Romantic Comedy Drama : 30 సంవత్సరాల తరువాత ఓటీటీలోకి హాలీవుడ్ హిట్ మూవీ సీక్వెల్‌… ఫ్యామిలీ ఎమోషన్స్ తో

Romantic Comedy Drama OTT : ఓటీటీలోకి 30 సంవత్సరాల తరువాత ఒక ఫ్యామిలీ మూవీకి సీక్వెల్‌ వచ్చింది. 1 గంట 52 నిమిషాల నిడివితో ఈ సినిమా చూపుతిప్పుకోనివ్వదు. ఎడ్వర్డ్ బర్న్స్ ప్రధాన పాత్రలో నటించిన ఈ సినిమా, మూడు దశాబ్దాల తర్వాత 50 ఏళ్ల వయసులో ఉన్నప్పుడు జరుగుతుంది. ఫ్యామిలీ ఎమోషన్స్ పుష్కలంగా ఉన్న ఈ సినిమా, ఓటీటీలో అన్నిరకాల ఆడియన్స్ ను ఆకట్టుకుంటోంది.

ఏ ఓటీటీలో స్ట్రీమింగ్ అంటే

ఈ అమెరికన్ కామెడీ ఫ్యామిలీ డ్రామా మూవీ పేరు ‘ది ఫ్యామిలీ మెక్‌ములెన్’ (The Family McMullen). 2025లో విడుదలైన ఈ సినిమా ఎడ్వర్డ్ బర్న్స్ దర్శకత్వంలో తెరకెక్కింది. ఇది 1995లో వచ్చిన సూపర్ హిట్ చిత్రం ‘ది బ్రదర్స్ మెక్‌ములెన్’ (The Brothers McMullen) కు సీక్వెల్. మొదటి భాగంలో యువకులుగా ఉన్న అన్నదమ్ములు, 30 ఏళ్ల తర్వాత ఇప్పుడు 50 ఏళ్ల వయసులో తమ పిల్లలతో కలిసి ఎదుర్కొంటున్న కుటుంబ సమస్యలు, ప్రేమలు, బంధాల చుట్టూ ఈ కథ తిరుగుతుంది. ఇందులో ఎడ్వర్డ్ బర్న్స్ (బారీ), మైఖేల్ మెక్‌గ్లోన్ (పాట్రిక్), కొన్నీ బ్రిట్టన్ (మోలీ) వంటి అప్పటి అసలు నటులు ఈ సినిమాలో నటించారు. ఈ సినిమా ప్రస్తుతం JioHotstarలో 2026 మార్చి 15 నుంచి స్ట్రీమింగ్ అవుతోంది.

స్టోరీ ఏమిటంటే

ముప్పై ఏళ్ల క్రితం ‘ది బ్రదర్స్ మెక్‌ములెన్’ సినిమాలో కుర్రాళ్లుగా సందడి చేసిన ఆ అన్నదమ్ములు, ఇప్పుడు 50 ఏళ్ల వయసులో తమ పిల్లలతో కలిసి పడుతున్న ఇబ్బందులే ఈ సినిమా కథ. ఇప్పుడు ప్రధాన పాత్ర అయిన బారీ మెక్‌ములెన్ భార్యతో విడిపోయి, తన ఇద్దరు పిల్లలతో కలిసి జీవిస్తుంటాడు. అంతా బాగానే ఉందనుకున్న సమయంలో, అతని కూతురు ప్యాటీ తన నిశ్చితార్థాన్ని రద్దు చేసుకుని, పెళ్లి వద్దంటూ తండ్రి ఇంటికి తిరిగి వస్తుంది. అదే సమయంలో బారీ కొడుకు కూడా ఒక ఆమ్మాయి ప్రేమలో పడి కొత్త సమస్యలు తెచ్చుకుంటాడు.

ఇక బారీ తమ్ముడు పాట్రిక్ పరిస్థితి మరోలా ఉంటుంది. పిల్లలందరూ పెరిగి పెద్దయి ఇళ్లు వదిలి వెళ్లిపోయాక, అతని భార్య అతనికి విడాకులు ఇచ్చేస్తుంది. దాంతో ఒంటరివాడైన పాట్రిక్ కూడా వచ్చి అన్న ఇంట్లోనే చేరతాడు. వీరికి తోడుగా మోలీ అనే మహిళ కూడా వచ్చి చేరడంతో, ఒకే ఇంట్లో రెండు తరాల వాళ్ళు కలిసి ఉండాల్సిన పరిస్థితి ఏర్పడుతుంది. ఇక స్టోరీ పాత తరం మనుషులు, కొత్త తరం పిల్లల ప్రేమల మధ్యలో వచ్చే మనస్పర్థలతో కథ సరదాగా సాగుతుంది. ఎన్ని గొడవలు ఉన్నా, కష్టకాలంలో కుటుంబమే అండగా నిలుస్తుందనే ఎమోషన్ తో ఈ సినిమా ముగుస్తుంది.