ఇదెక్కడి సినిమా గురూ… ప్రేమ పేరుతో భార్యను సాఫ్ట్‌వేర్‌లో బంధించే సైకో భర్త

Mystery Thriller on OTT : లవ్ స్టోరీలు వింత వింతగా ఉంటాయి. కొన్ని సైలెంట్ ప్రేమ కథలు, మరికొన్ని వయోలెంట్ ప్రేమ కథలు. సైలెంట్ ప్రేమ కథలు స్లో పాయిజన్ లా మనసుకు హత్తుకునే విధంగా ఉంటాయి. ఇక వయోలెంట్ లవ్ స్టోరీలు మాత్రం థ్రిల్లింగ్ ట్విస్ట్ తో సైకలాజికల్ థ్రిల్లర్ గా ఆడియన్స్ ను అలరిస్తాయి. ఈరోజు మన మూవీ సజెషన్ లో అలాంటి ఓ సైకో లవ్ స్టోరీ గురించి తెలుసుకుందాం.

రెండు ఓటీటీలలో అందుబాటులో

మైండ్-బెండింగ్ సైకలాజికల్ డిస్టోపియన్ థ్రిల్లర్ Don’t Worry Darling. 2022లో వచ్చిన ఈ మూవీకి ఒలివియా వైల్డ్ దర్శకత్వం వహించారు. ఫ్లోరెన్స్ పగ్, హ్యారీ స్టైల్స్ ప్రధాన పాత్రల్లో కన్పించారు. ఈ సినిమాలో పర్ఫెక్ట్‌గా కనిపించే అందమైన ప్రపంచం వెనుక దాగి ఉన్న భయంకరమైన నిజాన్ని చూశాక లవ్ అంటేనే హడలిపోతారు. ఈ విజువల్ థ్రిల్లర్ రెండు ఓటీటీలలో స్ట్రీమింగ్ అవుతోంది. Amazon Prime Video, Apple TV లో రెంట్‌కి ఈ సినిమా అందుబాటులో ఉంది.

కథలోకి వెళ్తే…

కథ 1950ల కాలంలో మొదలవుతుంది కథ. కాలిఫోర్నియా ఎడారిలో ‘విక్టరీ’ (Victory) అనే ఒక ప్రైవేట్, విలాసవంతమైన పట్టణం ఉంటుంది. ఆలిస్, ఆమె భర్త జాక్ అక్కడే సంతోషంగా ఉంటారు. అయితే ఆ ఊళ్ళో ఉన్న మగవాళ్ళంతా ఓ సీక్రెట్ ప్రాజెక్ట్ కోసం పని చేస్తారు. ఆడవాళ్ళు మాత్రం ఇంట్లోనే ఉంటూ, విలాసవంతమైన జీవితాన్ని గడుపుతారు. ఈ పట్టణాన్ని ‘ఫ్రాంక్’ అనే వ్యక్తి చూసుకుంటాడు. ఇలా చూడడానికి ఇదంతా పర్ఫెక్ట్ గా, కలలాగా అన్పిస్తుంది.

అయితే ఆలిస్ పొరుగున మార్గరెట్ అనే మహిళ ఉంటుంది. ఆమె ఒకరోజు తన కొడుకును ఎడారిలోకి తీసుకెళ్తుంది. ఆ టైమ్ లో ఏదో చూశానని, ఈ పట్టణంలో ఏదో తప్పు జరుగుతోందని పిచ్చిదానిలా మాట్లాడుతుంది. ఆ తర్వాత ఆమె అందరూ చూస్తుండగానే బిల్డింగ్ పైనుండి దూకి ప్రాణాలు తీసుకుంటుంది. కానీ అక్కడి యాజమాన్యం ఆ విషయాన్ని బయటకు రానివ్వదు. ఈ సంఘటనతో ఒక్కసారిగా ఆలిస్‌లో కొత్త అనుమానాలు పుట్టుకొస్తాయి. ఈ నేపథ్యంలోనే ఓరోజు ఆమె ఎడారిలో విమానం కూలిపోవడాన్ని చూస్తుంది. దానిని వెతుకుతూ వెళ్ళి ‘హెడ్‌క్వార్టర్స్’ ఉన్న వింతైన అద్దాల భవనాన్ని తాకుతుంది. ఆ క్షణం మొదలు.. ఆమెకు భయంకరమైన భ్రమలు, వింత కలలు రావడం షురూ అవుతుంది. దీంతో ఆలిస్ తన భర్తను నిలదీయడంతో అసలైన షాకింగ్ నిజం బయట పడుతుంది. ఆ షాకింగ్ నిజం ఏంటి? విషయం తెలిశాక ఆలీస్ ఏం చేసింది ? అనే ప్రశ్నలకు సమాధానం కావాలంటే ఈ సినిమాను వీక్షించండి.

Read Also : పోలీస్ స్టేషన్ లో లాకప్ డెత్… వైలెంట్ గా మారే సైలెంట్ కానిస్టేబుల్

Share

• 
• 
• 
• 
• 
•