Romantic Action Thriller : యాక్షన్, రొమాన్స్, హారర్ ఎలిమెంట్స్ తో వచ్చిన ఒక హాలీవుడ్ మూవీ ఓటీటీలో మంచి వ్యూస్ తో నడుస్తోంది. ఈ సినిమా క్లైమాక్స్ వరకు చూపు కూడా తిప్పుకోనివ్వదు. ఒక భయంకరమైన లోయను కాపలా కాసే జంట చుట్టూ కథ ఉంటుంది. ఆ లోయ లోపల నుండి మానవాళికి పెను ముప్పు ఉందని తెలిసినప్పుడు అసలు కథ ఉంటుంది. ఈ సీన్స్ కి ఒళ్లు జలదిరించడం పక్కా. అయితే కొంత రొమాంటిక్ సీన్స్ ఉపశమనం ఇస్తాయి ఆడియన్స్ కి. మరి ఈ సినిమా పేరు, ఎక్కడ చూడచ్చు ? అనే వివరాల్లోకి వెళ్తే…
‘ది గార్జ్’ (The Gorge) 2025లో విడుదలైన ఒక అమెరికన్ సైన్స్ ఫిక్షన్ రొమాంటిక్ యాక్షన్ థ్రిల్లర్ చిత్రం. దీనికి స్కాట్ డెరిక్సన్ దర్శకత్వం వహించగా, ఈ చిత్రంలో మైల్స్ టెల్లర్, అన్యా టేలర్-జాయ్, సిగౌర్నీ వీవర్ లీడ్ రోల్స్ లో నటించారు. ఈ చిత్రం 2025 ఫిబ్రవరి 14న వాలెంటైన్స్ డే సందర్భంగా నేరుగా Apple TV+ ఓటీటీ ప్లాట్ఫామ్లో విడుదలైంది. ఇది తెలుగుతో పాటు ఇతర భాషలలో కూడా అందుబాటులో ఉంది.
లెవీ (మైల్స్ టెల్లర్), డ్రాస్ (అన్యా టేలర్-జాయ్) అనే ఇద్దరు స్నిపర్లు ఒక భారీ లోయకు రెండు వైపులా ఉన్న టవర్లలో కాపలా ఉంటారు. ఆ లోయ మధ్యలో ఉన్న ఒక పెద్ద గోడను ఎవరూ దాటకుండా చూడటమే వాళ్ళ పని. వీళ్ళు ఒకరినొకరు చూసుకోలేకపోయినా, రేడియో ద్వారా మాట్లాడుకుంటూ ఒకరికొకరు ఇష్టపడతారు. అయితే అసలు ఆ లోయ లోపల ఏముంది? తాము దేని నుండి రక్షణ కల్పిస్తున్నాం? అనే నిజం తెలియకుండానే వాళ్ళు సంవత్సరాల తరబడి అక్కడ గడుపుతారు.
కానీ ఒక్కసారిగా ఆ లోయ లోపల ఉన్న ఒక రహస్యమైన రాక్షస శక్తి బయటకు రావడానికి ప్రయత్నిస్తుంది. అప్పుడు ఆ గోడ వెనుక ఉన్న భయంకరమైన నిజం వాళ్ళకి తెలుస్తుంది. తాము ప్రాణంగా ప్రేమించుకుంటున్న వ్యక్తిని కాపాడుకోవడమా ? ప్రపంచాన్ని రక్షించడమా అనే పరిస్థితిలో వాళ్ళు ఏం చేశారు? ఆ లోయ లోపల ఉన్న భయంకరమైన జీవులను వాళ్ళు ఎలా ఎదుర్కొన్నారు? అనేదే ఈ సైన్స్ ఫిక్షన్ సినిమా క్లైమాక్స్.
Read Also : మాఫియాను ముప్పతిప్పలు పెట్టే లాయర్… ఐయండిబిలో 8.4 రేటింగ్…వ్యూస్ లో కూడా టాప్
Share
Electric Air Taxi In India: ఎలక్ట్రిక్ ఎయిర్ టాక్సీ వచ్చేస్తోంది, హ్యాపీగా గాల్లో ఎగిరిపోవచ్చు!
Free Bus: టెన్త్, ఇంటర్ విద్యార్థులకు.. సర్కార్ గుడ్ న్యూస్.. ఉచితంగా బస్సు ప్రయాణం
