OTT Movie : ట్రయాంగిల్ లవ్ స్టోరీలు ఆసక్తికరంగా ఉంటాయి. ఇలాంటి సినిమాలు అన్ని భాషల్లో వస్తుంటాయి. కాస్త కథ బాగుంటే, ఇలాంటి సినిమాలను వదలకుండా చూస్తుంటారు. ఇప్పుడు మనం చెప్పుకోబోయే సినిమా కన్నడ ఇండస్ట్రీ నుంచి వచ్చింది. రీసెంట్ గా ఓటీటీలో సందడి చేస్తోంది. సముద్ర తీరం నేపథ్యంలో జీవితంపై ఫిలాసఫికల్ ఆలోచనలతో ఈ కథ నడుస్తుంది. దీనిపేరు ఏమిటి ? ఎందులో స్ట్రీమింగ్ అవుతుంది ? ఎందులో ఉంది ? అనే వివరాల్లోకి వెళ్తే ..
అమెజాన్ ప్రైమ్ వీడియోలో
‘మనదా కడలు’ (Manada Kadalu) 2025లో విడుదలైన కన్నడ రొమాంటిక్ చిత్రం. యోగరాజ్ భట్ రచన, దర్శకత్వంలో, ఇ. కృష్ణప్ప నిర్మాణంలో ఈ సినిమా రూపొందింది. ‘ముంగారు మళే’ తర్వాత 18 ఏళ్లకు వీరి కాంబినేషన్‌లో మరో సినిమా తెరకెక్కింది. ఇందులో సుముఖ, రషీకా శెట్టి, అంజలి అనీష్ ప్రధాన పాత్రల్లో నటించారు. ఈ సినిమా 2025 మార్చి 28న థియేటర్లలో విడుదలై, అమెజాన్ ప్రైమ్ వీడియోలో మే 15 నుండి స్ట్రీమింగ్‌లో ఉంది. IMDbలో 7.4/10 రేటింగ్ ను పొందింది.
కథలోకి వెళ్తే
సుముఖ మైసూర్‌లో MBBS నాలుగో సంవత్సరం చదువుతూ సరదాగా గడుపుతుంటాడు. అయితే ఆ కాలేజీ ప్యూన్ గుండెపోటుతో చనిపోవడం చూసి డాక్టర్లపై నమ్మకం కోల్పోయి చదువు మానేస్తాడు. ఆతరువాత కర్ణాటక బీచ్‌లలో సముద్రంలో ఈత కొడుతూ, సూర్యాస్తమయాలు చూస్తూ రోజులు గడుపుతాడు. ఇలాఉంటే ఒక రోజు బీచ్‌లో రషీకా అనే ఒక క్రికెటర్‌ను కలిసి, మొదటి చూపులో ప్రేమలో పడతాడు. రషీకా, తన క్రికెట్ కలల కోసం ఆరు నెలలు వేచి ఉండమని చెప్పి బెంగళూరులో మాయమవుతుంది. సుముఖ ఆమెను వెతుకుతూ మురుద్-జంజీరా ద్వీపంలోని ఆర్కియాలజికల్ సైట్‌లో ఆమెను, ఆమె స్నేహితురాలు అంజలిని కనిపెడతాడు. అక్కడ సుముఖకు ఒక షాకింగ్ విషయం తెలుస్తుంది. రషీకాకు ALS టెర్మినల్ వ్యాధి ఉందని తెలుస్తుంది. ఇది స్టీఫెన్ హాకింగ్‌కు ఉన్న అదే వ్యాధి.
సుముఖ, రషీకాను హీల్ చేయడానికి ప్రయత్నిస్తూ, అంజలితో కూడా ప్రేమలో పడతాడు. ఇది ఒక ఎమోషనల్ లవ్ ట్రయాంగిల్‌గా మారుతుంది. అంజలి ఆ ద్వీపంలోని చరిత్ర తవ్వుతూ, ఒక రాజు ఇద్దరు భార్యలతో జీవించి, ఒకరిని వ్యాధి నుండి కాపాడిన కథను తెలుసుకుంటుంది. ఇది సుముఖ జీవితానికి ఒక ప్రతిబింబంగా ఉంటుంది. మరి ఈ సినిమా క్లైమాక్స్ ఎలా ఉంటుంది ? ఈ ట్రయాంగిల్ స్టోరీ ఎంతవరకూ వెళ్తుంది ? అనే విషయాలను తెలుసుకోవాలనుకుంటే, ఈ కన్నడ రొమాంటిక్ సినిమాను మిస్ కాకుండా చుడండి.
Share
Brahmamudi Serial Today August 28th: ‘బ్రహ్మముడి’ సీరియల్‌: స్పృహ కోల్పోయిన రాజ్ - దుఖః సంద్రంలో కావ్య
Himachal floods: ఉత్తరాదిలో వర్ష బీభత్సం.. ఉప్పొంగిన రావి, బియాస్‌ నదులు
