Romantic Comedy Drama: పిల్లలు పెద్దవాళ్లు అవుతున్న కొద్దీ వాళ్లకు సొంత అభిప్రాయాలు, ఇష్టాలు, జీవితంపై ప్రత్యేకమైన ఆలోచనలు ఏర్పడతాయి. కానీ తల్లిదండ్రులకు మాత్రం పిల్లలు ఇంకా చిన్నవాళ్లుగానే కనిపిస్తుంటారు. ముఖ్యంగా ప్రేమ, రిలేషన్‌షిప్‌ వంటి విషయాలు వచ్చినప్పుడు ఇంట్లో అసలు కథ మొదలవుతుంది. కూతురు తన జీవితాన్ని తనకు నచ్చినట్టుగా గడపాలని అనుకుంటే, తండ్రి మాత్రం ఆమె నిర్ణయాలన్నింటినీ కంట్రోల్ చేయాలి అనుకుంటాడు. ప్రేమ విషయంలో ఆమెకు సపోర్ట్‌ చేయాల్సింది పోయి, ఆ సంబంధాన్ని చెడగొట్టడానికి రహస్య ప్లాన్లు వేస్తే… ఈ జనరేషన్‌ గ్యాప్‌ నుంచి వచ్చే కామెడీ, ఎమోషన్స్‌తో రూపొందిన హిందీ సిరీస్ ‘మటర్‌గష్టి’ (Matargashti) తాజాగా ఓటీటీలోకి అడుగు పెట్టింది. మరి ఈ సిరీస్ ను ఏ ఓటీటీలో చూడవచ్చు అనే విషయంలోకి వెళ్తే..
ధారా అనే యువతి తన వ్యక్తిగత జీవితాన్ని, తనకు నచ్చిన సంబంధాలను స్వయంగా నిర్ణయించుకోవాలని అనుకుంటుంది. తనకు నిజంగా ఏం కావాలో అర్థం చేసుకోవడం ఆమె జీవితంలో కీలకమైన దశగా మారుతుంది. కానీ ఈ ప్రయాణానికి తండ్రి నుంచి మద్దతు లభించదు. ధారా ఆలోచనలు, ఆమె తీసుకునే నిర్ణయాలు అతడికి నచ్చవు. ముఖ్యంగా కూతురు తన సొంత గుర్తింపును అర్థం చేసుకునే ప్రయత్నం చేయడం అతడిని అసౌకర్యానికి గురిచేస్తుంది.
తండ్రి తన కూతురి జీవితంపై నియంత్రణ కోల్పోతున్నాననే భావనతో వ్యవహరిస్తాడు. ఆమె ప్రేమ జీవితం తనకు నచ్చినట్టుగా ఉండాలని ఆశపడతాడు. ధారా ఎవరితో మాట్లాడాలి, ఎవరిని ఇష్టపడాలి, ఎలాంటి సంబంధం కొనసాగించాలి అనే విషయాల్లోనూ జోక్యం చేసుకోవాలని చూస్తాడు. కూతురి నిర్ణయాలను అర్థం చేసుకునే బదులు, ఆమె ప్రేమ జీవితాన్ని చెడగొట్టేందుకు ప్రయత్నించడం వల్ల ఇంట్లో కొత్త సమస్యలు మొదలవుతాయి.
ఇక్కడి నుంచే సిరీస్‌లోని కామెడీ, కుటుంబ సంఘర్షణలు ముందుకు సాగుతాయి. ఒకవైపు తన జీవితాన్ని తానే డిసైడ్ చేసుకోవాలనుకునే ధారా, మరోవైపు ఆమెను తన ఆలోచనల ప్రకారం నడిపించాలనుకునే తండ్రి. ఇద్దరి మధ్య తరాల తేడా, వ్యక్తిగత స్వేచ్ఛపై ఉన్న భిన్నమైన అభిప్రాయాలు చిన్న చిన్న సంఘటనలను పెద్ద గొడవలుగా మారుస్తాయి. తండ్రి వేసే ప్లాన్లు ధారాకు తెలియకుండా ఉంటాయా ? అతడు అనుకున్నట్టుగా ఆమె ప్రేమ జీవితం మారుతుందా ? లేక ఈ ప్రయత్నాలే వారి సంబంధాన్ని మరింత దూరం చేస్తాయా ? అన్నది కథలో ఆసక్తికరమైన అంశం.
ఈ సిరీస్ కేవలం తండ్రి కూతురి ప్రేమను అడ్డుకోవడానికి చేసే ప్రయత్నాల గురించే కాదు. యువత తమ గుర్తింపును అర్థం చేసుకునే సమయంలో కుటుంబం నుంచి ఎదురయ్యే ఒత్తిడి, తల్లిదండ్రుల అంచనాలు, పిల్లల స్వతంత్ర నిర్ణయాల మధ్య ఉండే గ్యాప్‌ను కూడా టచ్‌ చేస్తుంది.
‘మటర్‌గష్టి’ 2026లో రూపొందిన హిందీ కామెడీ డ్రామా సిరీస్. నెట్‌ఫ్లిక్స్‌ (Netflix)లో హిందీలో అందుబాటులో ఉంది. రాజేశ్‌ కుమార్‌ (Rajesh Kumar), అద్రిజా సిన్హా (Adrija Sinha), సౌమ్య ఉనియాల్‌ (Saumya Uniyal) ప్రధాన పాత్రల్లో నటించారు. వీరితో పాటు శక్తి కుమార్‌, తులికా బెనర్జీ తదితరులు కూడా కనిపిస్తారు. కామెడీతో పాటు కమింగ్‌-ఆఫ్‌-ఏజ్‌ అంశాలను కలిపి తెరకెక్కించిన ఈ సిరీస్ జనరేషన్‌ గ్యాప్‌, కామెడీతో కూడిన యూత్ కథలు ఇష్టపడే వారికి తప్పకుండా నచ్చుతుంది.
Read Also: మతాలు వేరైనా మనసులు కలిస్తే… ట్రెండింగ్ రొమాంటిక్ కామెడీ సిరీస్
Share
ప్రతీకా, షెఫాలీ వర్మ బ్యాట్లలో AI చిప్స్..ఐసీసీ చెక్ చేయాల్సిందే !
ఆదర్శ కుటుంబం ట్రైలర్ వచ్చేసింది.. కథలో ఏదో కొత్తగా ఉందే!
