OTT Movie : మలయాళ సినిమాలు సరికొత్త స్టోరీలతో డిజిటల్ స్ట్రీమింగ్ కి వస్తున్నాయి. ఈ సినిమాల కోసం ప్రేక్షకులు కూడా అలాగే ఎదురుచూస్తున్నారు. అయితే మలయాళంలో విశేషంగా ఆకట్టుకున్న ఒక ఫీల్ గుడ్ సినిమా రెండేళ్ల తరువాత ఓటీటీలోకి వచ్చింది. ఈ సినిమా స్టేజ్ మీద కథలు చెప్పే ఒక కళాకారుడి చుట్టూ తిరుగుతుంది. ఒకప్పుడు బాగా పాపులర్ అయిన స్టేజ్ కథలు, కాలం మారడంతో కనుమరుగైపోయాయి. ఈ నేపథ్యంలో వచ్చిన ఈ సినిమా ప్రేక్షకుల హృదయాలను గెలుచుకుంది. అంతేకాదు, ఈ చిత్రం నేషనల్ ఫిల్మ్ అవార్డ్ – స్పెషల్ మెన్షన్ గెలుచుకుంది. IMDbలో 9.4/10 టాప్ రేటింగ్ తో దూసుకుపోతోంది. ఈ సినిమా పేరు ఏమిటి ? స్టోరీ ఏమిటి ? ఎందులో ఉంది ? అనే వివరాల్లోకి వెళ్తే …
చంద్రశేఖరన్ 1980లలో ప్రఖ్యాత కథాప్రసంగం కళాకారుడు. ఒకప్పుడు స్టేజ్ షో లు ఇస్తూ పేరు సంపాదించాడు. ఇప్పుడు కాలం మారడంతో ఆ కళ కూడా అంతరించిపోయింది. తన కష్టాల కారణంగా ఆ కళను వదిలేసి, కొల్లం సమీపంలో ఒక సామిల్లో కూలీగా పనిచేస్తుంటాడు. అతని జీవితం ఇప్పుడు ఒడిదొడుకులతో ఉంటుంది. తన కళాకారుడి రూపాన్ని దాచుకుని బతుకుతుంటాడు. ఇంతలో జువెనైల్ హోమ్లో ఉండే 17 ఏళ్ల మిథున్,చంద్రశేఖరన్ నుంచి కథాప్రసంగం నేర్చుకోవాలని కోరుకుంటాడు. ఈ పిల్లాడు కోల్కతా రెడ్-లైట్ ఏరియాలో తన బాల్యంలో చాలా బాధలు పడి ఉంటాడు.
జువెనైల్ హోమ్ సూపరింటెండెంట్ మంచి మనసున్న వ్యక్తి . మిథున్ కోరికను సపోర్ట్ చేసి, చంద్రశేఖరన్ని ఒప్పిస్తాడు. మిథున్ ఉత్సాహం చంద్రశేఖరన్లో కథ చెప్పే పాషన్ని మళ్లీ రగిలిస్తుంది, వీళ్లిద్దరి మధ్య ఒక గాఢమైన గురు-శిష్య బంధం ఏర్పడుతుంది.చంద్రశేఖరన్, మిథున్కి కథాప్రసంగం నేర్పిస్తూ, తన గత కీర్తిని, కళపై ప్రేమను మళ్లీ తెచ్చుకుంటాడు. మిథున్ కూడా తన గత గాయాల నుంచి బయటపడి, ఈ కథల ద్వారా కొత్త ఆత్మవిశ్వాసం పొందుతాడు. ఈ బంధం వాళ్లిద్దరి జీవితాల్లో కొత్త అర్థాన్ని తెస్తుంది.
‘Kadhikan’ 2023లో విడుదలైన మలయాళ ఫీల్ గుడ్ సినిమా. జయరాజ్ దర్శకత్వంలో, ముకేష్ (చంద్రశేఖరన్), ఉన్ని ముకుందన్ (సూపరింటెండెంట్), కేతకి నారాయణ్, కృష్ణానంద్ (మిథున్) ప్రధాన పాత్రల్లో నటించారు. ఈ సినిమా 2023 డిసెంబర్ 8న థియేటర్లలో విడుదలై, 1 గంట 34 నిమిషాల రన్టైమ్తో IMDbలో 9.4/10 రేటింగ్ ని పొందింది. 2025 సెప్టెంబర్ 4 నుంచి మనోరమా మ్యాక్స్లో మలయాళం, ఇంగ్లీష్ సబ్టైటిల్స్తో స్ట్రీమింగ్కు అందుబాటులో ఉంది.
Read Also : సోషల్ మీడియా ఇన్ఫ్లూయెన్సర్ లైఫ్ ఇంత దారుణంగా ఉంటుందా? ఒక్కో సీన్ కు మైండ్ బ్లాక్
Share
DMart Offers: డిమార్ట్ కు వెళ్తున్నారా? ఈ వస్తువులు అస్సలు కొనకండి!
Anupama Parameswaran: బ్లాక్ డ్రెస్లో స్టైలిష్ అనుపమ.. అదిరిపోయే లుక్స్తో మతిపోగోడుతోన్న ముద్దుగుమ్మ
