Roslin OTT Release : మలయాళం నుంచి సినిమాలే కాదు, సిరీస్ లు కూడా ఇంట్రెస్టింగ్ సబ్జెక్ట్స్ తో వస్తున్నాయి. డిసెంబర్ 2025లో ఓటీటీ ప్లాట్‌ఫామ్‌లోకి వచ్చిన మలయాళ సిరీస్ ‘ఫార్మా’ ‘కేరళ క్రైమ్ ఫైల్స్’ వంటివి ఆడియన్స్ ని బాగా ఆకట్టుకున్నాయి. ప్రజలకు తెలియని విషయాలను కూడా వీటిద్వారా చెప్పే ప్రయత్నం చేశారు. అయితే ఇప్పుడు మరో సిరీస్ ఓటీటీలోకి రాబోతోంది. ఇది థ్రిల్లర్ జోనర్ లో ఉండబోతోంది. సీనియర్ నటి మీనా ఇందులో నటిస్తుండటంతో ఈ సిరీస్ పై అంచనాలు కూడా పెరిగాయి. మరి ఈ సిరీస్ పేరు ? ఏ ఓటీటీలోకి రాబోతోంది ? అనే విషయాలను తెలుసుకుందాం పదండి.
ఈ మలయాళ సైకలాజికల్ థ్రిల్లర్ వెబ్ సిరీస్ పేరు ‘రోస్లిన్’ (Roslin). సీనియర్ నటులు మీనా, వినీత్ నటించిన ఈ సిరీస్ జియో హాట్‌స్టార్‌ లో OTTplay ప్రీమియం ద్వారా డిజిటల్‌గా స్ట్రీమింగ్ కానుంది. సదరు ఓటీటీ ఆఫీషియల్ గా అనౌన్స్ కూడా చేసింది. అయితే ఖచ్చితమైన తేదీ ప్రకటించలేదు. వచ్చే నెల రిలీజ్ అయ్యే అవకాశం ఉంది. 2026 లో రోస్లిన్‌తో సహా ఐదు మలయాళ వెబ్ సిరీస్ లు రానున్నాయి. అయితే ఓటీటీలోకి వచ్చే మొదటి మలయాళ వెబ్ సిరీస్ ‘రోస్లిన్’ కావడం గమనించదగ్గ విషయం. ఇక ఈ సిరీస్ షో రన్నర్ గా ‘దృశ్యం’ ఫేమ్ జీతూ జోసెఫ్ ఉన్నారు. సుమేష్ నందకుమార్ దర్శకత్వంలో వచ్చిన ఈ సిరీస్ మలయాళంతో పాటు తెలుగు, తమిళం, కన్నడ, హిందీ భాషల్లో కూడా అందుబాటులోకి రానుంది.
ఈ సిరీస్ 17 ఏళ్ల రోస్లిన్ అనే అమ్మాయి చుట్టూ తిరుగుతుంది. ఆమెకు కలలో పదే పదే ఒక వింత వ్యక్తి కనిపిస్తూ భయపెడుతుంటాడు. అయితే ఒకరోజు ఆ కలలోని వ్యక్తి నిజంగానే ఆమె ఇంటికి అతిథిగా రావడంతో ఆమె జీవితం తలకిందులవుతుంది. తన తల్లిదండ్రులు అతని మాయలో పడిపోయినా, రోస్లిన్ మాత్రం అతని అసలు రూపాన్ని బయటపెట్టడానికి ప్రయత్నిస్తుంది. ఇంతకీ ఆ వ్యక్తి ఎవరు ? కలలో ఎందుకు కనిపిస్తున్నాడు ? అతని వల్ల ఎలాంటి సమస్యలు వస్తాయి ? అనే విషయాలను ఈ సైకలాజికల్ థ్రిల్లర్ వెబ్ సిరీస్ ను చూసి తెలుసుకోవాల్సిందే.
Read Also : హోలీ పండగ రోజు ఊర్లో ఒకరు బలి… గ్రామాన్ని వెంటానే భయంకరమైన శాపం… మతిపోగొట్టే మరాఠీ ఒరిజినల్ సిరీస్
Share
Keerthy bhat: ప్రియుడితో నిశ్చితార్థం బ్రేకప్ చెప్పుకున్న బిగ్ బాస్ బ్యూటీ.. రాజీ పడలేనంటూ!
Former First Lady Jail: బ్యాగులు, డైమండ్ లాకెట్టు స్వీకరించినందుకు మాజీ ప్రథమ మహిళకు షాక్.. 20 నెలల జైలు శిక్ష విధించిన కోర్టు!
