Horror Mystery on OTT: మనం నివసించే ఇంట్లో మనకు తెలియకుండానే ఒక అదృశ్య శక్తి సంచరిస్తూ, మన ప్రతి కదలికను అత్యంత నిశితంగా గమనిస్తూ ఉంటే ఎలా ఉంటుంది? వినూత్నమైన మేకింగ్, సరికొత్త కాన్సెప్ట్‌తో ప్రేక్షకుల గుండెల్లో తీవ్రమైన భయం పుట్టించేలా తెరకెక్కించిన హాలీవుడ్ హారర్ మిస్టరీ మూవీ ‘ప్రెజెన్స్’ (Presence Movie). దెయ్యం సినిమాలు అనగానే గోడలపై పాకే ఆత్మలు, పెద్ద పెద్ద అరుపులు, రక్తపాతం గుర్తొస్తాయి. కానీ ఈ సినిమా మాత్రం వాటన్నింటికీ భిన్నం. ఇందులో కెమెరా మనుషుల వైపు కాకుండా.. ఆ ఇంట్లో ఉన్న ఆత్మ కళ్లతో కథను చూపిస్తుంది. అంటే స్క్రీన్‌పై కనిపించే ప్రపంచాన్ని మనమే ఒక దెయ్యంలా చూస్తుంటాం. పెద్దగా భయపెట్టే సీన్లు లేకపోయినా.. ఇంట్లో ఎవరో కనిపించకుండా తిరుగుతున్నారనే ఫీలింగ్‌తో టెన్షన్ పెంచుతుంది. మరి ఈ సినిమా ఏ ఓటీటీలో ఉందో తెలుసుకుందాం పదండి.
ఒక కుటుంబం నగర సందడికి దూరంగా, ప్రశాంతమైన వాతావరణంలో జీవించాలని ఆలోచించి నగర శివార్లలో ఉన్న ఒక పాత కాలపు భవంతిని తక్కువ ధరకు కొనుగోలు చేసి అక్కడికి నివాసానికి మారతారు. ప్రారంభంలో ఆ ఇల్లు చాలా ఆకర్షణీయంగా, విశాలంగా ఉన్నట్లు అనిపించినప్పటికీ, కొద్దిరోజులకే అక్కడ వాతావరణం భయానకంగా మారడం మొదలవుతుంది. ఇంట్లోని వస్తువులు తమంతట అవే ఒక చోటు నుండి మరొక చోటుకి కదలడం, రాత్రి వేళల్లో గోడల వెనుక నుండి భయంకరమైన శబ్దాలు రావడం జరుగుతాయి.
ఆ ఇంట్లో కేవలం తమ కుటుంబ సభ్యులు మాత్రమే కాకుండా, కంటికి కనిపించని మరొక దుష్టశక్తి ఉందనే పచ్చి నిజాని వారు ఆలస్యంగా గ్రహిస్తారు. ఆ శక్తి నుండి తమను తాము రక్షించుకోవడానికి వారు రకరకాల ప్రయత్నాలు చేస్తుండగా, ఆ అదృశ్య శక్తి మరింత ఆగ్రహానికి గురై వారిపై దాడులు చేయడం ప్రారంభిస్తుంది. ఆ ఇంటి తలుపులు, కిటికీలు తమంతట అవే మూసుకుపోయి, ఆ కుటుంబం బయటకు వెళ్లకుండా ఆ ఇంట్లోనే బందీలుగా మారిపోతారు.
ఆ ఇంట్లో నివసించే ఆ అదృశ్య శక్తి ఎవరు? ఆ పాత భవంతి వెనుక ఉన్న భయంకరమైన గతం, శాపం ఏమిటి ? ఆ శక్తి ఆ కుటుంబంలోని ఒకరినే ప్రత్యేకంగా ఎందుకు టార్గెట్ చేస్తోంది ? అనే విషయాలు ప్రతి క్షణం వెన్నులో వణుకు పుట్టిస్తాయి. హారర్ చిత్రాల శైలిని పూర్తిగా మార్చేస్తూ రూపొందించిన ఈ సినిమా సాంకేతికంగా అత్యున్నత ప్రమాణాలతో సాగుతుంది. మరి కంటికి కనిపించని ఆ రక్కసి శక్తి బారి నుండి ఆ కుటుంబం ప్రాణాలతో బయటపడగలిగిందా ? ఆ ఇంట్లోని రహస్యాన్ని వారు ఛేదించారా లేక ఆ శక్తినే వారిని బలి తీసుకుందా అనేది చీకటి గదిలో ఈ సినిమా చూసి తెలుసుకోవాల్సిందే. క్లోయ్‌తో దానికి ఏర్పడిన కనెక్షన్ ఏంటి ? చివరికి ఆ కుటుంబానికి ఆ ఆత్మ మేలు చేసిందా… లేక మరింత ప్రమాదంలోకి నెట్టిందా ? అనేదే సినిమా అసలు కథ.
అంతర్జాతీయ హారర్ చిత్రం ‘ప్రెజెన్స్’లో లూసీ లియు, క్రిస్ సుల్లివన్, కాలియోపా నెల్సన్, క్రిస్ సీఫ్రైడ్ ప్రధాన పాత్రల్లో నటించారు. హాలీవుడ్ ప్రముఖ ఆస్కార్ విజేత దర్శకుడు స్టీవెన్ సోడర్‌బర్గ్ అత్యంత అరుదైన ఫస్ట్-పర్సన్ పాయింట్ ఆఫ్ వ్యూలో ఈ చిత్రాన్ని నిర్మించారు. అంతర్జాతీయంగా విడుదలైన ఈ సినిమా ప్రస్తుతం Amazon Prime Videoలో ప్రసారమవుతోంది. డిఫరెంట్ హర్రర్ మూవీని చూడాలనుకుంటే దీన్ని డోంట్ మిస్.
Share
పవన్ సీఎం డిమాండ్‌తో కొత్త చర్చ.. 15 సీట్ల డిమాండ్‌పై స్పందనేమిటీ?
సుప్రీంకోర్టు కీలక నిర్ణయం.. కాక్రోచ్ జనతా పార్టీ నిరసనపై స్టే ఇచ్చేందుకు నిరాకరణ!
