Single Salma OTT : రీసెంట్ గా థియేటర్లలో సందడి చేసిన ఓ రొమాంటిక్ కామెడీ మూవీ ఇప్పుడు ఓటీటీలోకి అడుగు పెట్టింది. ఆ మూవీ పేరేంటి? ఏ ఓటీటీలో అందుబాటులో ఉందో తెలుసుకుందాం పదండి.
హ్యూమా కురేషీ హీరోయిన్గా నటించిన రొమాంటిక్ కామెడీ ‘సింగిల్ సల్మా’ సైలెంట్ గా నెట్ఫ్లిక్స్లో స్ట్రీమింగ్ అవుతోంది. ఈ సినిమా థియేటర్స్లో అక్టోబర్ 31న రిలీజ్ అయింది. స్ట్రేంజర్ థింగ్స్ సీజన్ 5 వాల్యూమ్ 2 లాంటి భారీ అంచనాలు ఉన్న రిలీజ్లతో పాటు నెట్ఫ్లిక్స్ హాలిడే కంటెంట్ ప్యాకేజ్లో భాగంగా తాజాగా డిసెంబర్ 26 నుంచి ఓటీటీలోకి అడుగు పెట్టింది. నచికేత్ సమంత్ డైరెక్ట్ చేసిన ఈ మూవీ మహిళల స్వాతంత్ర్యం, ట్రెడిషన్ vs ఇండిపెండెన్స్ అనే థీమ్స్ చుట్టూ సాగుతుంది. సల్మా ఫాదర్ నవాబ్ సాబ్గా కన్వల్జిత్ సింగ్, సీనియర్ కో-వర్కర్ మిసెస్ శ్రీవాస్తవ్గా నవ్ని పరిహార్, రత్నాగా నిధి సింగ్ నటించారు. లారెన్ గాట్లీబ్, ఆసిఫ్ ఖాన్ కీ రోల్స్ పోషించారు. సినిమా థియేటర్స్లో మిక్స్డ్ రివ్యూస్ అందుకుంది. 139 రన్ టైమ్ తో ఉన్న ఈ మూవీని ఇప్పుడు ఎంచక్కా ఇంట్లోనే కూర్చుని చూడొచ్చు.
లక్నోకి చెందిన 33 ఏళ్ల ఇంజినీర్ సల్మా రిజ్వీ (హ్యూమా కురేషీ) చుట్టూ సాగుతుంది కథ. ఫ్యామిలీకి ఈ అమ్మాయే కొండంత అండ. పేరెంట్స్ ఫైనాన్షియల్ సెక్యూరిటీ మాత్రమే కాదు, చెల్లెళ్ల పెళ్లిళ్లు కూడా తనే చూసుకుంటుంది. అందుకోసం తన సంతోషాన్ని పక్కన పెట్టేస్తుంది. కుటుంబం కోసం ఇంతా చేస్తే… సమాజం మాత్రం ఆమెను “సింగిల్” అని జడ్జ్ చేస్తుంది. మ్యారేజ్ చేసుకోమని ప్రెజర్ చేస్తారు. ఇలాంటి సిచుయేషన్లో పేరెంట్స్ ఆమెకు సికందర్ ఖాన్ (శ్రేయాస్ తల్పాడే) అనే సింపుల్ బట్టల స్టోర్ ఓనర్ సంబంధాన్ని తీసుకొస్తారు. సికందర్ స్ట్రెయిట్ ఫార్వర్డ్ నేచర్ సల్మాకు నచ్చుతుంది. కానీ అదే టైమ్ లో ఆమె లైఫ్లో మరో ట్విస్ట్ వస్తుంది.
2 మంత్స్ అసైన్మెంట్ కోసం ఆమె ఆఫీస్ వర్క్ మీద లండన్ కి వెళ్లాల్సి వస్తుంది. అక్కడికి వెళ్ళాక మీట్ సింగ్ (సన్నీ సింగ్) అనే అడ్వెంచరస్ అర్బన్ ప్లానర్ అండ్ DJను కలుస్తుంది. సింగ్ ఆమెకు ఇండిపెండెంట్ లైఫ్ను ఇంట్రడ్యూస్ చేస్తాడు. దీంతో సల్మా ఆలోచనలో పడుతుంది. మరి ఆ తరువాత హీరోయిన్ ఎలాంటి నిర్ణయం తీసుకుంది? ఇండిపెండెంట్ గా ఉండాలని నిర్ణయం తీసుకుందా ? లేదంటే తల్లిదండ్రులు చూపించిన సంబంధాన్ని చేసుకుందా ? అనేది మూవీలో చూడాల్సిందే. ముఖ్యంగా అమ్మాయిలు మిస్ అవ్వకుండా చూడాల్సిన మూవీ ఇది. మరి ఓటీటీలో దీనికి ఎలాంటి ఆదరణ దక్కుతుందో చూడాలి.
Share
Eko OTT release date : మోస్ట్ అవైటింగ్ మలయాళ మూవీ 'ఎకో' ఓటీటీ విడుదల తేదీపై అఫిషియల్ అనౌన్స్మెంట్
Today Movies in TV : ఆదివారం సినిమాల జాతర.. అస్సలు మిస్ అవ్వకుండా చూడాల్సిందే..
