Romantic fantasy Drama : ఎన్నో రకాల ప్రేమ కథలు ఓటీటీలో స్ట్రీమింగ్ లో ఉన్నాయి. అయితే కొన్ని ప్రేమకథలు మర్చిపోవడం అంత సులభం కాదు. కంటెంట్ వల్ల అయినా కావచ్చు, నటీనటుల వల్ల కూడా కావచ్చు, దర్శకుడు ప్రతిభ కూడా ఉండొచ్చు. ఈ సినిమాలు, మళ్లీ మళ్లీ చూడాలనిపించే విధంగా ఉంటాయి. ఈ నేపథ్యంలో వచ్చి న ఒక హాలీవుడ్ ప్రేమ కథ గురించి చెప్పుకోవాల్సిందే. మూడు ఆస్కార్లు కూడా ఈ సినిమా గెలిచింది. ఈ సినిమాలో అంతగా ఏముంది ? దీని పేరు ఏమిటి? అనే వివరాల్లోకి వెళ్తే…
ఈ రొమాంటిక్ ఫాంటసీ మూవీ పేరు ‘ది క్యూరియస్ కేస్ ఆఫ్ బెంజమిన్ బటన్’ (The Curious Case of Benjamin Button). ఇది 1922లో ఎఫ్. స్కాట్ ఫిట్జ్గెరాల్డ్ రాసిన చిన్న కథ ఆధారంగా రూపొందింది. డేవిడ్ ఫించర్ దర్శకత్వంలో బ్రాడ్ పిట్, కేట్ బ్లాంచెట్ ప్రధాన పాత్రల్లో నటించారు. ఈ సినిమా 2008లో 13 ఆస్కార్ నామినేషన్లను పొంది, మూడు అవార్డులను (బెస్ట్ మేకప్, విజువల్ ఎఫెక్ట్స్, ఆర్ట్ డైరెక్షన్) గెలుచుకుంది. ఇది ప్రస్తుతం 7.8 ఐయండిబి రేటింగ్ తో Amazon Prime Video ప్లాట్ ఫామ్లో అందుబాటులో ఉంది.
పుట్టడమే ఒక వింతగా పుడతాడు బెంజమిన్ అనే పిల్లాడు. సాధారణంగా ఎవరైనా చిన్న పిల్లల్లా పుట్టి ముసలివారు అవుతారు. కానీ వీడు మాత్రం 80 ఏళ్ల ముసలి ప్రాణంలా, ముడతలు పడిన శరీరంతో పుడతాడు. ఆ రూపాన్ని చూసి తండ్రి భయపడి ఒక వృద్ధాశ్రమం దగ్గర వదిలేస్తే, అక్కడ ఉండే ఒక నన్ అతన్ని తన బిడ్డలా పెంచుతుంది. కాలం గడిచేకొద్దీ బెంజమిన్ వయసు వెనక్కి వెళ్తుంటుంది. అంటే రోజురోజుకూ అతను యవ్వనంగా మారుతుంటాడు.
ఆ క్రమంలోనే డైసీ అనే అమ్మాయితో ప్రేమలో పడతాడు బెంజమిన్. వాళ్ళిద్దరి వయసు ఒకేలా ఉన్నప్పుడు కొంతకాలం చాలా సంతోషంగా కూడా గడుపుతారు. కానీ రోజులు గడిచే కొద్దీ డైసీ ముసలిది అవుతుంటే, బెంజమిన్ మాత్రం చిన్న పిల్లాడిగా మారిపోతుంటాడు. తన వల్ల డైసీకి ఇబ్బంది కలగకూడదని అతను ఆమెకు దూరంగా వెళ్లిపోతాడు. చివరికి డైసీ వీళ్ళ ప్రేమ ఏమవుతుంది ? ఈ కథకు ముగింపు ఎలా ఉంటుంది ? అనే విషయాలను మాత్రం ఈ సినిమాను చూసి తెలుసుకొనాల్సిందే.
Read Also : పొదుపు పేరుతో పాడు పని… మొగుళ్ళను కాదని మరొకరితో… ఈ సినిమా పెద్దలకు మాత్రమే
Share
Ishan Kishan Sister: టీమిండియాలో మరో విషాదం...ఫైనల్ కంటే ముందే కారు ప్రమాదం
Women Safety: మీ మౌనమే మీకు చాలా ప్రమాదకరం.. ధైర్యంగా ముందుకు రండి..?
