Social drama OTT : సోషల్ మెసేజ్ తో వచ్చే సినిమాలు తక్కువగానే వస్తుంటాయి. వచ్చిన వాటిలో నేర్చుకోవాల్సిన అంశాలు కూడా చాలా ఉంటాయి. ముఖ్యంగా మహిళల కోసం ప్రత్యేకించి కొన్ని సినిమాలు వచ్చాయి. ఈ సినిమాలు కూడా కొండంత ధైర్యాన్ని ఇస్తాయి మహిళలకి. ఇప్పుడు మనం చెప్పుకోబోయే సినిమా చూస్తే నిజమే అనిపిస్తుంది. ఈ మరాఠీ మూవీ అంత అద్భుతంగా ఉంటుంది మరి. ఒక మహిళ అటు అత్తారింట్లో, ఇటు పుట్టింట్లో ఎదుర్కొనే సంఘర్షణ ఈ సినిమా. ఇదొక మామూలు సినిమా కాదు, ప్రతి ఆడపిల్ల చూడాల్సిన ఒక ధైర్యవంతురాలి కథ.
ఈ మరాఠీ సోషల్ డ్రామా మూవీ పేరు ‘వెల్కమ్ హోమ్’ (Welcome Home). ప్రముఖ దర్శకులు సుమిత్రా భావే, సునీల్ సుక్తాంకర్ ఈ సినిమాను రూపొందించారు. ఇందులో మృణాల్ కుల్కర్ణి, సుమీత్ రాఘవన్, స్పృహ జోషి, మోహన్ అగాషే ప్రధాన పాత్రలు పోషించారు. ఈ సినిమా ప్రస్తుతం Amazon Prime Video లో అందుబాటులో ఉంది. పార్థ్ ఉమ్రాణి సంగీతం ఈ సినిమాకి ప్రధాన ఆకర్షణగా నిలిచింది. ఈ చిత్రంలోని “రాధే రాధే”, “కిర్ రాన్” “యా ఖుదా” వంటి పాటలు కథలోని ఎమోషన్స్ కు చక్కగా సరిపోతాయి. ఇక మృణాల్ కుల్కర్ణి ఉత్తమ నటిగా, సుమిత్రా భావే ఉత్తమ రచయిత్రిగా క్రిటిక్స్ ఛాయిస్ ఫిల్మ్ అవార్డ్స్ (2020) ను కూడా గెలుచుకున్నారు.
ఈ కథ సౌదామిని అనే ఒక ఇల్లాలు చుట్టూ తిరుగుతుంది. బాగా చదువుకున్న అమ్మాయే కానీ, పెళ్లయ్యాక భర్తతో గొడవలు, మనస్పర్థల వల్ల సంసారం నరకంలా తయారవుతుంది. ఇక అక్కడ ఉండలేక, ఒక రోజు తన కూతురిని, తనని ప్రాణంలా చూసుకునే అత్తగారిని వెంటబెట్టుకుని పుణెలో ఉన్న తన పుట్టింటికి వచ్చేస్తుంది. భర్తను వదిలేసి రావడం అంటే అప్పట్లో ఏదో తప్పు చేసినట్టు చూసేవారు కాబట్టి, ఆమె మనసులో ఏదో తెలియని బాధ ఉంటుంది. ఇక పుట్టింటికి వచ్చాక కూడా ఆమెకు ప్రశాంతత దొరకదు. మగాడు అన్నాక కాస్త అటు ఇటుగా ఉంటాడు, సర్దుకుపోక ఏంటి ఈ గొడవలు? అని చుట్టుపక్కల వాళ్లు, బంధువులు సూటిపోటి మాటలు అంటుంటారు.
ఇక తనకంటూ ఒక సొంత గుర్తింపు ఉండాలని, ఎవరి మీద ఆధారపడకుండా బతకాలని ఆమె పడే తాపత్రయం, ఆ క్రమంలో ఆమె ఎదుర్కొనే అవమానాలు చాలా ఎమోషనల్గా ఉంటాయి. చివరికి సౌదామిని తన కాళ్ళమీద నిలబడుతుందా ? ఈ సమాజాన్ని ఎదిరించి బతకగలుగుతుందా ? అసలు ఆమెకు భర్తతో వచ్చిన విబేధాలు ఏమిటి ? అనే విషయాలను తెలుసుకోవాలనుకుంటే, ఈ సినిమాను మిస్ కాకుండా చూడండి.
Read Also : తాత ఆఖరి కోరిక… మెంటలెక్కించే మనవరాలు… క్లైమాక్స్ వరకు నవ్వులే
Share
Illu Illalu Pillalu Today Episode: ప్రేమ ప్లాన్ గ్రాండ్ సక్సెస్.. కరిగిపోయిన వేదవతి.. అయ్యో వల్లికి మళ్ళీ షాక్..
Trisha Controversy: వైరల్ వీడియో వివాదంలో పార్థిబన్పై సీరియస్ అయిన నటి త్రిష
