Suspense thriller OTT : బీభత్సమైన కంటెంట్ కావాలనుకుంటే, ఈ హాలీవుడ్ సిరీస్ పై ఓ లుక్ వేయండి. గత ఏడాది వచ్చిన ఈ సిరీస్ ఊహించని మలుపులతో షాక్ ఇస్తూ ఉంటుంది. ఇది హింస, జైలు రాజకీయాలతో నడిచే ఒక క్రైమ్ థ్రిల్లర్. జైలులో మహిళల మధ్య ఉండే గొడవలను ఈ సిరీస్ ఉత్కంఠంగా చూపిస్తుంది. ఒక్క సారి చూడటం మొదలు పెడితే అస్సలు వదలరు చివరి ఎపిసోడ్ వరకు. ఈ క్రైమ్ సిరీస్ పేరు, ఎక్కడ ఉంది ? అనే వివరాల్లోకి వెళ్తే
ఈ క్రైమ్ డ్రామా సిరీస్ పేరు ‘ఇన్ ది మడ్’ (In The Mud). ఇందులో అనా గారిబాల్డి, వాలెంటినా జెనెరె, రీటా కోర్టేస్ ప్రధాన పాత్రలు పోషించారు. ఇది 2025 ఆగస్ట్ 14న నెట్‌ఫ్లిక్స్ (Netflix)లో స్ట్రీమింగ్ కి వచ్చింది. అర్జెంటీనాకు చెందిన ప్రసిద్ధ సిరీస్ ‘ఎల్ మార్జినల్’ (El Marginal)కు ఇది స్పిన్-ఆఫ్. మొదటి సీజన్‌లో మొత్తం 8 ఎపిసోడ్లు ఉన్నాయి. మొదటి సీజన్ హిట్ కావడంతో ప్రస్తుతం ఈ సిరీస్ రెండవ సీజన్ కోసం స్క్రిప్ట్ పనులు జరుగుతున్నట్లు సమాచారం.
గ్లాడిస్ అనే మహిళ, తన భర్త చేసిన నేరం వల్ల జైలుకు వెళ్లాల్సి వస్తుంది. ఆమెను ఒక ప్రమాదకరమైన మహిళా జైలుకు తరలిస్తున్నప్పుడు ఒక ఊహించని ప్రమాదం జరుగుతుంది. ఆ ఖైదీల వ్యాన్ నదిలో పడిపోతుంది. ఆ చావు అంచుల్లో నుండి గ్లాడిస్ మరికొందరు మహిళలతో కలిసి ప్రాణాలతో బయటపడుతుంది. కానీ అసలు నరకం జైలుకు వెళ్ళాక మొదలవుతుంది. జైలు లోపల రకరకాల గ్యాంగ్‌లు ఉంటాయి. కొత్తగా వచ్చిన గ్లాడిస్ కి అసలు సమస్యలు మొదలవుతాయి. అక్కడ మనుషులు ఎలా ఉంటారో తెలుస్తుంది. ఆమె ఇప్పుడు తనను తాను కాపాడుకుంటూ, బతకాల్సి వస్తుంది.
బయట ప్రపంచంలో అమాయకంగా ఉండే మహిళలు, జైలు గోడల మధ్య బ్రతకడం కోసం ఎంత క్రూరంగా మారాల్సి వస్తుంది? అక్కడ ఉండే అవినీతి అధికారులు, తోటి ఖైదీల వేధింపులను వాళ్ళు ఎలా ఎదురించారు? అనే విషయాలను ఈ క్రైమ్ డ్రామా సిరీస్ ను చూసి తెలుసుకోవాల్సిందే.
మొత్తానికి ఇది ఒక సాదాసీదా కథ కాదు. పక్కా రా అండ్ రస్టిక్ స్టైల్‌లో ఉంటుంది.
Read Also : బయట శత్రువులే కానీ లోపల మాత్రం మ్యాటర్ వేరే… ఓటిటిలో దుమ్ము దులుపుతున్న రొమాంటిక్ స్పోర్ట్స్ డ్రామా
Share
Mars transit: కుజగ్రహ సంచారం - ఆ ఐదు రాశులకు తిరుగుండదట
130km Electric Bike: డెకథ్లాన్ కొత్త ఎలెక్ట్రిక్ సైకిల్.. Bosch మోటార్‌తో 130కిమీ రేంజ్.. ధర ఎంతంటే?
