Horror thriller series OTT : ఇప్పుడు ఓటీటీ ప్లాట్ ఫామ్స్ లో హరర్, సస్పెన్స్ థ్రిల్లర్ కంటెంట్ ను చూసేందుకు అడియన్స్ ఇంట్రెస్ట్ చూపిస్తున్నారు. అందుకే మేకర్స్ కూడా ఎక్కువగా హరర్ కామెడీ చిత్రాలను తీసుకువస్తున్నారు. ఇతర భాషలలో సూపర్ హిట్ అయిన సినిమాలను కూడా తెలుగులోకి డబ్ చేస్తున్నారు. ఈ క్రమంలోనే ఓ వెబ్ సిరీస్ యూట్యూబ్ (youtube) లో భాషతో సంబంధం లేకుండా అందరినీ ఆకట్టుకుంటోంది. తమిళంలో రూపొందించిన హారర్ థ్రిల్లర్ వెబ్ సిరీస్ ను యూట్యూబ్ లో ఫ్రీగా కూడా చూడొచ్చు. దీని పేరు, ఏ ఓటీటీలో ఉంది ? అనే వివరాల్లోకి వెళ్తే ..
తమిళంలో రూపొందిన ఈ సిరీస్ పేరు ‘కరువనం’ (Karuvanam). యూట్యూబ్ లో ఈ వెబ్ సిరీస్ ట్రెండింగ్ లో కూడా ఉంది. అయితే ఇది ఇంగ్లీష్ సబ్ టైటిల్స్ తో అందుబాటులో ఉంది. ఇందులో ఉదయ సుందరి, జయ శ్రీ విజయన్, విఘ్నేష్ వరదరాజన్, వీరరాఘవన్ ప్రధాన పాత్రలు పోషించారు. కుమరన్ సుందరన్ దర్శకత్వం వహించిన ఈ సిరీస్ లో ఊహించని ట్విస్టులతో పాటు, వణుకుపుట్టించే సీన్లు కూడా ఉంటాయి.
మీరా, షాలిని అనే ఇద్దరు అనాథలు ఓ ఆశ్రమంలో పెరుగుతుంటారు. వారిద్దరిని ఓ గొప్పింటి మహిళ దత్తత తీసుకుంటుంది. వాళ్ల అమ్మ చనిపోయాక ఒక పాత బంగళా వీళ్లకు వారసత్వంగా వస్తుంది. ఆ ఇల్లు రిపేర్ చేయడానికి వెళ్లిన వీళ్లకి ఊహించని సంఘటనలు ఎదురుపడతాయి. ఒకరి గురించి ఒకరికి అప్పుడే తెలుస్తుంది. అయితే ఆ ఇంట్లోకి అడుగుపెట్టిన దగ్గరి నుండి వీళ్లకి వింత వింత శబ్దాలు, భయంకరమైన దృశ్యాలు కనిపిస్తుంటాయి. అసలు ఆ ఇల్లు ఎందుకు ఖాళీగా ఉంది ? వాళ్ల అమ్మ తమని ఎందుకు వదిలేసింది ? అనే విషయాలను తెలుసుకోవాలని ప్రయత్నిస్తారు.
కానీ ఆ ఇంట్లో ఒక భయంకరమైన దుష్టశక్తి ఉంటుంది. వాళ్ల పూర్వీకులు చేసిన కొన్ని క్షుద్ర పూజలు, తప్పుల వల్ల ఆ కుటుంబం మీద ఒక శాపం ఉంటుంది. ఆ శక్తి ఇప్పుడు ఈ కవలల ప్రాణాల మీదకు వస్తుంది. ఒకవైపు ఇంట్లో జరుగుతున్న భయంకర పరిణామాలు, మరోవైపు బయట పడుతున్న వాళ్ల ఫ్యామిలీ సీక్రెట్స్ మధ్య ఈ ఇద్దరు అమ్మాయిలు ఆ గండం నుండి ఎలా బయటపడ్డారు ? ఆ దుష్టశక్తిని ఎలా ఎదుర్కొన్నారు ? అనేదే ఈ సిరీస్ క్లైమాక్స్.
Read Also : పూల తోటలో మృతదేహాలు… ప్రేమలో పడ్డ అమ్మాయిని కూడా… ఈ ఆరు ఎపిసోడ్ల క్రైమ్ థ్రిల్లర్ భీభత్సమే
Share
Minister Ponguleti: వెలుగుమెట్లలో పేదలకు ఇండ్లు ఇచ్చేబాద్యత నాది: మంత్రి పొంగులేటి..!
Most Wanted Criminal: మోస్ట్ వాంటెడ్ క్రిమినల్ అనిల్కుమార్రెడ్డి చిక్కాడు.. ఏపీ పోలీసులకు అప్పగించిన సీబీఐ
