ధురంధర్ 2 ఓటీటీ రిలీజ్ అప్డేట్…మరింత ఆలస్యంగా స్ట్రీమింగ్..ఎందుకంటే?

Dhurandhar 2 OTT: బాలీవుడ్ స్టార్ హీరో రణవీర్ సింగ్ ఇటీవల ధురంధర్ 2 (Dhurandhar 2 ) సినిమా ద్వారా ప్రేక్షకుల ముందుకు వచ్చిన సంగతి తెలిసిందే. ఈ సినిమా మార్చి 19వ తేదీ ప్రేక్షకుల ముందుకు వచ్చి వందల కోట్ల కలెక్షన్లను రాబడుతూ సంచలనాలను సృష్టిస్తుంది. ఆదిత్యధర్ డైరెక్షన్లో ఈ సినిమా రెండు భాగాలుగా విడుదలయి మంచి ఆదరణను సొంతం చేస్తుంది. ఇలా థియేటర్లో విడుదలైన నెల రోజులకే సినిమాలు తిరిగి డిజిటల్ మీడియాలో ప్రసారమవుతున్న సంగతి తెలిసిందే .ఈ నేపథ్యంలోనే ధురంధర్ 2 ఓటీటీ స్ట్రీమింగ్ కు సంబంధించి పలు వార్తలు సోషల్ మీడియాలో వైరల్ అవుతున్నాయి. ఈ సినిమా మార్చి 19న థియేటర్లలో విడుదల కాగా ఏప్రిల్ మూడో వారంలో ఈ సినిమా ఓటీటీలోకి వస్తుందని అందరూ భావించారు కానీ ఈ సినిమా మరింత ఆలస్యం అయ్యేలా ఉందని తెలుస్తుంది.

జూన్ నెలలో ధురంధర్ 2 స్ట్రీమింగ్..

ధురంధర్ సినిమా కూడా థియేటర్లలో ఎంతో మంచి ఆదరణ సొంతం చేసుకోవడమే కాకుండా ఈ సినిమా నెట్ ఫ్లెక్స్ లో ప్రసారమయ్యే అక్కడ కూడా అదే ఆదరణ సొంతం చేసుకుంది. అయితే ఈ సినిమాకు సీక్వెల్ గా వచ్చిన ధురంధర్ 2 మాత్రం నెట్ ఫ్లిక్స్ లో కాకుండా జియో హాట్ స్టార్(Jio Hot Star) లో ప్రసార కాబోతుంది. ఈ సినిమా డిజిటల్ హక్కులను జియో హాట్ స్టార్ భారీ ధరలకు కైవసం చేసుకున్నారు. ఈ నేపథ్యంలోనే ఈ సినిమా జియో హాట్ స్టార్ లో అనుకున్న విధంగా ఏప్రిల్ మూడో వారంలో కాకుండా జూన్ లేదా జూలై నెలలో ప్రేక్షకుల ముందుకు రావడానికి సిద్ధమవుతుందని తెలుస్తోంది.

ఐపీఎల్ దెబ్బకు వెనక్కి తగ్గిన ధురంధర్ 2 ..

ఇలా ఈ సినిమా ఆలస్యంగా ఓటీటీలో విడుదల కావడానికి కారణం లేకపోలేదు ప్రస్తుతం ఐపీఎల్ మ్యాచ్ నడుస్తున్న నేపథ్యంలో ఈ మ్యాచ్ కారణంగా ఈ సినిమాకు ఓటీటీలో పెద్దగా ఆదరణ రాకపోవచ్చని చిత్ర బృందం భావిస్తున్నారు. ఈ నేపథ్యంలోనే ఈ చిత్రాన్ని జూన్ లేదా జూలై నెలలో విడుదల చేయాలనే ఆలోచనలో ఉన్నట్టు సమాచారం. అందుతున్న సమాచారం ప్రకారం ఎక్కువగా ఈ సినిమా జూన్ రెండవ వారంలో విడుదల కాబోతోందని తెలుస్తోంది. మరి ఈ సినిమా ఓటిటి విడుదల పట్ల వస్తున్న వార్తలలో ఎంతవరకు నిజం ఉందనేది తెలియాలి అంటే చిత్ర బృందం నుంచి అధికారక ప్రకటన రావాల్సి ఉంది.

ధురంధర్ 2 కోసం ఎదురుచూపులు తప్పవా?

ఇలా ఈ సినిమా సోషల్ మీడియాలో వస్తున్న వార్తలకు అనుగుణంగానే జూన్ లేదా జూలై నెలలో విడుదల అయితే డిజిటల్ మీడియాలో ధురంధర్ 2 చూడాలనుకునే వారికి నిరాశ తప్పదనే చెప్పాలి. ఇక ఈ సినిమాకు ఆదిత్యధర్ దర్శకత్వం వహించగా, రణవీర్ సింగ్, సారా అర్జున్ హీరో హీరోయిన్లుగా నటించారు.అక్షయ్ ఖన్నా, అర్జున్ రామ్ పాల్, సంజయ్ దత్, ఆర్ మాధవన్ వంటి తదితరులు కీలకపాత్రలు పోషించారు.

Also Read: ఫాన్స్ కి గుడ్ న్యూస్..వారణాసి నుంచి మహేష్ రాముడి లుక్ ..ఆ స్పెషల్ డే రిలీజ్?

Join WhatsApp Channel

Share

• 
• 
• 
• 
• 
•