Psychological horror thriller OTT : ఎన్ని సినిమాలు చూసినా, దయ్యాల సినిమాలు చూస్తే వచ్చే కిక్కే వేరు. ఇందులో ఆడియన్స్ ని భయపెట్టడానికి దర్శకులు రకరకాలుగా ప్రయత్నాలు చేస్తుంటారు. సౌండ్ ఎఫెక్ట్స్ తో ఒంట్లో వణుకు పుట్టిస్తుంటారు. ఇక ఈ నేపథ్యంలో ఎన్నో హారర్ సినిమాలో వచ్చాయి. కొన్ని భయంకరంగా ఉంటే మరి కొన్ని థ్రిల్లర్ మోడ్ లో ఉంటాయి. అయితే ఇప్పుడు చెప్పుకోబోయే హారర్ మూవీ కొంచెం డిఫరెంట్ గా ఉంటుంది. ఇక్కడ దయ్యం సంవత్సరాలుగా ఇద్దరు పిల్లలు వెంటపడుతూ ఉంటుంది. ఈ క్రమంలో వచ్చే హారర్ సీన్స్ టెన్షన్ పెడుతూ ఉంటాయి. ఇందులో రక్తపాతం కంటే ఎమోషన్స్ ఎక్కువగా ఉంటాయి. ఇది మామూలు దెయ్యం సినిమాల్లాగా కేవలం భయపెట్టడమే కాకుండా, మనుషుల ఎమోషన్స్ ఎలా పీడిస్తాయో కూడా చూపిస్తుంది. ఓ మంచి హారర్ సినిమా చూడాలి అనుకుంటే ఈ సినిమాను చూసేయొచ్చు.
2021లో వచ్చిన ఈ హారర్ సినిమా పేరు ‘వెన్ ఐ కన్స్యూమ్ యూ’ (When I Consume You) ఇది పెర్రీ బ్లాక్‌షియర్ దర్శకత్వం వహించిన ఒక సూపర్‌నేచురల్ హారర్ డ్రామా. ఈ చిత్రంలో లిబ్బీ ఈవింగ్ (డాఫ్నే), ఇవాన్ డుమౌచెల్ (విల్సన్ షా) అక్కాతమ్ముళ్లుగా ప్రధాన పాత్రల్లో నటించగా, మాక్లియోడ్ ఆండ్రూస్ కీలక పాత్ర పోషించారు. తక్కువ బడ్జెట్‌తో నిర్మించినప్పటికీ, గ్రిప్పింగ్ స్క్రీన్‌ప్లేతో ఈ సినిమా విమర్శకుల ప్రశంసలు పొందింది. ప్రస్తుతం ఈ సినిమా Apple tvలో అందుబాటులో ఉంది.
ఈ కథ డాఫ్నే, విల్సన్ అనే అక్కాతమ్ముళ్ల చుట్టూ తిరుగుతుంది. వీళ్ళు చిన్నప్పటి నుండి ఎన్నో కష్టాలను అనుభవిస్తూ పెరుగుతారు. డాఫ్నే తన తమ్ముడిని ప్రాణం కంటే ఎక్కువగా ప్రేమిస్తుంది. అతనికి ఏ చిన్న కష్టం వచ్చినా అండగా నిలబడుతుంది. అయితే ఒక వింతైన భయంకరమైన శక్తి, వాళ్ళను ఎప్పటి నుంచో వెంటాడుతూ ఉంటుంది. ఒకరోజు ఆ శక్తి దాడి చేయడంతో డాఫ్నే చనిపోతుంది. కానీ పోలీసులు అది డ్రగ్స్ వల్ల జరిగిన మరణం అని కొట్టిపారేస్తారు.
ఇక తన అక్కను కోల్పోయిన బాధలో ఉన్న విల్సన్‌కు, ఉన్నట్టుండి ఆమె ఆత్మ కనిపిస్తుంది. ఆ భయపెట్టే దుష్ట శక్తి మళ్ళీ వస్తుందని, ఈసారి పగ తీర్చుకోవడానికి తనే స్వయంగా రెఢీ గా ఉండాలని ఆమె అతనికి చెబుతుంది. విల్సన్ అప్పటి వరకు చాలా అమాయకుడిగా, భయస్తుడిగా ఉన్నప్పటికీ, తన అక్క కోసం మొండిగా మారతాడు. చివరకు ఆ భయంకరమైన శక్తిని విల్సన్ ఎలా ఎదుర్కొన్నాడు ? తన అక్కకు ఎలా న్యాయం చేశాడు ? అనేదే ఈ సినిమా ముగింపు.
Read Also : అమెజాన్ అడవుల్లో హడలెత్తించే అడ్వెంచర్… ప్రాణాలు అరచేతిలో… ఉత్కంఠ రేపే ప్రతీ సీన్
Share
Gundeninda GudiGantalu Today episode: రోహిణి పై బాలుకు అనుమానం.. అడ్డంగా దొరికిపోయిన మాణిక్యం.. రోహిణి బాగోతం బయటపడుతుందా..?
Gadwal District: గద్వాల జిల్లా తహసిల్దార్ కార్యాలయాల్లో రాజ్యమేలుతున్న అవినీతి..!
