లవర్ కు మతిమరుపు వస్తే… కన్నీళ్ళు పెట్టించే తెలుగు రొమాంటిక్ డ్రామా

Telugu Romantic Drama: కొన్ని ప్రేమకథలు ఒక్కసారి చూస్తే జీవితాంతం మరిచిపోలేము అన్నట్టుగా ఉంటాయి. అలాంటి లవ్ స్టోరీస్ ఓటీటీలో చాలా అరుదుగా దొరుకుతాయి. అలాంటి వాటి లిస్ట్ లో ఉండే తెలుగు మూవీనే ‘కపుల్ ఫ్రెండ్లీ’ (Couple Friendly). కెరీర్ కోసం స్ట్రగుల్ అయ్యే ఓ మిడిల్ క్లాస్ అబ్బాయి జీవితంలో ఎలాంటి విషాదం చోటు చేసుకుంది ? అన్న అంశంతో రూపొందిన ఈ మోడ్రన్ ఎమోషనల్ స్టోరీని ఏ ఓటీటీలో చూడవచ్చు ? స్టోరీ ఏంటి ? అన్నది తెలియాలంటే ముందుగా డీటైల్స్ పై ఒక లుక్కేద్దాం పదండి.

కథలోకి వెళ్తే…

నెల్లూరు నుండి చెన్నైకి ఇంటీరియర్ డిజైనర్ ఉద్యోగం కోసం వస్తాడు మన హీరో శివ సాయి ప్రతాప్. సరైన అవకాశాలు రాకపోవడంతో రూమ్ రెంట్ కట్టుకోవడానికి పార్ట్ టైమ్ బైక్ టాక్సీ రైడర్‌ గా పని చేస్తుంటాడు. చిత్తూరుకు చెందిన మిత్ర మన హీరోయిన్. ఐటీ ఉద్యోగం కోసం చెన్నై వచ్చి ఎన్నో ఇంటర్వ్యూలు ఇచ్చినా రిజెక్ట్ అవుతుంటుంది. ఒకరోజు బైక్ పూలింగ్ యాప్ ద్వారా మిత్ర, శివ బైక్‌పై ప్రయాణిస్తుంది. అంటే రాపిడో లాగా అన్నమాట. ఈ ప్రయాణంలో వీరిద్దరి మధ్య స్నేహం మొదలవుతుంది.

అంతలోనే మిత్ర తన పాత హాస్టల్ ఖాళీ చేయాల్సి రావడంతో, చెన్నైలో కొత్త రూమ్ కోసం శివ సహాయంతో చాలా వెతుకుతుంది. ఎక్కడా రూమ్ దొరక్కపోవడంతో, శివ తన ఇంట్లోనే రెంట్ షేర్ చేసుకుంటూ కలిసి ఉందామని ఆఫర్ ఇస్తాడు. మొదట సంకోచించినా మిత్ర దానికి ఒప్పుకుంటుంది. కలిసి ఉన్న సమయంలో మిత్ర, శివకు ఒక మంచి ప్రొఫెషనల్ ప్రొఫైల్ క్రియేట్ చేసి, అతనికి ఇంటీరియర్ డిజైనింగ్ ప్రాజెక్ట్స్ వచ్చేలా హెల్ప్ చేస్తుంది. శివ సక్సెస్ అవుతున్నకొద్ది, వాళ్ళ స్నేహం కాస్తా ప్రేమగా మారుతుంది.

తరువాత ఇద్దరూ ఒక పెద్ద అపార్ట్‌మెంట్‌లోకి మారుతారు. తమ ప్రేమ గురించి ఇంట్లో చెప్పమని మిత్ర అడగ్గా, ఒక చిన్న అపార్థం వల్ల ఇద్దరి మధ్య గొడవ జరుగుతుంది. మిత్ర తన ఫ్రెండ్ ప్రీతి ఇంటికి వెళ్ళిపోతుంది. అదే సమయంలో శివ కుటుంబం, మిత్ర తల్లిదండ్రులు వేర్వేరు పనుల మీద చెన్నై వస్తారు. మిత్ర తండ్రి ఆమెకు పెళ్లి సంబంధాలు చూస్తుంటాడు. శివ తన తప్పు తెలుసుకుని మిత్రను కలవడంతో ఇద్దరూ ఒకటవుతారు. కానీ అదే సమయంలో మిత్ర తల్లిదండ్రులకు దొరికిపోతారు.

ఒక రెస్టారెంట్‌లో ఇరు కుటుంబాలు సమావేశమవగా, శివ తల్లిదండ్రులు ఓకే చెప్పినా మిత్ర తండ్రి మాత్రం వీరి ప్రేమని నిరాకరించి ఆమెను ఊరికి తీసుకెళ్ళిపోతాడు. తండ్రి నిర్ణయంతో మిత్ర తీవ్రమైన మానసిక వేదనకు గురై హాస్పిటల్ పాలువుతుంది. పరీక్షించిన డాక్టర్లు ఆమె గురించి ఎలాంటి షాకింగ్ నిజం చెప్పారు ? ఆ కష్టకాలంలో శివ ఆమెను ఎలా చూసుకున్నాడు ? క్లైమాక్స్ లో వచ్చే ట్విస్ట్ ఏంటి ? అనేది తెలియాలంటే ఈ సినిమాను చూడాల్సిందే.

తెలుగు మూవీనే

సంతోష్ శోభన్, మానస వారణాసి ప్రధాన పాత్రల్లో నటించిన చిత్రం ‘కపుల్ ఫ్రెండ్లీ’. ప్రేమికుల రోజు సందర్భంగా 2026 ఫిబ్రవరి 14న థియేటర్లలో విడుదలై మంచి విజయాన్ని సాధించింది. ప్రస్తుతం అమెజాన్ ప్రైమ్ వీడియోలో తెలుగు ఆడియోతో స్ట్రీమింగ్ అవుతోంది.