Romantic movie OTT : కమర్షియల్ హంగులతో సోషల్ మెసేజ్ ఇచ్చే ప్రయత్నం చేశారు గత ఏడాది వచ్చిన ఒక సినిమాలో. ఈ బాలీవుడ్ సినిమా వేరు మతాలకు చెందిన ప్రేమ కథతో మొదలవుతుంది. మొదట సరదాగా వెళ్ళే ఈ కథ, రాను రాను క్రైమ్ ఎలిమెంట్స్ తో ఉత్కంఠ పెంచుతుంది. ఈ సినిమాకి ఐయండిబిలో 8.7 రేటింగ్ కూడా ఉంది. ఈ సినిమా పేరు ఏమిటి ? ఎక్కడ చూడచ్చు అనే వివరాల్లోకి వెళ్తే ..
2025లో హోలీ పండుగకు వచ్చిన ఈ సినిమా పేరు ‘ఇన్ గలియోన్ మే’ (Inn Galiyon Mein). ఈ సినిమాకు అవినాష్ దాస్ దర్శకత్వం వహించారు. పునర్వసు ఈ సినిమాకు కథను అందించారు. ‘యదునాథ్ ఫిల్మ్స్’ బ్యానర్పై వినోద్, నీరు ఈ సినిమాను నిర్మించారు. ఈ సినిమాలో సీనియర్ నటుడు జావేద్ జాఫ్రీ ఒక కీలక పాత్రలో నటించారు. ఆయనతో పాటు వివాన్ షా (నసీరుద్దీన్ షా కుమారుడు), అవంతిక దస్సాని (నటి భాగ్యశ్రీ కుమార్తె) హీరో హీరోయిన్లుగా నటించారు. అలాగే సుశాంత్ సింగ్, ఇష్తియాక్ ఖాన్ వంటి పవర్ఫుల్ నటులు కూడా ఉన్నారు. ఇక బాలీవుడ్ ప్రముఖ సంగీత దర్శకుడు అమ్మాళ్ మాలిక్తో పాటు సౌరభ్ ఖాల్సి, అరవింద్ సగోలే ఈ సినిమాకు పాటలు అందించారు. ఈ సినిమా ఇంకా డిజిటల్ స్ట్రీమింగ్ లోకి రాలేదు. అయితే తొందర్లోనే ఈ సినిమా Zee5, Jio hotstar వంటి ప్లాట్ ఫామ్ లోకి వచ్చే అవకాశం ఉంది.
లక్నోలోని పాతబస్తీలో ఉండే రెండు వీధుల కథ ఇది. ఒక వీధిలో హిందువులు, మరో వీధిలో ముస్లింలు ఎంతో కాలంగా కలిసిమెలిసి ఉంటారు. అక్కడ కూరగాయలు అమ్ముకునే హరియా (వివాన్ షా), పక్కింటి షబ్బో (అవంతిక దాసాని) ఒకరినొకరు ఇష్టపడతారు. ఆ ఊర్లో టీ కొట్టు నడిపే మీర్జా చాచా (జావేద్ జాఫేరి) అందరినీ కలిపి ఉంచుతూ, ఆ రెండు వీధుల మధ్య ఒక వారధిలా ఉంటాడు. ఈ గల్లీల్లో ఉండే మనుషుల మధ్య ప్రేమ, స్నేహం చుట్టూ కథ చాలా సరదాగా సాగిపోతుంటుంది. కానీ ఒక రాజకీయ నాయకుడు తన స్వార్థం కోసం ఈ రెండు వర్గాల మధ్య గొడవలు పెట్టాలని చూస్తాడు. అందుకు హరియా, షబ్బోల ప్రేమను పావుగా వాడుకుంటాడు. ఇక సోషల్ మీడియా వేదికగా తప్పుడు వార్తలు వ్యాప్తి చేస్తూ, ఎంతో కాలంగా ఉన్న నమ్మకాన్ని దెబ్బతీసే ప్రయత్నం చేస్తాడు. ఈ కుట్రల వల్ల హరియా, షబ్బోల ప్రేమకు ఎలాంటి కష్టాలు ఎదురయ్యాయి? సోషల్ మీడియా మాయలో నుంచి ఆ ఊరి జనం బయటపడ్డారా ? అనేదే మిగతా కథ.
Read Also : ఫార్మా కంపెనీల మాయ… లెక్కే లేని పేదోడి ప్రాణం… దిమ్మ తిరిగే దారుణాలు
Share
Younis Khan: నసీమ్ షాను నిలువున కోసినా రూపాయి రాదు..ముందు నఖ్వీ గాడినే ఉరితీయండి
గుండెల్ని పిండేసే ఎమోషన్... నాన్న ప్రేమ కోసం పిల్లల ఆరాటం... ఫ్యామిలీతో చూడాల్సిన మూవీ
