Romantic Movie OTT : ప్రేమ ఎవరిమీద ఎప్పుడు ఎలా పుడుతుందో అస్సలు చెప్పలేం. ఏ వయసులో అయినా ఎప్పుడైనా పుడుతుంది. అయితే ఇప్పుడు చెప్పుకోబోయే సినిమాలో ప్రేమ పెళ్లి రోజే వేరొకరితో పుడుతుంది. ఒక పక్క పెళ్లి జరుగుతుంటే, మరో పక్క పెళ్లి కూతురు ఒక పూల డెకరేషన్ అమ్మాయితో ప్రేమలో పడుతుంది. ఒక అమ్మాయి, మరొక అమ్మాయిని ప్రేమించడం ఏమిటనుకుంటున్నారా ? అయితే మరిన్ని విషయాల కోసం కథలోకి వెళ్దాం పదండి.
2005లో వచ్చిన ఈ బ్రిటిష్ రొమాంటిక్ కామెడీ మూవీ పేరు ‘ఇమాజిన్ మీ & యు’ (Imagine Me & You). ఓల్ పార్కర్ దర్శకత్వం వహించిన ఈ సినిమా అత్యంత ప్రజాదరణ పొందిన సినిమాల్లో ఒకటిగా నిలిచింది. ఈ సినిమాలో రాచెల్ పాత్రలో నటించిన పైపర్ పెరాబో అమెరికన్ నటి కాగా, మిగిలిన ప్రధాన తారాగణం అంతా బ్రిటీష్ వాళ్ళే కావడం విశేషం. ఈ సినిమా నిడివి దాదాపు 94 నిమిషాలు ఉంటుంది. దీనికి అలెక్స్ హెఫ్స్ సంగీతం అందించగా, బెన్ డేవిస్ ఛాయాగ్రహణం నిర్వహించారు. 2007లో GLAAD మీడియా అవార్డ్స్లో ఈ సినిమా ‘ఉత్తమ చిత్రం’ కేటగిరీలో నామినేషన్ పొందింది. ఈ సినిమా ప్రస్తుతం Amazon Prime Video లో అందుబాటులో ఉంది.
రాచెల్ అనే అమ్మాయికి తన చిన్ననాటి ఫ్రెండ్ హెక్టర్తో పెళ్లి జరుగుతుంటుంది. అందరూ హ్యాపీగా ఉన్న టైమ్లో, పెళ్లి పీటల మీద ఉన్న రాచెల్ కళ్లు అనుకోకుండా అక్కడ పూల డెకరేషన్ చేస్తున్న లూస్ అనే అమ్మాయి మీద పడతాయి. ఆ ఒక్క చూపుతోనే రాచెల్ మైండ్ బ్లాక్ అయిపోతుంది. పెళ్లయ్యాక కూడా ఆ లూస్ ధ్యాస రాచెల్ను అస్సలు వదలదు. అప్పటిదాకా తన మొగుడిని ప్రేమిస్తున్నాననుకున్న రాచెల్కు, అసలైన లవ్ ఎట్ ఫస్ట్ సైట్ అంటే ఏంటో ఆ అమ్మాయిని చూశాకే అర్థమవుతుంది. ఇక రాచెల్ ఆ లూస్తో మెల్లగా తిరగడం మొదలుపెడుతుంది. ఈ క్రమంలో లూస్ ఒక లెస్బియన్ అని రాచెల్కు తెలుస్తుంది.
అయితే రాచెల్ భర్త హెక్టర్ చాలా మంచోడు, కానీ లోపల మాత్రం లూస్ మీద పిచ్చి ప్రేమ పుడుతుంటుంది. అటు మొగుడిని మోసం చేయలేక, ఇటు తన మనసులో ఉన్న కొత్త ఫీలింగ్ని ఆపుకోలేక రాచెల్ కి పిచ్చెక్కిపోతుంది. తను మగవాళ్లని ఇష్టపడుతుందా లేక ఆడవాళ్లనా అనే కన్ఫ్యూజన్లో పడిపోయి సతమతమవుతుంది. చివరికి రాచెల్ తన మనసు మాట వినడమే కరెక్ట్ అని డిసైడ్ అవుతుంది. హెక్టర్ కూడా రాచెల్ బాధను అర్థం చేసుకుని, ఆమె సంతోషం కోసం తనే తప్పుకుంటాడు. ఇక రాచెల్ తన పాత జీవితాన్ని వదిలేసి, వర్షంలో పరిగెత్తుకుంటూ వెళ్లి ట్రాఫిక్ జామ్లో ఉన్న లూస్ని కలుస్తుంది. ఇద్దరూ ఒకరినొకరు హగ్ చేసుకుని తమ ప్రేమను గెలిపించుకోవడంతో ఈ కథకు శుభం కార్డ్ పడుతుంది.
Read Also : మాఫియా డాన్ల మధ్య మొదలయ్యే వేట… ఆఖరి నిమిషం వరకు ఊపిరి బిగబట్టించేలా చేసే సినిమా
Share
ఆంటీ మనసు దోచిన కుర్రాడు... ఓ సారి చూడాల్సిన చూడచక్కని కథ
Today Horoscope in Telugu: రాశి ఫలితాలు ఏఫ్రిల్ 7: ఆ రాశి వారికి వృథా ఖర్చులు - ఉద్యోగులకు శుభ దినం
