Thadayam OTT release date : తమిళ ఇండస్ట్రీ నుంచి మరో కొత్త క్రైమ్ థ్రిల్లర్ ఓటీటీలో స్ట్రీమింగ్ కి వస్తోంది. నటుడిగా, దర్శకుడిగా రానిస్తున్న సముద్రఖని నటించిన ఈ వెబ్ సిరీస్ ‘తడయం’ ఫస్ట్ లుక్ ను ఇప్పటికే విడుదల చేశారు. ఇప్పుడు ఈ సిరీస్ ఓటీటీ రిలీజ్ డేట్ ని కూడా అనౌన్స్ చేశారు మేకర్స్. సముద్రఖని నటన ఈ సిరీస్ కి హైలెట్ గా నిలవనుంది. తమిళనాడు సరిహద్దుల్లో అర్ధరాత్రి వేళల్లో జరిగే వరుస హత్యలు చుట్టూ ఈ కథ ఉంటుంది. పోలీస్ ఆఫీసర్ పాత్రలో సముద్రఖని, కిల్లర్ వేటలో పడతాడు. ఉత్కంఠంగా సాగే ఈ సిరీస్ ఏ ఓటీటీలోకి వస్తుంది ? దీని కథ ఏంటి ? అనే వివరాలను తెలుసుకుందాం పదండి.
ఈ తమిళ క్రైమ్ థ్రిల్లర్ ‘తడయం’ (Thadayam) వెబ్ సిరీస్ జీ5 (ZEE5) ఓటీటీలో 2026 ఫిబ్రవరి 27 నుంచి స్ట్రీమింగ్ కానుంది. నవీన్ కుమార్ పళనివేల్ దర్శకత్వం వహించిన ఈ సిరీస్లో సముద్రఖని పవర్ ఫుల్ పోలీస్ పాత్రలో కనిపించనున్నాడు. ఈ సంవత్సరం రేగై, హార్టిలీ బ్యాటరీ, వేడువన్ వంటి సిరీస్లను నిర్మించిన ZEE5 ఈ సంవత్సరం ‘తడయం’ పేరుతో ఆడియన్స్ ను అలరించబోతోంది. ఈ సిరీస్ ను ఫిబ్రవరి 27 నుంచి OTTplay ప్రీమియం సబ్స్క్రైబర్లు కూడా చూడవచ్చు. ZEE5 సాధారణంగా ఒరిజినల్ సిరీస్లను తమిళంతో పాటు తెలుగు, కన్నడ, మలయాళ భాషల్లో కూడా డబ్ చేసి విడుదల చేస్తుంది. ఈ సిరీస్ కూడా అదే రోజున తెలుగు ఆడియోతో అందుబాటులోకి వచ్చే అవకాశం ఉంది. అయితే అజయ్ కృష్ణ నిర్మించిన ఈ సిరీస్ ని ZEE5 లో చూడాలంటే మరి కొన్ని రోజులు ఆగాల్సిందే.
1999వ సంవత్సరంలో ఒక సీరియల్ కిల్లర్, అర్ధరాత్రి వేళల్లో ఒంటరిగా ఉన్న మహిళలను అత్యంత క్రూరంగా హత్యలు చేస్తూ ఉంటాడు. అయితే ఈ హంతకుడు కేవలం హత్యలు చేయడమే కాకుండా, మరణించిన మహిళల మెడలోని తాళిని మాత్రమే దొంగిలించి తీసుకువెళ్తుంటాడు. ఆ పట్టణంలో ఈ వింతైన, భయంకరమైన హత్యలు ప్రజలను భయాందోళనలకు గురిచేస్తాయి. ఈ మిస్టరీని ఛేదించే బాధ్యతను పవర్ ఫుల్ పోలీస్ ఆఫీసర్ (సముద్రఖని) తీసుకుంటాడు. హంతకుడు వదిలివెళ్ళే చిన్న చిన్న ఆధారాలను పట్టుకుని అతడిని పట్టుకున్నాడనేది ఈ సిరీస్ మిగతా కథ.
Share
Honda Monkey 125: సరికొత్త హోండా మంకీ 125 వచ్చేసింది, స్పెషాలిటీ ఏంటో తెలుసా?
Dharmaraja: సొంత తల్లిని శపించిన ధర్మరాజు - కుంతీ శాపం ఇప్పటికీ అనుభవిస్తునది ఎవరో తెలుసా..?
