Mark On OTT : థియేటర్లలో రిలీజ్ అయిన కొద్ది రోజుల్లోనే కొత్త కొత్త సినిమాలు ఓటీటీలో అడుగు పెడుతున్న సంగతి తెలిసిందే. అలా కిచ్చా సుదీప్ ఫ్యాన్స్‌కు 2025 క్రిస్మస్ స్పెషల్ గిఫ్ట్ గా వచ్చిన మూవీ ‘మార్క్’. ఈ యాక్షన్ ప్యాక్డ్ థ్రిల్లర్ థియేటర్స్‌లో సంచలనం సృష్టిస్తోంది. కానీ ఇప్పుడు అందరి దృష్టి ఈ మూవీ ఓటీటీ విడుదలపై ఉంది. మరి ఈ మూవీ ఏ ఓటీటీలో, ఎప్పుడు రిలీజ్ అవుతుందో తెలుసుకుందాం పదండి.
మార్క్ (Mark) 2025లో వచ్చిన కన్నడ యాక్షన్ థ్రిల్లర్ చిత్రం. డైరెక్టర్ విజయ్ కార్తికేయ తెరకెక్కించిన ఈ సినిమాలో కన్నడ స్టార్ కిచ్చా సుదీప్ (అజయ్ మార్కండే – సస్పెండెడ్ పోలీస్ ఆఫీసర్) హీరోగా నటించాడు. కీ రోల్స్‌లో నవీన్ చంద్ర, యోగి బాబు, గురు సోమసుందరం, డ్రాగన్ మంజు, షైన్ టామ్ చాకో నటించారు. యాక్షన్ థ్రిల్లర్, క్రైమ్ కలగలిపి రూపొందిన ఈ మూవీ డిసెంబర్ 25న క్రిస్మస్ కానుకగా థియేటర్లలో విడుదలైంది. 2 గంటల 30 నిమిషాలు రన్ టైమ్ ఉన్న ఈ మూవీ ప్రస్తుతం బాక్సాఫీస్‌ దగ్గర స్ట్రాంగ్ హోల్డ్ చూపిస్తోంది.
థియేటర్స్‌లో రన్ పూర్తయిన తర్వాత ఈ మూవీ ఓటీటీలోకి వస్తుంది. గతంలో ZEE5, Amazon Prime Videoలో మూవీ రిలీజ్ అవుతుందని పుకార్లు వచ్చాయి. కానీ లేటెస్ట్ రిపోర్ట్స్ ప్రకారం Jio Hotstar ఈ మూవీ డిజిటల్ రైట్స్ ను సొంతం చేసుకున్నట్టు తెలుస్తోంది. 2026 జనవరిలో అంటే థియేట్రికల్ రన్ అనంతరం 4-6 వీక్స్ తర్వాత స్ట్రీమింగ్ కానుంది. దీనిపై అధికారిక అనౌన్స్‌మెంట్ ఇంకా రాలేదు.
కథ సస్పెండెడ్ పోలీస్ ఆఫీసర్ అజయ్ మార్కండే (కిచ్చా సుదీప్) చుట్టూ తిరుగుతుంది. కఠినంగా ఉండే ఈ పోలీస్ ఆఫీసర్ కొన్ని కారణాలతో సస్పెండ్ అయ్యాడు. విధుల్లోకి తిరిగి వచ్చిన తర్వాత, ఒక పెద్ద క్రైమ్ కేసును హ్యాండిల్ చేస్తాడు. శక్తివంతమైన గ్యాంగ్‌స్టర్లు, అవినీతిపరులైన రాజకీయ నాయకులు, పవర్‌ఫుల్ మాఫియా నెట్‌వర్క్‌ ఈ కేసులో ఇన్వాల్వ్ అయ్యి ఉంటుంది. ఇక హీరో న్యాయం కోసం ఒంటరిగా పోరాడుతూ, బ్రూటల్ యాక్షన్ సీక్వెన్సెస్‌తో విలన్స్‌ను మట్టి కరిపిస్తాడు. కథలో ట్విస్ట్స్, ఎమోషనల్ మూమెంట్స్, హై-వోల్టేజ్ ఫైట్స్ వంటివి కావలసినన్ని ఉంటాయి. సుదీప్ ఇంటెన్స్ లుక్, పవర్‌ఫుల్ డైలాగ్స్ హైలైట్. పోలీస్ సిస్టమ్ లోపాలు, అవినీతి, రివెంజ్ జర్నీని ఆసక్తికరంగా ఈ మూవీలో చూపించారు. మరి ఇంతకీ హీరో డీల్ చేసిన క్రైమ్ ఏంటి? విలన్ల తుక్కు ఎలా రేగగొట్టాడు అన్నది మూవీని చూసి తెలుసుకోవాల్సిందే.
Read Also : ఓటీటీలో ‘బాహుబలి: ది ఎపిక్’ స్ట్రీమింగ్… తెలుగులో చూడాలా ? ఈ ఆప్షన్ ట్రై చేయండి
Share
Palnadu District: పిడుగురాళ్ల సీఐ వేధింపులతో.. మహిళ ఆత్మహత్యాయత్నం
Dehradun Student Clash: డెహ్రాడూన్‌‌లో విద్యార్థుల మధ్య ఘర్షణ.. ఒకరు మృతి
