరితమైన క్లైమాక్స్.