Romantic comedy OTT : కంటెంట్ ఉండాలి కానీ భాషతో సంబంధం లేకుండా రెస్పాన్స్ ఇస్తూంటారు ప్రేక్షకులు. కొన్ని సినిమాలు వందల కోట్లు పెట్టినా రెస్పాన్స్ రాలేక నష్టాలతో కోలుకోలేకపోతుంటారు నిర్మాతలు. అయితే మరికొన్ని సినిమాలు, చాలా తక్కువ బడ్జెట్ తోనే కోట్లు కొల్లగొడుతుంటాయి. ఈ నేపథ్యంలో మనం ఒక గుజరాతి మూవీ గురించి చెప్పుకోవాల్సిందే. ఈ సినిమా తక్కువ బడ్జెట్ తో అక్కడ సూపర్ హిట్ అయింది. పబ్లిక్ టాయిలెట్ను నడిపే ఒక యువకుడు, తాను ప్రేమించిన అమ్మాయిని ఎలా గెలుచుకుంటాడనేదే ఈ కథ. ఈ స్టోరీ సరదాగా సాగిపోతూ, కడుపుబ్బ నవ్విస్తుంది కూడా.
ఈ గుజరాతీ సూపర్ హిట్ రొమాంటిక్ కామెడీ మూవీ పేరు ‘కర్సందాస్ పే & యూజ్’ (Karsandas Pay & Use). దీనికి కృష్ణదేవ్ యాగ్నిక్ దర్శకత్వం వహించగా, నిలయ్ చోటాయ్, వైశాల్ షా నిర్మించారు. ఈ చిత్రంలో మయూర్ చౌహాన్, దీక్షా జోషి, హేమాంగ్ షా ప్రధాన పాత్రలు పోషించారు. ఇది 2017 మే 19న థియేటర్లలో విడుదలైంది. సుమారు ₹1 కోటి బడ్జెట్తో రూపొందిన ఈ చిత్రం, బాక్సాఫీస్ వద్ద ₹8 కోట్లకు పైగా వసూళ్లు సాధించి పెద్ద విజయాన్ని అందుకుంది. ప్రస్తుతం ఈ సినిమా ZEE5 ఓటీటీ ప్లాట్ఫామ్లో అందుబాటులో ఉంది
తిలోక్ అనే కుర్రాడు తన తమ్ముడితో కలిసి ఒక పబ్లిక్ టాయిలెట్ దగ్గర టిక్కెట్లు ఇస్తూ జీవనం గడుపుతుంటాడు. పొద్దున్నే లేస్తే ఆ కంపులో, ఆ చుట్టుపక్కలే వాళ్ల లోకం. ఊర్లో వాళ్లంతా వీళ్ళని కాస్త తక్కువగా చూసినా, తిలోక్ మాత్రం తన పనేదో తాను చేసుకుంటూ హుందాగా బతుకుతుంటాడు. ఇలాంటి టైంలోనే ఆ ఏరియాలోకి వచ్చిన జయ అనే పిల్లను చూసి మనోడు ఫ్లాట్ అయిపోతాడు. మెల్లగా ఆ పిల్ల కూడా తిలోక్ మంచితనం చూసి ఇష్టపడుతుంది.
కానీ సీన్లోకి జయ తండ్రి ఎంటర్ అవుతాడు. ఆయన ఒక ఆటో రిక్షా డ్రైవర్. మేమే కింది స్థాయిలో ఉన్నాం.. ఇప్పుడు నా కూతుర్ని ఈ పాకీ పని చేసే వాడికి ఇస్తానా అని గొడవ మొదలుపెడతాడు. నీ దగ్గర ఏముందని నా పిల్లని ఇయ్యాలి అని తిలోక్ను అందరి ముందు అవమానిస్తాడు కూడా. ఆ మాటలతో తిలోక్ పంతానికి వెళ్తాడు. తన పనిని ఎవరైతే ఛీత్కరించుకున్నారో, అదే పనితో తన గొప్పతనం ఏంటో నిరూపిస్తానని జయ తండ్రికి సవాలు విసురుతాడు. తిలోక్ ఆ తరువాత ఏం చేశాడు ? జయ తండ్రిని ఎలా ఒప్పించాడు ? అనే విషయాలను, ఈ సినిమాను చూసి తెలుసుకోండి.
Read Also : జంటను వెంటాడే పుస్తకం… నెంబర్ గేమ్ తో మలుపులు… ఇంటెన్స్ గా సాగే స్టోరీ
Share
Hyderabad: లిక్కర్ షాక్.. మూత తీయగానే బీర్ బాటిల్లో కదులుతున్న చేపపిల్ల.. వీడియో వైరల్
Telangana Electricity: రాష్ట్రంలో విద్యుత్ చార్జీల పెంపు.. క్లారీటీ ఇచ్చిన ప్రభుత్వం
