Republic Day 2026 Movie : మనసును మెలిపెట్టే లేటెస్ట్ బెస్ట్ వార్ డ్రామాలు… రక్తాన్ని మరిగించే రివేంజ్ కూడా

Republic Day 2026 Movie : థియేటర్లలో విడుదలైన ‘బోర్డర్ 2’ ఇప్పుడు పాజిటివ్ టాక్ తో దూసుకుపోతోంది. సన్నీ డియోల్ మరోసారి తనదైన యాక్షన్ మోడ్ ని చూపించాడు. సైనికులు చేసే ప్రాణ త్యాగాలతో ఈ సినిమా దేశభక్తిని చాటుతోంది. ఇక ఈ సినిమా ఓటీటీలో అడుగు పెట్టడానికి ఇంకాస్త సమయం పడుతుంది. అయితే అలాంటి దేశభక్తి సినిమాలను ఇప్పుడు ఓటీటీలో కూడా చూడచ్చు. రిపబ్లిక్ డే సందర్భంగా కొన్ని గొప్ప దేశభక్తి సినిమాలపై ఈ రోజు ఓ లుక్ వేద్దాం. మరి ఈ సినిమాలు ఏ ఓటీటీలో ఉన్నాయి ? వీటి పేర్లు ఏమిటి ? అనే వివరాల్లోకి వెళ్తే …

బోర్డర్

ఇప్పటికే థియేటర్లలో ఘన విజయం సాధించింది సన్నీ డియోల్ ‘బోర్డర్ 2’ మూవీ. 1971 ఇండియా-పాకిస్తాన్ యుద్ధంలో సైనికుల అసాధారణ ధైర్యం, త్యాగాలను ఈ సినిమా కళ్ళకు కట్టినట్లు చూపిస్తుంది. అయితే మూడు దశాబ్ధాల క్రితం వచ్చిన వార్ డ్రామా ‘బోర్డర్’ కి సీక్వెల్ ఈ సినిమా. బోర్డర్ 2 విడుదలకు ముందే, ఇది ట్రెండింగ్ జాబితాలోకి ప్రవేశించింది. ఈ చిత్రాన్ని ఓటీటీ ప్లాట్‌ఫామ్ అమెజాన్ ప్రైమ్‌లో చూడవచ్చు.

కేసరి

అక్షయ్ కుమార్ నటించిన ‘కేసరి’ సినిమా వార్ నేపథ్యంలో ఉంటుంది. 2019లో వచ్చిన ఈ సినిమా బాక్సాఫీస్ వద్ద బాగానే ఆడింది, అందుకే ప్రజలు ఇప్పటికీ ఓటీటీ ప్లాట్‌ఫామ్‌లలో ఈ సినిమాను చూసి ఆనందిస్తుంటారు. అమెజాన్ ప్రైమ్ వీడియోలో ఈ సినిమా అందుబాటులో ఉంది.

అమరన్

ఇండియన్ ఆర్మీ మేజర్ ముఖుంద్ వరదరాజన్ జీవితం ఆధారంగా, లవ్, ఫ్యామిలీ, దేశ రక్షణ మధ్య బ్యాలెన్స్ చూపిస్తూ తన ప్రాణాలను అర్పించిన ఒక ధైర్యవంతుడి హార్ట్ టచింగ్ బయోపిక్ ఇది. నెట్ ఫ్లిక్స్ లో ఈ సినిమా స్ట్రీమింగ్ అవుతోంది.

ధురంధర్

దేశ భద్రత కోసం ఇంటెలిజెన్స్ ఏజెన్సీలు, స్పైలు, రహస్య మిషన్ల మధ్య రన్వీర్ సింగ్ ఇంటెన్స్ పోరాటం చూపించే గ్రిట్టీ స్పై-థ్రిల్లర్.ఈ సినిమా జనవరి 30 నుంచి నెట్ ఫ్లిక్స్ ఓటీటీలో అడుగుపెట్టనుంది.

ఫైటర్

ఇండియన్ ఎయిర్ ఫోర్స్ పైలట్లు ఆకాశంలో దేశ రక్షణ కోసం చేసే అద్భుతమైన యాక్షన్ మూవీ ఇది. హృతిక్ రోషన్ లీడ్‌లో ఉత్కంఠగా సాగే ప్యాట్రియాటిక్ ఎయిర్‌ఫోర్స్ థ్రిల్లర్. ఈ సినిమాని నెట్ ఫ్లిక్స్ లో చూడవచ్చు.

120 బహదూర్

1962 ఇండియా-చైనా యుద్ధంలో రెజాంగ్ లా బ్యాటిల్‌లో 120 అహీర్ సైనికులు, మేజర్ శైతాన్ సింగ్ నాయకత్వంలో చూపిన అసాధారణ ధైర్యం, త్యాగాన్ని గౌరవిస్తూ ఫర్హాన్ అఖ్తర్ లీడ్‌లో వచ్చిన రియల్ హీరోల ట్రిబ్యూట్ వార్ ఫిల్మ్. ఈ చిత్రం 2026 జనవరి 16 నుంచి అమెజాన్ ప్రైమ్ వీడియోలో స్ట్రీమింగ్ లో ఉంది. ఈ సినిమాలన్నీ రిపబ్లిక్ డే సందర్భంగా దేశభక్తి రగిలేలా చేసే ఎమోషనల్ & ఇన్‌స్పైరింగ్ తో ఉంటాయి. ఫ్యామిలీతో కలిసి చూసి జై హింద్ అనాల్సిందే ఈ సినిమాలను చూసి.

Read Also : పోలీస్ స్టేషన్ లోనే మకాం పెట్టే సీరియల్ కిల్లర్… గ్రిప్పింగ్ కొరియన్ క్రైమ్ థ్రిల్లర్

Share

• 
• 
• 
• 
• 
•