Romantic Drama OTT : ఈ ఏడాది వాలెంటైన్స్ డే సందర్భంగా థియేటర్లలోకి అడుగుపెట్టింది ఒక రొమాంటిక్ మూవీ. ఈ సినిమా సూపర్ హిట్ కూడా అయింది. పాత కథే అయినా కొత్తగా చూపించడంతో ఈ సినిమా విజయాన్ని అందుకుంది. విజువల్స్, నటనకు మంచి మార్కులే పడ్డాయి. ఈ సినిమా ఇప్పుడు ఓటీటీలోకి కూడా అడుగుపెట్టబోతోంది. రొమాంటిక్ లవర్స్ మిస్ కాకుండా చూడాల్సిన సినిమా ఇది ? దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే…
ఎమరాల్డ్ ఫెన్నెల్ దర్శకత్వంలో వచ్చిన ఈ సినిమా పేరు ‘వూదరింగ్ హైట్స్’ (Wuthering Heights). ఇందులో మార్గోట్ రాబీ (కేథరీన్ ఎర్న్షా), జాకబ్ ఎలోర్డి (హీత్క్లిఫ్) లీడ్ రోల్స్ లో నటించారు. 2026 ఫిబ్రవరి 13న ఈ సినిమా థియేటర్లలోకి వచ్చి సూపర్ హిట్ అయింది. దాదాపు $80 మిలియన్ల బడ్జెట్తో తెరకెక్కిన ఈ చిత్రం, ఇప్పటివరకు ప్రపంచవ్యాప్తంగా సుమారు $235 మిలియన్లు వసూలు చేసి బాక్సాఫీస్ వద్ద విజయం సాధించింది. లక్కీచాప్ ఎంటర్టైన్మెంట్, వార్నర్ బ్రదర్స్ నిర్మించిన ఈ సినిమా,ఎమిలీ బ్రోంటే రాసిన క్లాసిక్ నవల ఆధారంగా రూపొందింది. ఇది 2026 మార్చి 30 నుండి Amazon Prime Video ప్లాట్ఫామ్లో అందుబాటులోకి రానుంది.
కథ మొదట్లో ఒక ఒక ముసలాయనకకు, రోడ్డు మీద అనాథగా తిరుగుతున్న ఒక పిల్లాడు కనిపిస్తాడు. జాలిపడి అతన్ని ఇంటికి తీసుకొస్తాడు ఆ వ్యక్తి. ఇక ఆ ఇంట్లో ఉన్న కూతురు కేథరీన్ కి, ఈ కొత్త కుర్రాడికి మధ్య ఒక రేంజ్ లో సాన్నిహిత్యం పెరుగుతుంది. చిన్నప్పటి నుంచే వీళ్లిద్దరూ కొండలు, కోనలు తిరుగుతూ ఒకరిని విడిచి ఒకరు ఉండలేనంత పిచ్చి ప్రేమలో పడిపోతారు. కానీ ఆ ఇంట్లోనే ఉన్న కేథరీన్ అన్న హిండ్లీకి మాత్రం హీత్క్లిఫ్ అంటే అస్సలు పడదు, వాణ్ణి ఒక పనివాడిలా చూస్తూ నానా హింసలు పెడతాడు.
కేథరీన్ కి హీత్క్లిఫ్ అంటే ప్రాణం ఉన్నా, సమాజంలో పరువు కోసం, ఆస్తి కోసం ధనవంతుడు అయిన ఎడ్గార్ లింటన్ ని పెళ్లి చేసుకోవాలని ఫిక్స్ అవుతుంది. దీంతో హీత్క్లిఫ్ మనసు ముక్కలైపోయి, ఊరు వదిలి వెళ్ళిపోతాడు. కొన్ని ఏళ్ల తర్వాత సడన్గా ఫుల్ డబ్బుతో, ఒక రేంజ్ గెటప్తో తిరిగి వస్తాడు. తనను చిన్నచూపు చూసిన వాళ్లందరినీ నాశనం చేయడమే లక్ష్యంగా పెట్టుకుని, పగతో రగిలిపోతూ అందరి జీవితాలతో ఆడుకుంటాడు. మరి ఇతని రివేంజ్ ఎలా సాగింది ? ఈ క్లైమాక్స్ ఏమిటి ? అనే విషయాలను ఈ సినిమాను చూసి తెలుసుకోవాల్సిందే.
Read Also : మసాజ్ చేస్తూ మర్డర్లు చేసే సైకో కిల్లర్… ఉత్కంఠ రేపుతున్న పాకిస్తానీ మూవీ… ఐయండిబిలో 9.4 రేటింగ్
Share
Markapuram Accident Compensation: మార్కాపురం బస్సు ప్రమాద మృతులకు రూ. 5 లక్షల పరిహారం ప్రకటించిన ఏపీ ప్రభుత్వం..
Markapuram Bus Accident: మార్కాపురం బస్సు ప్రమాదం.. ఏఐ వీడియో
