Spy Action Thriller OTT : మలయాళ స్టార్ మోహన్లాల్ ప్రస్తుతం ‘దృశ్యం 3’ చిత్రంతో వార్తల్లో నిలుస్తున్న విషయం తెలిసిందే. మే 21న థియేటర్లలో విడుదలైన ఈ సినిమాకు ఆడియన్స్ నుంచి మంచి రెస్పాన్స్ దక్కుతోంది. ఈ నేపథ్యంలోనే ఆయన నటించిన మరో మూవీ ఓటీటీ ఎంట్రీకి సిద్ధం అవుతోంది. అయితే ఇందులో మలయాళం లెజెండరీ హీరోలు మోహన్లాల్, మమ్ముట్టి కలిసి నటించడం విశేషం. ‘పేట్రియాట్’ అనే టైటిల్ తో రూపొందిన ఈ సినిమా డిజిటల్ స్ట్రీమింగ్ గురించి నిర్మాతలే స్వయంగా ప్రకటించి, అభిమానులకు సర్ప్రైజ్ ఇచ్చారు.
తాజా అప్డేట్ ప్రకారం, ZEE5 ఓటీటీ ఈ సినిమా పోస్టర్ను ఇన్స్టాగ్రామ్లో పంచుకుంది. ఎంతో ఆసక్తిగా ఎదురుచూస్తున్న మలయాళ స్పై-పొలిటికల్ థ్రిల్లర్ ‘పేట్రియాట్’ ఓటీటీ రిలీజ్ డేట్ ను అందులో ప్రకటించారు. దక్షిణాది సినిమాకు చెందిన ఇద్దరు దిగ్గజ సూపర్స్టార్లు ఒక భీకర పోరాటంలో తలపడడం, అధికారం, రాజకీయాలు, ఇంకా అనేక పెద్ద సీక్రెట్స్ ఉన్న ‘పేట్రియాట్’ మూవీ జూన్ 5 నుండి ZEE5లో మలయాళంలో స్ట్రీమింగ్ కానుంది అనేది దాని సారాంశం. కేవలం మలయాళంలోనే కాదు ఈ చిత్రం హిందీ, తమిళం, తెలుగు, కన్నడ భాషలలో కూడా రిలీజ్ అవుతుంది.
ఆంటో జోసెఫ్ – కేజీ అనిల్ కుమార్ నిర్మించిన ఈ చిత్రంలో మోహన్లాల్, మమ్ముట్టిలతో పాటు ఫహద్ ఫాసిల్, నయనతార, రేవతి, దర్శన రాజేందర్, కుంచాకో బోబన్ వంటి స్టార్స్ నటించారు. మహేష్ నారాయణన్ దర్శకత్వం వహించిన ఈ చిత్రం మే 1న థియేటర్లలో విడుదలైంది. భారీ అంచనాలతో బిగ్ స్క్రీన్ మీదకు వచ్చిన ఈ మూవీకి మిక్స్డ్ రెస్పాన్స్ రావడంతో బాక్సాఫీస్ దగ్గర ఆశించిన స్థాయిలో రాణించలేకపోయింది. సమాచారం ప్రకారం, ఈ చిత్రం భారతదేశంలో 31.58 కోట్లు వసూలు చేసింది. విదేశాల్లో 43.25 కోట్లు కాగా, ప్రపంచవ్యాప్తంగా 79.89 కోట్లు రాబట్టింది.
Also Read : పోచమ్మ విగ్రహాన్ని పొరపాటున పారేసే క్రిష్టియన్… కట్ చేస్తే కాటేరమ్మ జాతర
ఈ సినిమా కథ సీక్రెట్ ఏజెంట్లు, ఓ నిఘా వ్యవస్థకు సంబంధించిన కుట్ర చుట్టూ నడుస్తుంది. కొంతమంది ఏజెంట్లు దేశానికి ముప్పుగా పరిణమించిన ఒక భారీ నిఘా నెట్వర్క్ను కనిపెడతారు. ఆ తర్వాత వాళ్ళు దానిని నాశనం చేయడానికి ఓ ప్లాన్ ప్రకారం ప్రయత్నిస్తారు. మరి అనుకున్నట్టే విలన్లను హీరోలు మట్టుబెట్టారా ? ఇందులో మోహన్ లాల్ – మమ్ముట్టి రోల్స్ ఏంటి ? అన్నది తెలియాలంటే ఈ సినిమా ఓటీటీలోకి వచ్చేదాకా వెయిట్ అండ్ సీ.
Share
రంగంలోకి దిగిన పవన్ కళ్యాణ్.. ‘పెద్ది’ రిలీజ్ ముందే బిగ్ ట్విస్ట్!
నెట్ ఫ్లిక్స్ టాప్ సినిమాలు... ట్రెండింగ్ లో దుమ్మురేపుతున్న 2 యానిమేటెడ్ మూవీస్
