Netflix Movies : అదిరిపోయే కంటెంట్ తో కొత్త కొత్త సినిమాలను అందించడంలో, నెట్ఫ్లిక్స్ ఒక అడుగు ముందే ఉంటుంది. వీకెండ్ లో సిరీస్లు, సినిమాలను చూడటానికి ప్రజలు ఈ ప్లాట్ఫామ్లో కంటెంట్ను ఎక్కువగా కోరుకుంటారు. ఇక సస్పెన్స్ జానర్ సినిమాలకి ఈ ఓటీటీ బాగా ప్రజాదరణ పొందింది. థ్రిల్లర్ సినిమాలను చూడటానికి ఆసక్తి ఉంటే మాత్రం, ఇప్పుడు చెప్పుకోబోయే సినిమాలను అస్సలు మిస్ కావద్దు. ఈ జాబితాలో ప్రముఖ బాలీవుడ్ తారలు నటించిన సినిమాలు ఉన్నాయి. ఇవి మళ్లీ మళ్లీ చూడాలనిపించే సినిమాలు. ఈ సినిమాలపై ఓ లుక్ వేద్దాం పదండి.
మీరు ఇంట్లోనే ఉండి ఒక ఉత్కంఠభరితమైన కథను నిజంగా ఆస్వాదించాలనుకుంటే, అలియా భట్ నటించిన ఈ సినిమాను చూడాల్సిందే. ఊరి శిక్ష పడ్డ తన తమ్ముడిని రక్షించుకునే క్రమంలో ఈ కథ ఉంటుంది. 2024 డిసెంబర్ 6 నుంచి ఈ సినిమాను నెట్ఫ్లిక్స్లో అందుబాటులో ఉంది.
ఈ సస్పెన్స్ థ్రిల్లర్లో కాజోల్, కృతి సనన్ నటించారు. ఉత్తరాఖండ్ నేపథ్యంలో సాగే ఈ కథ ఇద్దరు కవల సోదరీమణుల మధ్య తిరుగుతుంది. పోలీసు ఇన్వెస్టిగేషన్, ఊహించని ట్విస్ట్లు ఉంటాయి.
‘సికందర్ కా ముఖద్దర్’ సినిమా కథ కొంచెం భిన్నంగా ఉంటుంది. ఈ సినిమా చూస్తున్నప్పుడు మీకు బోర్ అనిపించదు. వారాంతంలో మీరు ఈ సస్పెన్స్ చిత్రాన్ని ఆస్వాదించవచ్చు. ఒక అన్సాల్వ్డ్ డైమండ్ హీస్ట్ తర్వాత, ఒక పోలీస్ అధికారి క్రిమినల్ ని ఎదుర్కొనే హై-టెన్షన్ హీస్ట్ థ్రిల్లర్ ఇది. 2024 నవంబర్ 29 నుంచి నెట్ఫ్లిక్స్లో అందుబాటులో ఉంది.
ఈ జాబితాలో ‘సెక్టార్ 36’ కూడా ఉంది. విక్రాంత్ మాస్సే నటించిన ఈ చిత్రానికి చాలా ప్రశంసలు లభించాయి. సెక్టార్ 36లో పలువురు పిల్లలు అదృశ్యమవ్వడం, సీరియల్ కిల్లర్ హస్తం ఉండటం, ఒక కరప్ట్ పోలీస్ అధికారి ఈ కేసును సాల్వ్ చేయడానికి ప్రయత్నించడం వంటివి చూపు తిప్పుకోకుండా చేస్తాయి. ఇది ఒక చిల్లింగ్ క్రైమ్ థ్రిల్లర్. ఇది 2024 సెప్టెంబర్ 13 నుంచి నెట్ఫ్లిక్స్లో అందుబాటులో ఉంది.
అజయ్ దేవగన్ హిట్ ఫ్రాంచైజ్ చిత్రం దృశ్యం కూడా భారీ విజయాన్ని సాధించింది. మీరు ఈ చిత్రాన్ని ప్రైమ్ వీడియోలో కూడా చూడవచ్చు. ఒక సాధారణ కుటుంబం క్రైమ్ లో ఇరుక్కోకుండా తమని కాపాడుకోవడానికి చేసే పోరాటమే ఈ కథ. పోలీస్ దర్యాప్తు మధ్య సాగే మాస్టర్ఫుల్ సస్పెన్స్ థ్రిల్లర్. ఇది ఇప్పటికీ టాప్ రేటెడ్ లో ఒకటి. ఈ సినిమాలన్నీ సస్పెన్స్, ట్విస్ట్స్, గొప్ప పెర్ఫార్మెన్స్లతో ఉన్నాయి. వీకెండ్ లో నెట్ఫ్లిక్స్ ఓపెన్ చేసి ఏదైనా ఒకటి సెలెక్ట్ చేసి ఎంజాయ్ చేయండి.
Read Also : చచ్చినా వదలని భర్త… ముసలావిడను చూసుకోవడానికి వెళ్తే మతిపోగొట్టే ట్విస్టులు
Share
Varasuralu Serial Cast : 'వారసురాలు' నటీనటులు.. ఎవరు ఏ పాత్రలో నటిస్తున్నారంటే..?
Virat Kohli: ఒరేయ్.. మీ దుంప తెగ, విరాట్ కోహ్లీని గుర్తుపట్టకుండా చేశారు కదరా
