Indonesian horror Movie : పెళ్లి అనేది ఇద్దరి జీవితాలను కలిపే బంధం. కొత్త కలలు, కొత్త ఆశలు, కొత్త జీవితం కానీ పెళ్లైన కొద్ది రోజులకే భర్త ప్రవర్తన విచిత్రంగా మారిపోతే? పగలంతా ఒకలా ఉండి, రాత్రి పడితే పూర్తిగా మరో మనిషిలా మారిపోతే? అంతకంటే భయంకరంగా, మీ పక్కన పడుకున్న వ్యక్తి నిజంగా మీ భర్తేనా అనే అనుమానం మొదలైతే? ఈ భయానకమైన ఆలోచన చుట్టూ తిరిగే మలేషియన్ సూపర్ నేచురల్ హారర్ చిత్రం పెంగాబ్డి సేతాన్ (Pengadi satan). 2017లో విడుదలైన ఈ సినిమా దక్షిణాసియా జానపద కథలు, దెయ్యాల పురాణాలు, కుటుంబ హారర్ అంశాలను కలిపి రూపొందించారు. ప్రస్తుతం నెట్ ఫ్లిక్స్ తో పాటు అమెజాన్ ప్రైమ్ వీడియోలో కూడా అందుబాటులో ఉంది.
కథలో ఒక యువతి పెళ్లి తర్వాత కొత్త జీవితాన్ని ప్రారంభిస్తుంది. మొదట్లో అన్నీ సవ్యంగానే సాగుతాయి. భర్త ప్రేమగా ఉంటాడు. కుటుంబం కూడా సంతోషంగా కనిపిస్తుంది. కానీ కొద్ది రోజుల తర్వాత ఆమె జీవితంలో వింత సంఘటనలు ప్రారంభమవుతాయి. ముఖ్యంగా అర్థరాత్రి తర్వాత జరిగే కొన్ని విషయాలు ఆమెను తీవ్రంగా కలవరపెడతాయి. భర్త ప్రవర్తనలో వచ్చే మార్పులు, ఇంట్లో వినిపించే విచిత్రమైన శబ్దాలు, కనిపించి మాయమయ్యే నీడలు ఆమెను భయపెట్టడం మొదలుపెడతాయి. తనకు కనిపిస్తున్నవి నిజమా లేక భ్రమలా అనే సందేహంలో పడిపోతుంది. కానీ ఒక్కో సంఘటన బయటపడుతున్న కొద్దీ ఆమె చుట్టూ ఉన్న ప్రపంచమే అబద్ధమై ఉండొచ్చని అర్థమవుతుంది.
సినిమా ముందుకు సాగే కొద్దీ ఇది కేవలం దెయ్యాల కథ కాదని తెలుస్తుంది. కోరికలు, మోహం, మోసం, చీకటి శక్తుల ప్రభావం వంటి అంశాలు కథలో కీలకంగా మారతాయి. ముఖ్యంగా ఒక ఆత్మ ఒక మహిళ జీవితంపై చూపే ప్రభావాన్ని దర్శకుడు భయానకంగా చూపించాడు. అయితే ఈ సినిమా గురించి ఎక్కువగా మాట్లాడుకునేది క్లైమాక్స్ గురించే. కథ మొత్తం ఒక దిశలో వెళ్తున్నట్టే అనిపించినా, చివరి మలుపు వచ్చేసరికి ప్రేక్షకుల అంచనాలు పూర్తిగా తలకిందులవుతాయి. అదే ఈ సినిమాను సాధారణ హారర్ చిత్రాల నుంచి ప్రత్యేకంగా నిలబెడుతుంది.
Read Also : అతను అడుగు పెడితే అనుమానాస్పద మరణాలు… వింటేజ్ వ్యాంపైర్ థ్రిల్లర్
Share
ఉగాండా కంటే దారుణంగా మారిన ఆస్ట్రేలియా, మొన్న పాక్, ఇప్పుడు బంగ్లా చేతిలో చిత్తు
ఊరినే వల్లకాడుగా మార్చే ఒకే ఒక్క పొరపాటు... సింగిల్ గా చూశారో ఫసక్
